[ استفسار ] ماتلاحظون

[لجين الشايع]

ان امستوانا ميت مافيه تفاعل ليه سويت تشييك على المستويات الباقيه قمه نشاط ومساعده طيب ليه احنا شنو السبب وين ابو خالد وتروووك وين المساعده نبي اختبارات الاعوام السابقه والكويزات يرحم والديه من يساعد اممممممممممممممممممممممممممممممممماااااااااااااااا اااااااااااااااااااااااااااااانه

[حياتي امواج]

ليش انتي ما تسوين نشاط وتفاعل

[درة البلد]

شوفي والله المفروض ان كلا يسوي شي معاك حق اختي حياتي امواج والله يشهد علي اني اتمنى اسوي شي يستفيد منه غيري ويدعيلي من قلبه لاني مجربة بنفسي لما احد يكتب موضوع استفيد منه وتنزاح مشكلة من قدامي والله اني ادعيله في سجودي وهذا شي بيني وبين الله مااريد منه جزاء ولاشكورا لكن اللي مثلكم فعلايستحق دعوة صادقة في ظهر الغيب
والله اني اتمنى اني اعرف افيد احد والله ان ابسط شغله عندي في الكمبيوتر ارد على المشاركات لا اعرف تحميل ملفات ولا انشاء رابط ولا عندي الوقت اني اتعلم كل شي
زين ان وقتي يسمحلي احل واجباتي واقرا مواضيعكم
والله يشهد من عندها اطفال وربة بيت الله يعينها بس
وانتوا ياللي تنزلون المواضيع عساه دوم عالقوة ولا احنا جاحدين جهدكم بالعكس انتوا بمثابة المحسنين للي مثل حالتنا
وجزاكم الله الف خير

[حياتي امواج]

ان شاءالله نتعاون

[صرخة غريق]

هلا فيك
وبالنسبة لي موجود وكل يوم ادخل للمنتدى
بس انشغلنا بهالاجازة والضيوف الله يخليهم

وبامر الله نبداء من الاسبوع القادم

كنت اببداء هذا الاسبوع ولكن يعلم الله ضغط بالعمل وحصص وقروشة
ويالله اني كملت المحاضرات كتحميل وحل المناقشات

والبداية بتكون بالنقد الادبي وبنفتح موضوع له ونبداء بما يفيد ونستفيد
والان الاخت ام البواسل شغالة بموضوع على تحليل اسئلة النقد الادبي

لذلك اتمنى الهمة وما بقي شي عن الاختبارات

لكم ودي

[لجين الشايع]

شكرا على ردك يا اخت حياتي امواج اولا وثانيا الاخت دره البلد ردها رائع اشكرك صحيح فيه ناس ابداع بالمساعده واحنا بالانتظار شكرا يا صرخه غريق يارب فالنا النجاح

[المثابر111]

أخت لجين بدلاً من الإنتظار بإمكانك أخذ جولة على المواضيع المثبتة
ﻷن بصراحة فيها كل شيء راجعي تجمعات الطلبة السابقين راجعي الانطباعات اطبعي الملخصات المناسبة لك
اطبعي اسئلة الأعوام السابقة وراح تنحل مشاكلك بإذن الله
خصوصاً أن الدكاترة هم نفسهم ما تغيروا
عشان لما نسوي تجمع جديد أقل شي يكون عندك خلفية عن المواد .

أتمنى لي ولكم التوفيق ......

[المستقبل المشرق]

جزاهم الله بكل خير اللي يساعدون الطلبه بالملخصات واسئله الاعوام السابقه والمشاركات والواجبات. بس كل شخص له ظروفه. اتمنى اني اقدر اساعدكم بس مشغوله اغلب الوقت وموادي نصها للحين مادرستها زين. انتي ارجعي للصفحات القديمه تلقين المستويات اللي قبلنا جمعوا اسئلة العام وفي مجلس مذاكره لكل ماده بتستفدين منه كثير. وكل شخص يساعد باللي يقدر. مايصير نحط ظغط على كم طالب وطالبه, ماندري شنو ظروفهم, اعذروهم.

[Star Tooma]

الواحد مايقعد وينتظر غيره يصحيه ويحركه , انتي أجتهدي بنفسك والأختبار من المحتوى اكيد

[لجين الشايع]

أخت ستار توما الحمد لله نذاكر من البداية بجد واجتهاد ما له داعي الفلسفة ردك مو حلو ويعطيك العافية يامساعدة ياسكوت قول ورد جميل وشكرا