ساكن شرق الرياض وابي المساعده

[handsom]

السلام عليكم

مساء الخير جميعا

من دخلت الجامعه وانا اختار مركز الجزيرة قريب مني

للاسف الترم هذا تغير حطوني في اليرموك انا ما ادل كثير في الرياض لاني ما عرفت اختار المركز القريب للاسف بعد ماظهر الموقع اكتشفت اني قريب خط الدمام جدا بعيد حاولت اغير حصلت الجميع يتكلم عن الاندلس للاسف الاندلس لونه احمر
اذا فيه مركز تنصحوني فيه قبل يقفلون الاختيار انا ساكن مخرج 16

[5alid05]

نفس وضعك انا بمخرج 16

كنت دايم اروح لمجمع سعود الكبير لكن للأسف الغوه

اخترت الروابي اللي هو مجمع العليان

وبعد فتره غيروني وحطوني باليرموك :| ثم لحقت واخترت الاندلس واتوقع انه اقرب شي لي بعد الروابي

اذا قدرت تختار الروابي والا الاندلس كان بها اذا ماقدرت اظن اقرب شي بعد هالمراكز .. حي اليرموك والله اعلم

وان اشاءلله الاخوان يفيدونك اكثر

[زمآن الصمت]

عندك الروابي بيكون في شارع (احمد بن حنبل؛
او تختار الاندلس وبيكون المركز (خلف خريص بلازا)

اما مركز اليرموك نصيحه لك اختر غيره لانه عند كبري الفحص تقاطع الشيخ جابر

[زمآن الصمت]

عندك الروابي بيكون في شارع (احمد بن حنبل؛
او تختار الاندلس وبيكون المركز (خلف خريص بلازا)

اما مركز اليرموك نصيحه لك اختر غيره لانه عند كبري الفحص تقاطع الشيخ جابر

[بحر - العود]

ياخوك ترا صارت لي قبل ترمين ورحت لأقرب مركز وحاول مدير المدرسة والوكيل يصرفوني بس قعدت لهم قلت عطوني رقم الدكتور الي من الجامعة ورفضو المهم انتضرت عند الباب الى جاء شخص وقف عند الباب ومعه اسئلت الاختبار نزلوها من السيارة بصناديق وعلطول رحتله طلع الدكتور وكلمته والحمدالله كان جدا" متعاون الله يجزاه خير
شف اقرب مركز لك ورحله قبل الاختبار بساعة بتحصل الدكتور المسؤول عن الاختبارات واشرح له وضعك بأن هذا المركز اقرب لك .. انتبه تروح لمدير المدرسة خلك على الدكتور

[أوتار الخيال]

الان كنسلوا مجمع العليان بالروابي وصار بداله مدارس الرواد الاهلية (القسم الثانوي ) بنين جنوب كلية المعلمين

[طاااالب]

المشاركة الأصلية كتبت بواسطة بحر - العود

ياخوك ترا صارت لي قبل ترمين ورحت لأقرب مركز وحاول مدير المدرسة والوكيل يصرفوني بس قعدت لهم قلت عطوني رقم الدكتور الي من الجامعة ورفضو المهم انتضرت عند الباب الى جاء شخص وقف عند الباب ومعه اسئلت الاختبار نزلوها من السيارة بصناديق وعلطول رحتله طلع الدكتور وكلمته والحمدالله كان جدا" متعاون الله يجزاه خير
شف اقرب مركز لك ورحله قبل الاختبار بساعة بتحصل الدكتور المسؤول عن الاختبارات واشرح له وضعك بأن هذا المركز اقرب لك .. انتبه تروح لمدير المدرسة خلك على الدكتور

انتبه اذ كنت في المستويات الاخيره احيانا يجبرك على مركز لو كانت المراكز الاخزى فاضيه حصل معي الترم الماضي
اريد انقل يقولك لايمكن حيث ان المواد التي سوف تختبر محدد لك في هذا المركز

[فيصل الحربي 35]

طيب مدرسة الابتكارية بإشبيلية مااحد يدل موقعه فين بالضبط لأَنِّي أمس فرفرت حول المنطقة اللي مرسومه بالخريطة ولا حصلت المدرسة

[handsom]

شكرا لكم ولنصائحكم المشكله حاولت الانتقال الى الروابي قالو تم الغاء الروابي بعد ماقلتم الاندلس من امس وانا احول فيه ما استطعت للاسف

وحولت الى مركز الشرق حي الملك فيصل اكتشفت انه اقرب بكثير عن اليرموك في مدارس الابتكارية في شارع خالد بن الوليد بنين
رحت لها امس علشان اعرف المكان للاسف ياخذ ساعة ونصف وقت الزحمه 25 دقيقة اذا الشارع فاضي