تنجحوني والا باشتكيكم

[أبو حور]

السلام عليكم ورحمة الله وبركاته

ما أن ينتهي اختبار حتى تطرح مواضيع الشكاوي والدعاوي على الدكاترة وفي الغالب تدور هذه الشكاوي حول مسألة الأسئلة غير مباشرة والوضع الخاص الذي يعيشه طلاب وطالبات الجامعة لأنهم كبار في السن وغير متفرغين للدراسة ولديهم مسؤوليات أسرية واجتماعية وخلافة ....

عادة لا تطرح مثل هذه المواضيع الا من طلاب لم يجتهدوا في دراسة المادة ومذاكرتها بالشكل الصحيح بل تركوا الأمر حتى اخر اسبوع وبدأوا بحل الواجبات والمناقشات واعتمدوا على اسئلة الأعوام الماضية لحل الأختبار

وكل الهدف الحصول على ورقة اسمها بكالوريوس تؤهله للوصول الى اعلى المراتب الوظيفية ليمارس شهوته في المشيخه كما هو حاصل الآن من غالبية المسؤولين في البلد

رمي الفشل على الآخرين وإيجاد المبررات للهروب من المسؤولية هي احد أمراض المجتمع الذي نعيشه , الهدف من الدراسة هو العلم وتطبيق هذا العلم على أرض الواقع وبالتالي من المفترض عندما تشهد جامعة بأنك حاصل على درجة علمية معينة أن تكون حقا مستحقا لتلك الدرجة وكفؤ لها لأنها إن شهدت لك بهذه الدرجة وانت لا تستحقها سيحاسب كل شخص سعى في ذلك أمام الله لشهادة الزور تلك .


لا تظن أنك تجدف وحدك على متن قاربك
جميعنا على مركب واحد
وعندما لاتجدف بالشكل المطلوب فأنت تزيد العبء على غيرك

عندما تفهم ذلك ستعمل


تحياتي لكم

[صامد،]

ابو حور تحياتي لك حسيت انك الفريدان متنكر
بالنسبه لي اشتكي ياخوك اثبات حضور الاختبار مابغى منهم شي الا انهم يفعلونها مع نهاية الاختبار لاني اواجه مشاكل وظيفية لو تاخرت وكلامك بعضه صواب بارك الله فيك

[شئون الموظفين]

ابغى اسألك سؤال : لماذا اخترعو او وضعو حاجة اسمها انتساب او تعليم عن بعد الا للاوضاع الي انت ذكرتها بشماته . كبار سن وظروف اجتماعيه ووووو .

ياسعادة العميد احنا مانقولك اعطنا الاجابات مع الاسئلة ... لا.. احنا نقولك بلاش من وضع اسلوب التحدي للطلبة في طريقة طرح الاسئلة بامكان الدكتور معرفة ما اذا كان الطلاب مذاكر وفاهم او لا لكن مسألة تضع لي اسئلة قدرات وتحط لي الاجابة سؤال وتحط لي اجابتين كلها صح وتكرر لي الاسئلة وانظمة الدراسة ( البلاك بورد - الافتراضي ) يوم تشتغل ويوم تخرب وتاخر النتائج ونكون اخر جامعة في الدولة تعلن نتائج اختباراتها وفي الاخير تجي تقولي لا تتكلم ولا تحتج . لا ياخي الناس تدرس بفلوسها ومن حقنا على الجامعة توفر كل شي لنا وتقبل منا اي شكوى او اقتراح وعلى فكرة والله ان لي زملا ء يختبرون في جامعة عبدالعزيز بعد انتهاء اختباراتنا وتطلع نتائجهم قبل نتائجنا . وفوق كل هذا تجي ياطويل العمر تدافع عن الجامعة

[Loli ahmed]

اتفق معك يا أبو حور
خصوصًا موضوع الدعاوي على الدكاترة! فعلًا ماله داعي
لكن هناك من هو متفرغ للدراسة ومع ذلك تجد الدكتور يضع أسئلة من خارج المحتوى أو محتوى قديم،، على سبيل المثال يعني
وبعض الطلاب مشكلتهم يعتمدون على المراجعة أو الأسئلة ويطلع وهو مستاء ويدعي على الدكتور !!!
هذه دراسة وتتطلب تفرغ واجتهاد لكي تحصد ما زرعت

خصوصًا الدعاء على الدكاترة أرجوكم ترفعوا عن هذا الأمر
شكرًا على الكلام المفيد والطيب أخي

[العلا111]

يقول النبي صلى الله عليه وسلم : ( ما كان الرفق في شيء إلا زانه ، ولا نزع من شيء إلا شانه )
ياابوحور لااقول الاكماقال صلى الله عليه وسلم

[هنـــاء]

صح لسانك ياابو حور ولكل مجتهد نصيب
ويجدر بنا كطلاب علم ان نترفع عن الالفاظ السوقيه والبذئيه

(من علمني حرفا صرت له عبدا)
وانتو مسوين شيوخ على الدكاتره
واللي له حق بياخذه بكل احترام وتقدير

ارتقو ليرتقي المجتمع بااكمله

[Alaa F]

وعليكم السلام ..
أولاً أنا ضد هالشيء، الدعاوي والكلام السيء لأي دكتور !
و ثاني شيء .. فيه دكاتره اسألتهم صعبه، ومعقده حتى لو كان الطالب مجتهد
و ذاكر زين، بيواجهه صعوبه فحلها .. وكثير شفنا دكاتره جايبين اسأله برا المنهج او خطأ او معقده !
طبيعي ما راح يسكتون الطلاب عن هالشيء !
بالنهايه كل احد تمر عليه ظروف، و المفروض الدكاتره يراعون هالشيء لما يحطون الاسأله
بحيث انهم يحطون اسأله سهله ومتوسطه .. وكل واحد يحلّ اللي يقدر عليه .. مو يحطون اسأله تعجيزيه !
+ يعطيك العافيه ..

[بيرو+a]

فعلا
من وجة نظر المفروض الدكاتره يحطون اسئله بجميع المستويات السهل والمتوسط والصعب اذا هم مالهم نيه يسهلون لان في طلاب تبغى بس تنجح وفي طلاب لايبغون المعدل الزين والدرجات العاليه ولاننسى الفروق الفرديه الناس ماهي سوى
مثلا انا اذاكر واجتهد وللحمد معدلي زين لكن اطمح للاعلى
مثلا ماده قضايا معاصره مليانه معلومات تحس ان المخ تشتت من كثرها وبماان احنا مش طلاب عاديين يعني مش متفرغين المفروض لنا معامله خاصه مش مثل الولد او البنت الي قاعد في بيت ابوه ياكل ويشرب ويمسح يده بالجدار لاعليه مسووليه بيت ولاعيال ولامجاملات اجتماعيه ولاهو موظف وراه رووسأء لو يحصلهم انهم يطردونه من عمل طردوه يعني ماعليهم ضغوط
احوالنا تختلف عن الانتظام ومع ذلك نجتهد ونتعب ونتمنى احد يراعي هذي الفروق يعني احنا ايام الاختبارات نكون مضغوطين وفي حاجات كثيره في حياتنا اليوميه متوقفه والسبب انشغالنا بالاختبار واحنا فعلا مانطلب اسئله سهله او مكرره لكن واضحه




يعني مثلا انا حامل بالشهر الاخير ويالله امشي وكل يوم تعبانه واموووت حر مع ان احنا شتاء لكن جاهدت عشان ادخل الاختبار والله لايضيع لي تعب ولالكم يارب


ودمتم سالمين

[أبو حور]

السلام عليكم

اشكركم على تعطير صفحتي بردودكم وآرائكم واحترم وجهة نظركم في كل ماقلتوه

لو حصل دكتور على شهادة في الطب بالمساعدة والتسهيلات هل تقبل بوجوده في مجتمعك

قد تقول هذا طب وله تأثير على حياة الناس

وكذلك كل شهادة تحصل عليها سواء في ادارة الاعمال او علم الإجتماع او غيرها لها تأثير على المجتمع بشكل او بآخر

الجامعة فيها قصور واخطاء انا معكم في ان الاختبارات معقدة انا معكم في الحاجة الى التطوير وتحسين جودة التعليم
ولا ني معكم في تسهيل الاختبارات من اجل الحصول على الشهادة بكل سهولة

انا ضد الاستمرار بهذه الطريقة في التدريس

ما نحتاجه هو

- تحسين مستوى المحاضرات المسجلة من حيث القاء الدكتور وطريقته في ايصال محتوى المقرر الى الطالب والاستعانة برسوم متحركة تخيلية تساعد الطالب في فهم ما يريده الدكتور ( في المواد اللي تحتاج ذلك )

- وضع اختبارات مباشرة بصياغة واضحة لأن الهدف من الاختبار هو الوقوف على مستوى استيعاب الطالب للمقرر وليس اختبار قدرته على استيعاب السؤال

اتمنى الفكرة وصلت


تحياتي لكم

[المهاجر 72]

الاخ يقول من علمني حرفنا مو مشكله بس بعض الدكاتره ما يشرح بس يقرى المحتوي بس