[ اسئلة مراجعة ] : ملخصات مواد إدارة الأعمال من مستوى 1 إلى 4

[الريم e]

عندي ملخصات ل إدارة الأعمال من المستوى الأول الى المستوى الثالث لكل المواد وطبعاً حاليا لمواد المستوى الرابع بس اخلص ماابيهم بعد

اللي يبيهم يقولي هنا واجيبهم له

انا مقري الرياض 48 (( مدارس الرواد ))

قلت يستفيد منهم غيري بدل المبالغ اللي تندفع على طباعتهم

وفقنــا الله وإيـاكم لكل خيــر

[داليا عبدالله]

أنا ابي المستوئ 3 و4 من الرياض كيف اتوصلك ساكنه بالدرعيه
الله يكتب اجرك

[الريم e]

ابشري

حاولي تراسليني ع الخاص عشان نتفق لاني حاليا مستوى 4 يعني بس اخلص اختباراتي مااحتاجهم ونتفق واسلمك اياهم حق المستويين ال3 و 4

[turki.1]

ابي مستوى ثاني وثالث ورابع ...
مدري عندك واﻻ ينطبق المثل سبقك بها عكاشه..

[داليا عبدالله]

ممكن تراسلينن خاص لاني ما اعرف الطريقه

[الريم e]

المشاركة الأصلية كتبت بواسطة turki.1

ابي مستوى ثاني وثالث ورابع ...
مدري عندك واﻻ ينطبق المثل سبقك بها عكاشه..

اخوي للأسف 3 و 4 راحوا سبقك بها عكاشه

باقي عندي 2

اذا تبيهم قولي

[wafa1076]

كيف مواد المستوى الثالث والرابع سهله ولا صعبه

[الريم e]

المشاركة الأصلية كتبت بواسطة wafa1076

كيف مواد المستوى الثالث والرابع سهله ولا صعبه

سألتيني وبجاوبك على ماشفته وجربته طبعا انا ماشية على الخطه الجامعية لكل مستوى وهذا اللي انصحكم فيه عشان ماتتعبون بمبتابعة المواد لان لكل مستوى هناك ورش للمواد اللي يتفق عليها الغالب وع الغالب تكون نفس الخطه الجامعية وعشان مايصير تضارب بايام الاختبارات يعني ممكن تصير عندكم مادتين بيوم واحد وهالشي صعب طبعاً...

مستوى 3 :
- تقنية معلومات 2 : تابع للحاسب يعني اللي ملم بالحاسب او عنده دورات فيه بيكون تمام معه .
- نظم معلومات : مادة دسمه نوعاً ما ومعلوماتها كثيرة .
- محاسبة تكاليف : مادة علمية نوعا ما امممم احسن من محاسبة 1 و 2 بكثير انا اشوفها حلوة بس طبعا تحتاج لمتابعه عشان القوانين والمسائل اللي فيها .
- إدارة مالية 1 : مادة علمية تحتاااااج متااابعة اول باول و وقت كافي للمذاكرة لا تتركونها لوقت الاختبار ماينفع طبعا مسائل وقوانين ومعلومات مترابطه فلا تهملونها ابدا نصيــحـــة عشان ماتتعبون معها.
- احصاء في الادارة : ايضاً مادة علمية فيها رياضيات كثير من اللي اخذناه بالثانوي والدكتور بوقتها ماقصر ( ملفي الرشيدي ) ساعدنا نوعاً ما ونزل محاضرة فيها مراجعة للمنهج كخارطة طريق نسبيه.

مستوى 4:
- موارد بشرية : مادة فيها تعداد كثير ومعلومات متقاربة نوعا ما تحتاجون وقت عشان تميزون بين مواضيعها المتشابهه نوعا ما.
- اساليب كميه : مادة علمية وتحتاج متابعه وووقت كافي دكتورها ( ملفي الرشيدي ) الله يجزاه خير ماقصر.
- اساسيات البحث العلمي : مادة سهله نوعاً ما ولا تأثر بالمعدل كثير لانها ساعه وحده فقط ( مو معناتها تهملونها لا بالعكس ) وحذف لنا الدكتور منها اشياء كثير .
- إدارة مالية 2 : وراكم وراكم وبهالمستوى أدسممم وتحتااج متابعة اول باول و وقت كاااافي لمذاكرتها وطبعا مثلها مثل اي مادة علمية تحتاج اكثر من ساعتين في الاختبار يعني لا تاخرون ابدا بدخول القاعه عشان تلحقون تبداون فيها وخاصه ان تعبئة البيانات لحالها تحتاج وقت وحالياً انا ودفعتي نحاول نطالب بزيادة وقت الاختبار للمواد العلمية اللي مثلها وعلنا نصل لنتيجة ( واقترح لو تشاركونا بالمطالبة لكل المواد العلمية )نقرتين لعرض الصورة في صفحة مستقلة
- إدارة التسويق : مادة دسمة تقريبا وفيها تعدادات كثيرة تحتاج وقت كافي لمذاكرتها والإلمام بمعلوماتها ونوعاً ما ممتعه بس يعتمد على دكتور المادة مثلاً دكتورنا : دقيق ويجيب بين السطور .
- التحليل الإحصائي : مادة علممممممية وتحتاج للمتابعة اول باول طبعاً وووقت كاااااافي للإلمام بها .. ولولا الله ثم مساعدة دكتور الماده لنا بتنزيله لمحاضرة تشمل تقريبا 84 سؤال ( اللي كانت عبارة عن مراجعة للمادة ) كانوا شاملين للمنهج وانا شخصيا اعتمدت بمذاكرتي على هالمحاضرة اللي الاخوان والاخوات في الورش ماقصروا ضافوا شروحات حل لكل سؤال والحمدلله جا الإختبار نفس اسئلة هالمحاضرة بالفكرة بس تغيير ارقام وفي اسئلة حتى الأرقام فيها لم تتغير الله يجزاه كل خير عنــا هو واخواني واخواتي في الورشه اللي كان لهم دور كبير في اخراج المحاضرة بطريقة رائعو وسهلة للي يبي يذاكر وتم طباعتها والإعتماد عليها بعد الله اعتماد كلـــي (( توني امس مخلصه من هالماده وكانت آخر اختبار اتي في هالمستوى ولله الحمد))
وللعلم : دكتورها : أحمد فرحان يعني ان بقى نفسه خذوا الماده وانتم مطمنين


وهذا ماقدرني ربي عليه من ذاكرتي وبالرجوع لبعض الملخصات

وبالآخر .. وفقنـــا الله وإياكم لكل خيــر

[ناره]

شكرا جزيلا ع المعلومات الملمه بل مواد ودكاترتها والنصايح المفيده
وان شالله مايتغير احمد فرحات شرحه روعه
اخذنا رياضيات معاه

[ليلى طاهر]

يعطيك العافية