 |
|
||||||
| ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
 |
|
|
أدوات الموضوع |
|
#1
2015- 4- 21
|
|||
|
|||
|
خبر يضييييق الصدر حرام يا جامعاتنا !!!!!!!
وحدة من زميلاتي تخرجت من جامعة الملك فيصل يعني تعليم عن بعد وبتقدير ممتاااااز وبمعدل تراكمي 4،88 وراحت تقدم ماجستير على جامعة الامام بالرياض وجاااها الرد الصاعق ما نقبل بكالوريوس ( انتساب أو تعليم عن بعد )  رااااحت لجامعة الملك سعود ونفس الرد الظالم فقط نقبل انتظام وراحت لجامعة ثالثة وراااابعة وخاااامسة ونفس الرد يتكرر قالت ما فيه الا جامعتنا الحبيبة اللي درسنا فيها  وحققنا حلمنا بالكالوريوس ، أكيييد راح يقبلوني ولكن للأسف كان نفس الرد لااازم بكالوريوس انتظام ما نقبل انتساب أو تعليم عن بعد طيب الحين حنا عندنا طموح نكمل ماجستير ودكتوراه بعد ما نتوقف عند البكالوريوس لييييش هالتحطيم ، ودام شهادتنا ما تقبل بالدراسات العليا ليييش ما قلتوا لنا من الأول  والله العظيم خبر ضيق صدري وآآآآسفة اذا راح يضيق صدوركم لكن قلت افضفض لكم الطمووووح يا جامعاتنا ما له عمر ولا حدود |
|
2015- 4- 21
|
#2 |
|
أكـاديـمـي ألـمـاسـي
|
رد: خبر يضييييق الصدر حرام يا جامعاتنا !!!!!!!
عزيزتي مثل هذي المواضيع ماالمفروض تنطرح لأنه تأثر ع أكثر الطلاب
واحنا من المفرض التفاؤل والسعي ممكن هذي ماقبلوها انتي او غيركم ينقبلوا ماتدري سبحان الله مو ضروري يكون نفس المصير وأنا قريب قبل كم يوم قريت موضوع لوحدة انتساب تعليم عن بعد وقبلوها ماستر في جامعة القصيم وهذا كان انها كانت بدها تبتعث للخارج ماستر وانقبلت بس ماكانت التخصصات اللي تبيها وماخلت جامعة بالسعودية الا وقدمت عليها وانقبلت في القصيم يعني مثل ماقلت لك هذي ماتنحصر كلها ع جميع الجامعاات في السعودية ولو مو في السعودية الخارج يقبلوا مليون بالمية دراسة الماستر من التعليم عن بعد , |
|
2015- 4- 21
|
#3 |
|
أكـاديـمـي
|
رد: خبر يضييييق الصدر حرام يا جامعاتنا !!!!!!!
ان من جد متحطمة لانه كان حلمي اكمل ماجستير
لكن الله كريم 
|
|
2015- 4- 21
|
#4 |
|
متميزه بمسابقة الملتقى الرمضانية
|
رد: خبر يضييييق الصدر حرام يا جامعاتنا !!!!!!!
-
وعليكم السلام والرحمه موضوع في غير وقته ي عزيزتي هالفتره الكل متوتر وباله ع الاختبارات مافي داعي لهالموضوع ومن فتره وحده تخرجت وانقبلت بإحد الجامعات انتظام ومتخرجه علم اجتماع والموضوع بالقسم العام للتعليم عن بعد * ثانيا ربي قال اسعى يا عبدي وانا اسعى معك الحين هي لو تدور لها وظيفه آفضل و بنفس الوقت تقدم ع كل الجامعات انا ناآويه اعمل كذآ او اختصر الطريق واسجل بنفس جامعه القصيم اتوقع الي قبلتهآ مع ان حلمي مرح يوقف ع المآستر وآخذ الدكتورآه بإذن الله حتى لو اضطريت آخد بعثه وكلي ثقه بآلله انه معي بيساندني و يسخر آلناس لي .. آتمنى ربي يسهل آمورهآ ويوفق الجميع |
|
2015- 4- 21
|
#5 |
|
أكـاديـمـي
|
رد: خبر يضييييق الصدر حرام يا جامعاتنا !!!!!!!
اشكرك على ردك اختي غني
لكن فعلا لازم نكون على علم بالنظام أحسن ما ننصدم بعدين أنا معك لازم نتفاءل بس وش الفايدة والنظام يرفض طلبة التعليم عن بعد المسألة مهيب جبر خواطر من حقنا نكمل ماجستير وما يصكوا الابواب بوجيهنا اما نحلم انه الأمر يكون ضربة حظ أو احلامنا تكون في مهب الريح فهذا شيء يقهر وبعدين مو كل وحدة تسمح ظروفها المادية والاسرية تطلع تكمل ماستر بالخارج مشكورة على الاهتمام |
|
2015- 4- 21
|
#6 |
|
أكـاديـمـي ألـمـاسـي
|
رد: خبر يضييييق الصدر حرام يا جامعاتنا !!!!!!!
عزيزتي تركتي كلآمي اللي قلت لك فيه انقبلت في جامعة القصيم
ومازلتِ مستمرة في التحطيم رغم القبول كان في القصيم :) |
|
التعديل الأخير تم بواسطة غِنَى ; 2015- 4- 21 الساعة 05:56 PM |
|
|
2015- 4- 21
|
#7 |
|
أكـاديـمـي
|
رد: خبر يضييييق الصدر حرام يا جامعاتنا !!!!!!!
الله يجزاك خير يا غاليتي غني
لكن انا مثلا من سكان الرياض ولو قدمت على القصيم وما عندي أحد فيه تعتقدين راح أقدر أكمل وأترك زوجي وعيالي ؟ أنا فعلا مقهورة من هالنظام اللي يحد من طموح طلاب الانتساب رغم انهم يكافحون بصدق رغم ارتباطاتهم الكثيرة أعتذر منك ان كنت زعلتك بشيء من كلامي ربي يعين بس |
|
2015- 4- 21
|
#8 |
|
أكـاديـمـي ألـمـاسـي
|
رد: خبر يضييييق الصدر حرام يا جامعاتنا !!!!!!!
توقيت موضوعك خاطئ
ويؤثر سلبي على الجميع الايام هذي الواحد محتاج للتفاؤل والتشجيع لتحقيق اعلى المعدلات بإذن الله ارفعي شعار طموحي كبير ولن يتوقف عند حد معين اذا أُغلق باب فتح باب آخر وربما كان افضل من الباب الأول نحن بدأنا دراستنا بالتحدي تحدينا ظروفنا وارتباطاتنا سنتمسك بالتحدي لتحقيق أهدافنا مع ثقة عالية بالتوفيق من رب السماء انصحك وزميلتك بقراءة كم موضوع في الملتقى العام رائع جداً في اخت وضعت تجربتها حيث انها توظفت وهي لم تستلم الشهادة ماشاء الله وهاهي الآن تدرس انتظام في جامعة هنا صاحبتك لا تتوقف و لا تتحطم تحاول وتحاول وتكرر ولا تستسلم بالتوفيق للجميع :) |
|
2015- 4- 21
|
#9 |
|
أكـاديـمـي
|
رد: خبر يضييييق الصدر حرام يا جامعاتنا !!!!!!!
طيب كثير عارفين هالشيء واصلاا اختيار الكثير للإنتساب او التعليم
عن بعد كان عن قناعه لأنو لا ضروفه ولا وضعه يأهله يكون طالب منتظم وفي الحقيقه قريت من فتره انو المملكه ترتب هالوضع وتحسن منه وتخدم هالطلاب بشكل مناسب .. اذا انتي مو مقتنعه فيك تتركين وتروحين لإنتظام !! هالطاقه السلبيه واسلوب فرض الرأي وكأنك تبين نوقف اللحين ونعفس حياتنا وندور طوفة انتظام نصك راسنا فيها �� المعذره شديت بالكلام لكن مو وقته والله أنا عندي خلفيه عن هالموضوع وجتني غلقه كيف بالبقيه !! |
|
2015- 4- 21
|
#10 |
|
أكـاديـمـي ذهـبـي
|
رد: خبر يضييييق الصدر حرام يا جامعاتنا !!!!!!!
محد يعلم الغيب يمكن تتغير الانظمه من الحين لين التخرج كل شي جايز الحين نركز في الاختبارات احسن شي ونترك كل شي يضيق صدورنا كل شي خبره من رب العالمين
الله يوفق الجميع ويسعدهم يارب |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
