[ اسئلة اختبارات ] : المختصر المفيد في اجتياز المحاسبة وانت سعيد

[صقر مناحي]

السلام عليكم جميعا

مثل ماكتبت في العنوان ( المختصر المفيد في اجتياز المحاسبة وانت سعيد )

عليكم بملخص ام جهاد الله يجزيها عنا كل خير .. الملخص يتكون من 33 صفحة ويشمل اختبارات الاترام السابقة باالاضافة الى اسألة اختبر نفسك )

المطلوب منك عزيزي الطالب وعزيزتي الطالبة ... اولا . تبدا من اول صفحة وتا خذ التمارين تمرين بعد تمرين هذا في الحاله العملية وتقراء التمرين وتعرف وش المطلوب . والقانون المناسب له . وتحفض القانانون وتطبقة على المسألة وتحلها وتعيد حلها . مثل ماقلت المسائل عددها محدود والقوانين بعد عددها محدود . وطبعا هذا ماراح ياخذ منك وقت كثير بس اهم شي التركيز . يعني اذا عندك جوال قفله واذا عندك بزارين اكرشهم وقفل الباب عليك وسم بأسم الله وابدا .

طبعا الدكتور اسلوبه واحد في طرح الاسئله العملية . في كل الاترام . وهذا يدل عن ان الدكتور فاهم وحاسب الوقت يعني العملية الحسابية تطلب منك خطوه او خطوتين باالكثير ثلاث خطوات .
اما الجانب النظري فأنت ابوها وسمها والا انتي امها وسميها . الاشياء النظرية اقراها وانت مركز ولا تاخذ منك وقت كثير بعد . الدكتور ومن خلال اطلاعي على اسألة الاترام السابقة اسألتة مباشره .

وطبعا حنا اذا فكنا الله من راعي الجح وراعي الصرف الصحي اكرمكم الله ومن هم على شاكلتهم فحنا بخير .

اجل امانه في دكتور يحط في اسألته الصرف الصحي ؟؟ حتى ياليتة يوم حط هاالجمله على الاقل حط بين قوسين اعزكم الله ..ماادري هذا دكتور ولا سباك ؟
المهم ماعلينا اللي راح راح عليكم بالجاي والله يوفق الجميع

[فوكس]

الله يجزاك خير اخي صقر مناحي ،،،،،، بس ممكن ترفع لنا الملخص

[ابونورة المقدام]

وعليكم السلام ورحمة الله وبركاته

طيب ياخي صقر نزل لنا المخلص اللي انت ذكرته

[صقر مناحي]

ان شالله دقايق

[البناوي]

يا بيًض الله وجهك يا صقر مناحي على ذا الموضوع الزين والكلام اللي يريح الخاطر
ونسأل الله ان ييسرها من عنده

[بورا بورا]

الله يجزاك خير اخ مناحي والله خليتني ابتسم بعد ما قريت الي كاتبه الله يفتحها في وجهك من امس وانا عندي اكتئاب
شكرا لك وبالتوفيق للجميع

[صقر مناحي]

ملخص ام جهاد . في المرفقات

[محمد مشاري]

ارفع الملف تكفى يا صقر

[خوخة الشهري]

الله يجزك كل خير فعلا شامل بتنسيق جمييييل

[محمد مشاري]

ياصقر الله يسعدك ويكتب اجرك الملف فيه مشكله يتحمل بس الكلامات متداخله ولا يمديك تقرا شيء