[ محتوى مقرر ] : المنــــــــــــــــــــــــادي سنسجل نفس موادك المستوى القادم

[الندى الخالد]

السلام عليكم ورحمة الله وبركاته

اخي الكريم المنــــــــــــــادي
بارك الله فيك وبك وعليك
حقا ملخصاتك اعتمد عليها م السمستر الأول حتى الآن - وبحول الله جم اسئلة الاختبار منها -
لذا اود كرما منك ان تفيدنا بجدولك الاكاديمي للسمستر القادم حتى نعتمد بعد الله على ملخصاتك الأكثر من مفيده
ونستفيد من ملاحظاتك وتوجيهاتك الكريمه

بارك الله بك وفيك وعليك
م6

[Plender]

الله يسعده ويوفقه يااااارب

[عطر تفاح]

الله يجزاه خير ماقصر معنا جهووده واااضحه
وماننسى الباقي ربي يجزاهم كل خير

[ماجد الشاعر]

يستاهل أكثر المنادي ،

بيّض الله وجهه ، كان المنقذ بعد الله في أكثر من مادة ..

ولا يهون باقي الأعضاء ، هالدفعة فيها الخير والبركة ،

الله يكتب أجرهم ، ويكتب لهم التوفيق والسعادة فـ الدارين ~

[أبو طلال]

نعم له الفضل بعد الله في تذليل الصعاب هو وباقي الاعضاء الفعالين

[طموح أنثى *]

الله يسعدهم ويبارك فيهم اجمعين

[المنادي]

بأذن الله
باخذ مواد المستوى السادس
التوريد
النظم المتكاملة
ادارة المعرفة
القانون التجاري
الادارة العامة

وعندي مواد متخلفه لسي مابعد اطلع على جدول الامتحانات بشوف وش المناسب مع جدول الامتحانات
يعني ممكن اخذ إدارة ماليه 2
أو الاقتصاد الكلي
فيه كذا مادة ناسيها
المهم اني باخذ المستوى السادس وبضيف عليهم مادة وبشوف وش المادة المناسبه
وبالتوفيق لكم

[MoOoaD3]

الله يسعدك اخوي المنادي انا من الناس الي ملخصك عندي له الأولويه ولا يهونون باقي الشباب الحقيقه كلكم ماقصرتم الله لايحركم الأجر..

[Lamia87]

الله يوفقك ويجزاك خير يارب
راح اعتمد معك مواد المستوى السادس ..
وفالنا النجاح والتوفيق من رب كريم

[أم المثنى]

أخوي المنادي الله ييجزاك عنّا كل خير جعل لك بكل حرف أفدتنا فيه حسنة ومحو سيئة

ودرجة من الجنة وبعد عن النار ويرزقك الله من حيث لا تحتسب ويفرج عنك دنيا وآخرة زي

مافرّجت علينا