ادري مو وقته..بس.. عورني قلبي

[نورنور]

انا انجليزي معقوله بتخرج هالسمستر ولا راح اصير معلمه .. وش بسوي كل طموحي ع هالشهاده وهالوظيفه"التعليم" .. ادري مو وقته بس حبيت اشاركم همي مثل م نشارك كل الطلاب وهمومهم
والموضوع متكرر بس كنت اكذب حتى فتحت التسجيل في قياس المعلمات وشفت التعليمات...

[A s s i r i]

وجاء اعتذار الوزارة لخريجي الانتساب الذي (حصلت «عكاظ» على نسخة منه) بأن إدارة لجان المقابلات الشخصية تعتذر عن عدم تمكينها من إجراء المقابلات الشخصية نظرا لأنهم حصلوا على شهاداتهم الجامعية عن طريق الانتساب. وبررت وزارة التربية ذلك لعدم حاجتها لمخرجات الانتساب، وأن الأولوية تتمثل في توظيف خريجي الانتظام في الجامعات.
وكشفت مصادر في وزارة التربية والتعليم لـ «عكاظ»، أن توظيف خريجي الانتساب سيكون مستقبلا حسب الاحتياج، موضحا أن الوزارة ستستقبل حاليا خريجي الانتساب من تخصص اللغة الإنجليزية فقط، نظرا لاحتياج المدارس لهذا التخصص.

( صحيح الخبر قديم) ولكن الانجليزي ماشاء الله مرغوب
(الطموح لا يتوقف) والمجالات كثيره

[ولد الشيخ]

لا تيأسي اختي فان الرازق هو الله
الله يغير من حال الى حال
يمكن تتغير كل الامور مع ملكنا سلمان امد الله في عمره على طاعته
شدي حيلك والهمه الهمه .. اوشكتي على التخرج
تحياتي للجميع
ابن الرياض

[همس الروح 2015]

iمو مشكلة عزيزتي سجلي على وظيفة ادارية راح يقبلونك حكومة
كثااار بنات انتساب قدموا وانقبلوا بوظيفة ادارية اذا انت تبين وظيفة مو شرط تدريس

خلي املك بالله كبير لا تياسين

[B-A-D-E-R]

ولا ( انفضخ ) قلبك الا اخر سمستر !!!
وش رايك تفصلين !!

اخر سمستر لو يعطونك ورقة جريده ماهي شهاده مانتي تاركتهم خوذيها وبعد ماتاخذينها لكل حادث حديث

[الشريف.]

[JASMENN]

وليه كل هالوساوس والله مالها داعي دام ربي كريم

انا تخرجت الترم اللي فات الفصل الاول وتوني سجلت بقياس معلمات العام والتخصصي وستيب
مو لان قالوا وقالوا اكتف يديني واجلس !!
كلام اليوم بكرا يتغير .. ياكثر اللي توظف بشهاده ثانويه بسسس لان الارزاق بيد الله عزيزتي لاتحبطين نفسك

سوي اللي عليك والباقي على الله

[مزيانه]

اذا حابة التعليم قدمي ع ساعد بشهادة الثانوي

[salman1]

أحمدي ربك ترا اعرف معلمين كارهين أم التدريس

يقولون غثا طلاب وازعاج اولياء امور

والرزق مو واقف على مجال التعليم

قال تعالى : ( وعسى أن تكرهوا شيئاً وهو خير لكم )

[ام بندووري]

مو بس عشان هذا الشرط ماراح تكونين مدرسة حبيبتي
انتي جالسه تدرسين اداب مش تربية
جامعتك راح تسلمك وثيقة تخرج بقسم الانجليزي بين قوسين اداااااااب
التربيه شي والاداب شي ثاني
بس اذا انتي مررررا ودك بالتعليم مالك الا تاخذين دبلوم تربوي ترمين يعادلون فيها شهادتك وتصير تربوية
وبعدها تقدمين ع كفايات وتختبرين وتنجحين ان شاء الله وتمسكين دور في جدارة
بالتوفيق عزيزتي❤️