[ استفسار ] هنا دفعة المستوى الخامس المستوى الرابع سابقاً ..

[jamola]

السلام عليكم ورحمه الله وبركاته

هنا تجمعنا دفعه E5

والي كنا E4 المستوى الي فات

ألف مبروك للناجحين وتعوضونها يارب اللي رسبو :(


هاه بشرو عن نتايجكم ان شاء الله الدرجات زينه ؟


حابه اقولكم شدو حيلكم جداً جداً جداً


مواد هالمستوى حلوه بأذن الله بس بدون مذاكره ما رح تكون سهله بالعكس صعبهل
لازم تذاكرون المواد من قبل على الاقل لحد المحاضره 10 مثلاً وبيوم الاختبار كملو الباقي وسوو مراجعه
وراجعو الاسئله ولحد يعتمد عالاسئله بس لان بتعتمدون عليها مستحيل تحلون او تاخذون الدرجه الكامله
والي تفرحكم ..

وبالنسبه للجدول نزلت كل مواد الخطه ماعدا ماده الحضاره الاسلاميه
أنا ابغى امشي بمواد تخصصي اول بأول وهذا نظامي وانتم وش سويتو ؟ !

[حماااده]

jamola يا حليلك جايه مدرعمه
فيه مشاركات سابقة في هذ االموضوع وشرحنا وش بنسوي ( وانتبهي من نظرية الترجمه )
حاولي تسوين لها تأجيل .. شوفي موضوع الرسوب اليوم !

[ضناني الشوق 999]

مرحبا الف وحياكم الله أسفرت وأنورت أمطرت واستهلت هذي الساعة المباركة والله فى منزلكم الجديد ويجعله عامر والف مبروك على النجاح والمستوى الخامس فعلا فعلا يبغالهم مذاكرة مابي اخوفكم بس من جد يبغاله اجتهاد من بدري انتبهوا لا يسرقكم الوقت بالتوفيق للجميع

[piece of art]

ذا الترم درجاتي صدمة مو مستوعبة جايبة بالانشاء والتعبير 82 اقل درجة اخذتها
مادتين بس الي اخذت فيهم A+ الادب والنثر
قضايا ثقافية 85
قواعد البيانات 89
الاستماع والمنظومة A

ماني مسجلة مواد اليوم ابي اعيد

[كافي لاتية]

ايش رأيكم نأجل مهارات التحدث لمستويات قادمة حتي يصير يوم فاضي لمادة ظهور الروايه بماانها طويله

[حماااده]

المشاركة الأصلية كتبت بواسطة piece of art

ذا الترم درجاتي صدمة مو مستوعبة جايبة بالانشاء والتعبير 82 اقل درجة اخذتها
مادتين بس الي اخذت فيهم A+ الادب والنثر
قضايا ثقافية 85
قواعد البيانات 89
الاستماع والمنظومة A

ماني مسجلة مواد اليوم ابي اعيد

افا وانا احسبك دافوره الدفعه
قواعد البانات اشوفه تفاعل معي كويس ،
الاستماع اخذت 91 ! .. يبطي عظم انا برفع شكوى مافيه امل اقبل كذا وبوصلها للراي العام < وش عنده ههههه

المسأله مو مسأله درجه والله ، فوق انه ظلم ، يظلمونك ولا يعطونك اقل شيء هديه متآكد ان عدد اخطائي كانت بين 6 و7

الانشاء جبت 98 ، مدري وين الدرجتين راحت صراحه

^ وبطالبهم يتآكدون من الدوائر الملونه كويس هههههههههههههههههه

تحياتي
مصطفى

[حماااده]

المشاركة الأصلية كتبت بواسطة كافي لاتية

ايش رأيكم نأجل مهارات التحدث لمستويات قادمة حتي يصير يوم فاضي لمادة ظهور الروايه بماانها طويله

سوي اللي يعجبك ويفيدك شخصيا ،

فيه ناس بتسوي لها تأجيل وفيه ناس لا ،

وانتبهي من نظرية الترجمه ،

مهارات التحدث طبيعتها قد تحتاج لاستماع وصراحه انا ما سمعت ( استماع وتحدث 1 ) الا كم محاضره وسكرت علشان اتعود على صوته .. ونقصت درجاتي وكان السبب الصراحه المسجل بس كان مقبول وساكت

ويوم شديت حيلي وذاكرتها في استماع وتحدث 2 خوفا من جودة التسجيل .. ظلموني وصارت الجودة مره غير مقبوله بس فادتني الدراسه اللي قبل بحيث اني حاولت اخمن إجابات القطعة من دون الاستماع


طيب ^ ليش هالمقدمة
حسب شكاوي الطلاب في مهارات التحدث + نوع الماده مو زي استماع وتحدث يجيب لك حاجات ويبيك تفهمينها بشكل عام وعلى مفهومك تكون الإجابة .. وعلى أساس ان السمع اقل المهارات في اللغة عندي ، قررت اني اسوي لها تأجيل للسابع علشانها تعتمد على الخبره اكثر من أي مادة


طيب أيضا بسوي تأجيل لنظرية الترجمه ومافيه أي شيء محلها
ولكن بآخذ مادة النحو ( تبع المستوى الثاني اللغة العربية ) مع عصر النهضه في يوم واحد

وأيضا باخذ الشعر بدل مهارات التحدث

وقبل ما ينتهي الترم بشهر .. اشوف وضعي هل انا ذاكرت او الى الان ما فتحت أي كتاب
اذا ما فحت بحذف مادة < وهذا الموقف يتكرر معي في كل ترم
فاتوقع بالنهاية بحذف الشعر !

[hmooode]

الف مبروك النجاح و الحمد لله عدينا ما حن بدوافير اهم شيء نتخرج بس باللي هوبه

انا المستوى الخامس خلصت منه قضايا ثقافية و الباقي بنزله كله وش رائيكم

[jamola]

ايوه توني اشوف حماده خلاص عرفت انكم موجودين منتب نايمين :D

أجل بأجل هذي الماده الموت مع الجماعه رحمه مابغى اخذ شي وانصدم بس
الحمد لله
في كم ماده متأكده اني جبت ميه لكن الحمد لله يارب بس مدري وش اقول منقصين لي
الشكوى لله ماعلى الحي شاكي

نعوضها يارب كلنا بهذا المستوى

[piece of art]

المشاركة الأصلية كتبت بواسطة حماااده

افا وانا احسبك دافوره الدفعه
قواعد البانات اشوفه تفاعل معي كويس ،
الاستماع اخذت 91 ! .. يبطي عظم انا برفع شكوى مافيه امل اقبل كذا وبوصلها للراي العام < وش عنده ههههه

المسأله مو مسأله درجه والله ، فوق انه ظلم ، يظلمونك ولا يعطونك اقل شيء هديه متآكد ان عدد اخطائي كانت بين 6 و7

الانشاء جبت 98 ، مدري وين الدرجتين راحت صراحه

^ وبطالبهم يتآكدون من الدوائر الملونه كويس هههههههههههههههههه

تحياتي
مصطفى

مايفهمون عبقريتي للأسف

هذا وانا كاتبة معلقة شكوى على انشاء برفع تظلم يراجعون حلوله

مبرووك يامصطفى دفعتنا
بس للتأكيد قلنا معدلك كم عشان نثبت لقب مصطفى