[ اسئلة اختبارات ] : تصرفات بعض الطلبة داخل القاعة

[Bandar_x5]

السلام عليكم

ترددت كثير قبل كتابة الموضوع بس التصرفات اللي نشوفها من بعض الطلبة الله يهديهم مزعجة اقصد داخل القاعة
المشكلة كبار والتصرفات

منها

20 واحد يسأل كم رقم المراقب والتاريخ
كم رقم المركز ؟ طيب واللي تكتبه كل يوم وشو واساسا مكتوب عالسبورة يالحبيب
لو سمحت نكتب اسم المدرسة ولى رقم المركز ولى الجهة ؟
لو سمحت كم الرقم الجامعي يالحبيب مستوى رابع ماحفظت رقمك للحين


المرحلة الاخيرة هذي احسها طفولية بزيادة

خلاص بسلم الورقة
المراقب : تنتظر شوي تجي ورقة التوقيع
الطالب: طيب خلاص راح نص الوقت
المراقب: يأشر لحظة يبيه يسكت
الطالب : لو سمحت بسرعة بطلع مستعجل

[mo7ammo]

الناس مو مثلك ذاكرتهم حديد ( ما شاء الله ) خصوصا مع صداع المذاكرة
انا حافظ رقم بطاقتي لكن اذا جيت اسجل بياناتي لازم اشوف البطاقة واتاكد

احمد ربك على نعمة الذاكرة عندك الناس مو واحد الله يحفظك

[أوتار الخيال]

احمد ربك واشكره على نعمة العقل

[ممدوووح]

رقم المراقب لازم نسال بما ان المراقبين يتغيرون كل يوم اما راح نص الوقت وابطلع هههههه

[ASMA@555]

[Bandar_x5]

المشاركة الأصلية كتبت بواسطة mo7ammo

الناس مو مثلك ذاكرتهم حديد ( ما شاء الله ) خصوصا مع صداع المذاكرة
انا حافظ رقم بطاقتي لكن اذا جيت اسجل بياناتي لازم اشوف البطاقة واتاكد

احمد ربك على نعمة الذاكرة عندك الناس مو واحد الله يحفظك

الحمد لله اولا واخيرا

المشاركة الأصلية كتبت بواسطة أوتار الخيال

احمد ربك واشكره على نعمة العقل

الحمد لله يا اخي

بس مالها دخل بالذاكرة انا كثير النسيان لكن تسأل كم رقم المركز وهو قدامك ؟؟؟

او تسأل كم التاريخ او رقم المراقب واثنين سألوا قبلك هذا اسمه عبط

[alameer1395]

رقم المراقب نفس المراقب يجي ياخذ الورقة ويعلم على رقمه ويرجع الورقة يمر على جميع الطلاب بمركزنا كذا كل مراقب هو يعمل تاشير على رقمه

[soolive]

صدقت يوجد حركات صبيانيه لكن قليله
بغض النظر عن هذا كله
انا من الناس اذا احد سولف جنبي وانا مركز بالاختبار اضيع الاجابه

[سلطان المغيري]

اشوفها تصرفات عادية ومن حقه يسأل والمراقب من واجباته يجيب
تدري من الاسئله اللي تشوفها قبح انا استفيد من سؤال واحد واجابة
المراقب القى انا اجابة كم رقم المراقب :)

[mo7ammo]

المشاركة الأصلية كتبت بواسطة bandar_x5

الحمد لله اولا واخيرا




الحمد لله يا اخي

بس مالها دخل بالذاكرة انا كثير النسيان لكن تسأل كم رقم المركز وهو قدامك ؟؟؟

او تسأل كم التاريخ او رقم المراقب واثنين سألوا قبلك هذا اسمه عبط

لا والله يا حبيبي مو عباطه لكن الناس قدرات فيهم اللي سمعه ضعيف وفيهم اللي عنده نوع من التشتت وقس على هذا ولا تنسى النفسية وقت الاختبار فيه ناس عادي عنده الاختبار وفيه ناس تلعب في نفسيتهم الاختبارات

احترامي وتقديري