ساعدوني استفسار صغيرون لاتطنشوني بليز

[امال عبد الله]

مساء الخير يحلوين

الزبده على طول انا فالترم الاول سجلت اربع مواد المهم ماسددت الرسوم لان كنت فتره مريضه وقتها ولا سدتت ولا كنت باكمل اصلا وحتى ممافضيت اسوي اعتذذار
والمهم انو الحين سجلت لي مواد الترم الثاني وجيت بادفع قام حسب لي مواد الترمين سوا يعني ادفعها كلها! طيب كيف ادفع الترم الاول وانا لا درست ولا اختبرت؟ وش السواة احلين؟

[ઈઉ M L A M 7 ઈઉ]

مالك الا تدفعين

[سامية..]

ايه حبيبتي لازم تسددينهم
الله يوفقك

[العابره الحربي]

تدفعينها ولا اذا ما تقدرين مالك غير تنسحبين
الله ييسر أمرك ويكتب لك الخير

[عالم ثاني]

واصلي دراستك وسددي اللي تقدرين على راحتك ..
وحاولي خلال ترمين تضبطين وضعك وما يكون عليك رسوم علشان
تقدرين تشوفين نتيجتك وتعرفين مستواك الدراسي .

شوفي الجامعة تحسب المواد اللي ما اعتذرتي عنها ولو انك ما اختبرتيها فيك فيك السداد
مع المواد الجديدة حاولي تبحبحين نفسك شوية وادفعي .

واذا صار وما قدرتي على السداد ما راح احد يمنعك من الدراسة نظام الجامعة يسمح لك حتى انك
تدخلين الاختبارات ولكن راح يمنع عنك الاطلاع على النتيجة الين ما يتم السداد
حتى لو قعدتي اربع سنوات وتخرجتي ما راح يمنعك احد في الاخير يقولون ادفعي وخوذي شهادتك .
لكن لازم تكونين شاطرة وواثقه من نجاحك .

وفي النهاية اقولك الافضل ادفعي أول بأول احسن .

بالتوفيق .

[أبو جنى 1982]

اذا وقت الاختبارات كنتي مريضة حاولين تجيبين لهم عذر طبي ان شاء الله يقبلون ومايحسبون عليك رسوم ثانية

[توني عروس]

الشكوى لله ادفعي وانتبهي المره الجايه
خلك مراقبه الوضع.
ربي يوفقفك