[ استفسار ] أضرر من الضروري

[العسجديه]

السلام عليكم


واضح اني محششه من عنوان الموضوع
تدرون اني من الساعه 11 الى الحين في المحاضرة 14 وللحين ماوصلت نصها ؟
احاول اركز وافهم ماقدرت
يادوب فهمت الاسئله 1 و 2 و3 و4 و5 الباقي مافهمت وربي مخي مو قادر يستوعب
حملت الماده العام وشكلي ب احملها هالسنه
العام الدكتور فرحان يقول الايراد الكلي = تكامل والحدي = تفاضل
وملفي يقول الكلي تفاضل والحدي تكامل ياخي غصب يفتر راسي
فيكم تعطوني طريقه التكامل والتفاضل
والحلول النهائيه اللي بتحط لنا في الخيارات ؟
ماعاد فيني افهم خلاص ابي احفظ

[اقنور]

بالمختصر والمفيد (( لا تذاكري وتفهمي

احفظي الارقام في كل سؤال وبسسسسس

والله اذا ودك تعرفي الحل في طريقه بالاله الحاسبه ابحثي عنها

لكل مساله طريقه حلها على ما اعتقد ..

وفالنا التوفيق

[الدكتور دافور]

اول شي تسوين فورمات لمعلومات الدكتور السابق

خلينا مع الدكتور ملفي وبس

المطلوب يا طويلة العمر .. لو جاك في السؤال واعطاك الايراد الحدي والتكاليف الحديه .. معناته يبغى التكاااااامل

ولو اعطاك في السؤال الايراد الكلي والتكاليف الكليه .. معناته يبغى المشتقه اللي هي التفاضل

هذا علمنا وسلامتك

[العسجديه]

المشاركة الأصلية كتبت بواسطة اقنور

بالمختصر والمفيد (( لا تذاكري وتفهمي

احفظي الارقام في كل سؤال وبسسسسس

والله اذا ودك تعرفي الحل في طريقه بالاله الحاسبه ابحثي عنها

لكل مساله طريقه حلها على ما اعتقد ..

وفالنا التوفيق

الاله م اعرف استخدمها

يعافيك خيي

[العسجديه]

المشاركة الأصلية كتبت بواسطة الدكتور دافور

اول شي تسوين فورمات لمعلومات الدكتور السابق

خلينا مع الدكتور ملفي وبس

المطلوب يا طويلة العمر .. لو جاك في السؤال واعطاك الايراد الحدي والتكاليف الحديه .. معناته يبغى التكاااااامل

ولو اعطاك في السؤال الايراد الكلي والتكاليف الكليه .. معناته يبغى المشتقه اللي هي التفاضل

هذا علمنا وسلامتك

يعطيك العافيه

[اسطوره زماني]

انا حامل الماده للمره الرابعه على التوالي واخرتني ترم عن التخرج لكن متفائل مع الدكتور على انه شرحه صعب شوي على العموم


فيه اشياء سهله مثل المنوال والوسيط والمدى صفحه 132

[علي.]

تفاءلوا بالخير تجدوه ...

[saraomturki]

شوفي الصورتين وقارني بينها وتعرفين الفرق
معليش صورتين سريعه يوم سويتها مامداني اضبطها وارتبها



http://store1.up-00.com/2014-12/1419815804472.jpg



http://store1.up-00.com/2014-12/1419815804311.jpg

[♥ ησσпị]

-




وعليكم السلام ، اول شي ياقلبي روقي وصفي بالكِ وكل شي راح تفهمينه ب سهوله .
بالعكس مافي اختلاف في شرح ملفي واحمد فرحان ، انا كنت ماخذتها عند احمد لكن قدر ربي ان
تصير عندنا حاله وفاه ف ماقدرت احضر الاختبار لكن الاختلاف بينهم ملفي مسهل المنهج وحاذف اشياء
لكن احمد من ناحيه شرحه فهو ممتاز يوصل لك المعلومه بسهوله حتى لو كانت معقده .

شوفي ياقلبي مختصر الكلام " نقاط بسيطه توضح التفاضل والتكامل "
التفاضل ، راح يجيب لكِ مثلاَ ايراد كلي أو تكاليف كليه أو ربح كلي حلو ؟ وراح يطلب منكِ تجيبين
الايراد الحدي أو التكاليف حديه يعني بيكون من كلي الى حديَ ، من اسمها كليي الى حدي يعني اطرح
لان ابي احول من كبير الى صغير . يعني انزل الاس قدام x واطرح من الاس 1 .
مثال بسيط : 2x^3+2x لو قلت لكِ هاتي مشقتها او تفاضلها ؟ ناخذها حبه حبه .
( 2x^3 ) ننزل الاس 3 بيصر 2*3 =6 ، ونطرح الاس 1 بيصر x^2 يعني يصير عندنا الحد 6x^2
الحد الثاني ( 2x ) ، ننزل الاس اللي هو 1 بيكون 2*1 =2 ونطرح من الاس 1 = 0 يصير عندنا 2 .
بتصير الداله = 6x^2+2

هذا مختصر الاشتقاق ( تفاضل ) .
طيب الحين التكامل عكس التفاضل هناك كنا نطرح الاس ونضرب الاس القديم بمعامل x
التكامل عكسه نضيف على الاس 1 ونقسم معامل x بالاس الجديد .
وغالبا لو جاب لكِ حديَ راح يطلب كلي اللي هو تكامل . مثل عشان توضح لكِ لصوره .
الداله = 4x^2+4x^3 ناخذها طرف طرف .
( 4x^2 ) اول شي نضيف على الاس 1 بيصر x^3 ونقسم الاس الجديد على معامل x اللي هو 4 بيصير هالطرف
( 4/3x^3 ) نجي الطرف الثاني ( 4x^3 ) نضيف الاس 1 يصير 4 ونقسم الاس الجديد على معامل x
4/4 = 1 بيصير هالطرف x^4
الداله بتكون بعد تكاملها : 4/3x^3+x^4
وبس الموضوع سهل روقي بالكِ وركزي وراح يصير الموضوع مافي اسهل منه واي حاجه حابه اوضحها من عيوني

[خالد333]

اختي ♥ ησσпị

جزاك الله خير انا استفدت من شرحك السهل والواضح
والله يغفر لميتكم ويرحمه ويجمعنا واياه ووالدينا في جنات عدن بلا حساب ولا عقاب


اخوي اسطورة & اختي العسجديه
الله يوفقكم يارب وتعدون المادة ب a+

شكراً