[ اسئلة اختبارات ] : استهتار مبادئ الادارة

[سيرينا]

السلام عليكم ورحمه الله وبركاته

حبيت اكتب كلام بعد الاستهتار الواضح اللي صاير سواء بالمنتدى او حتى وسائل التواصل الاجتماعي

دعاء على الدكتور معتصم و الفاظ نابيه وكلامات حتى وصلت لزوجته وجنسيته و لونه !

هل هذا يليق بطلاب جامعيين ؟

اولا معروف عن مادة مبادئ الاداره انها ماده معقده ومتشعبه ومعلوماتها كثيره

انا كطالب جامعي لما تنزل موادي مو المفروض اشيك عليها واعرف ماهيتها ولا انتظر ليله الاختبار روابط اطبعها!!

اللي صار ان اغلبكم فتح الماده ليله الاختبار وتفاجأ من كميه المعلومات وكيف انها غير مترابطه تحتاج تحليل وربط

طبعا جلس يدرس او يقرا كثر الله خيره

البعض الاخر شطور جدا اخذ اسئله لدكتور ثاني وهو دكتور نذير و حفظها !!!

نجي للاسئله جدا سهله ولله الحمد حليتها بسهوله

ليش طيب انا حليت وانتوا لا

لاني ذاكرتها قبل الاختبارات وراجعتها بعد حتى فهمتها

وبليه الاختبار كل اللي سويته كان استرجاع للمعلومات فقط لا غير

ما انكر الماده صعبه بس هل بذلتوا جهد غير ليله الاختبار ؟

خلوها قاعده لكل مجتهد نصيب .....

نجي لطرفة الموضوع زميله لي بمركز الاختبار تقول برفع تظلم لاني ما حليت شي بس سؤال متأكده منه

طبعا وين النكته بالموضوع انها ما فتحت المحتوى ابد فقط ذاكرت اسئلة نذير

صراحه معها حق لان الدكنور بالمحتوى كان منزل اسئلة نذير !

المهم انا ما انتقدكم ولا اعترض على طريقتكم بالمذاكرة

ولكن ارتقوا شوي في طريقة اعتراضكم

[bint alkaldi]

شوفي ي قلبي اذا انتي ما شاء الله عليك عبقرية ومخك كبير ما شاء الله يعني والله أعلم وش وضعك يمكن انتي متزوجه ويمكن لا ويمكن موظفة ويمكن لا المهم تأكدي أن كل هذي العوامل لها دور ..

اولا نجي للدكتور يمكن فيه القليل مناا تجاوز الحد معاه فعلا بس تبين الصراحة هو الي جاب الكلام لنفسه ليش يعني هذي الدقة بالاسئلة ؟؟

انا معك صحيح الفاظهم كانت م تبين ولا تعطي اي انطباع انهم طلاب جامعيين ولكن اعتقد ان الأمر استفزهم وارجع واكرر هذ الشي م يبرر ..

ثاني شي .. اتكلم عن نفسي شوي انا وحده احب اذاكر كل شي وجايه الاولى ع مدرستي والحمد لله ومدرستي حكومية مو اهليه بعد وصحيح كانت فيه اشياء م تنحفظ لكن منهج كامل م ينحفظ هنا معليش ......

انا مسويه لي جدول وراجعت المادة من كل قلبي وجيت ليلة الاختبار وانصدمت ان كل المعلومات تبخرت شسسالفة ؟؟

لا تنسين تراعين هنا ان الكل مو مثلكك مستوى تفكيرك وعقلك واستيعابك غير + العوامل والظروف تأثر وتحكم ..

شكرا لكك وجد حبيت نقطه تنهويك لتصرف الطلاب هنا ولكن جد يستاهل التظلم .. ~

[MUHAMMD]

جانبتي الصواب والله

انا مذاكر المادة وحليت وضامن ان شاء الله اجيب فيها امتياز

لكن الاسئلة صعبة تمت صياغتها بطريقة Trick questions and answers

[سيرينا]

لو قريتي موضوعي زين فهمتي ان العبقريه وكبر المخ على قولتك ماله دخل انا قلت الاستعداد الجيد للاختبار قبل بوقت
واذا انتي ذاكرتي واستعديتي زين وبعد ما جاوبتي اجل عندك خلل في عملية التعلم والمذاكره
ورجاءً بعيداً عن الشخصنه
اسلوبك ابد غير راقي فيه استهزاء

[om reem]

كلام سليم
الماده صعبه ودسمه ويبغى لها مذاكره من البدايه
والدكتور ماجاب شي من برا كل شي من المحتوى
صحيح ان الاسئله صعبه جدا ومن بين السطور بس هذا مايعطينا الحق نغلط عليه ونسبه
رغم اني ماحليت زين ويمكن احمل الماده لكن ماطاوعني قلبي ادعي عليه لانه في نظري ماغلط وشي راجع له يحط اسئله سهله او صعبه
وكلن على حسب مذاكرته
تذكروا مع كل دعوه ترد الملائكة ولك بالمثل
خلاص سويتو اعتراض يكفي ليش السب والكلام اللي ماله داعي :)

[bint alkaldi]

المشاركة الأصلية كتبت بواسطة سيرينا

لو قريتي موضوعي زين فهمتي ان العبقريه وكبر المخ على قولتك ماله دخل انا قلت الاستعداد الجيد للاختبار قبل بوقت
واذا انتي ذاكرتي واستعديتي زين وبعد ما جاوبتي اجل عندك خلل في عملية التعلم والمذاكره
ورجاءً بعيداً عن الشخصنه
اسلوبك ابد غير راقي فيه استهزاء

لا ي قلبي كبر المخ له دور .. وانا وش قلت بالله قلت الحمد لله استعديت قبل الاختبار تماام وصح عليك ممكن يكون عندي خلل بهذي العملية لكن الحمد لله كل درجاتي فل مارك مدري وين الخلل المهمم .. بسس اصيغ العبارة بأسلوب اوضح مو الكل مثلك بالمستوى فيه عملية التعلم والمذاكره !!

وبالنسبة لأسلوبي والله الحمد لله انا م اقصد استهزاء ولا خرابيط كل ما في الأمر اسلوبك استفزني شوي ..
والله يحفظك وما شاء الله عليك ويوفقك ..

لا تزعلين يختي خلي روحك رياضيه .. ~

[Basomi1]

سيرينا لا فض فوك ياشيخة
انا من جد اقولكم ان الاختبار كان صعب بس ما خرج ابد عن المحتوى يمكن اللي لاحظت ان البنات كلهم معتمدين على الملخصات الماضية وانا مارة من جنبهم سمعت اسئلة مي موجوده بالمحتوى وقلت لهم ما مرت علي هالآسئلة لقيتهم يذاكرون بملخص الدوغان يعني المحتوى عندك تروحون للملخصات لييييييييش
انا عن نفسي حليت الحمد لله واالله يوفق الباقين وآرجع واقول الدكتور ماله ذنب باللي صاااار ولو بنشتكي كان اشتكينا على طريقة شرحة فقط لا غير .......

[سيرينا]

لا يا عسوله كبر المخ ماله دخل طيب مخي كبير بس مهمله ولا اذاكر بنجح ؟ ممكن بس بمستوى متدني

اتوقع بما انك الاولى �� عندك علم بهالموضوع

يا ما علماء مثل انشتاين مثلاً تراه عبقري ومخه كبير بس فاشل دراسياً

ومستغربه بس في ايش استفزيتك ؟

[c.mizo]

انا كنت جدا غير راضي عن الالفاظ السيئة

ولكن الدكتور لم يراعي الفروق الفردية

انا حليت الحمدلله

بس غيري موظف او متزوج وعنده عيال مو فاضي لنظريات ماسلو و ارغريس

[سيرينا]

ردود محمد و ام ريم وبسومه يأكد كلامي
شكرا لكم