[ النظام الأفتراضي ] : الخارطة الأكاديمية

[طالب من الرياض]

السلام عليكم ورحمة الله وبركاته

أفيدوني جزاكم الله خير

أنا حملت جميع المحاضرات الأسبوع الماضي وتفاجأت الآن في الخارطة الأكاديمية إن أكثرها خطأ بالأحمر كأني ما حملت شيء وأنا محملها كلها بنفس الطريقة عن طريق الجوال وشيكت عليها ومتأكد من التحميل

وش السالفة أحد عنده نفس المشكلة

[آبيات]

طالما انك متأكد انك حملت كل المحاضرات فلا تخاف المشكلة من النظام لسا ما حدثوه انتظر لبكره او بعده وشيك ع الخارطة

[طالب من الرياض]

بس النظام يا أبيات تم تحديثه اليوم وأنا محمل المحاضرات الأسبوع الماضي والغريب إنه حسب بعض المحاضرات وما حسب البعض الأخر بالرغم من أن الطريقة في التحميل واحدة

[SHAMKH]

أسعد الله مساءك أخي العزيز .. بصراحة نفس المشكلة واجهتني ولا نعرف الحل !
ذهب تعبنا هباء منثورا ....

[آبيات]

هالمشكلة مو معك انت وبس فيه كثير مثلك انت ركز ع المذاكرة ونسى الخارطة والله ما يضيعلك تعب

[طالب من الرياض]

وعليكم السلام ورحمة الله وبركاته

هلا اخوي الشامخ

ما دام المشكلة عندك كذلك فأكيد فيه غيرنا واجهوا المشكلة ومن غير المنطق نعيد التحميل لذلك هذا سيستم ولازم إدارة الجامعة تراجع مرة ثانية وتحتسب لنا كل شيء

[طالب من الرياض]

أول مرة صراحة تواجهني من بداية الجامعة والله يكتب اللي فيه الخير للجميع


وعلى كل حال أنا راسلت الدكتور الفريدان الان في تويتر

[مكمل دراسه]

نفس المشكله الي حلته الاسبوع الماضي كله اكس بس ان شاءالله محسوبه للجميع

[bntsweet]

حتى أنا نفس المشكله مع اني متاكده من التحميل المحاضرات المباشره حاسبين لي 3 فقط في كل المقررات وش السالفه عمرها ماصارت معي من بدايه دراستي الجامعيه
الله يستر

[ŞmiĻęỷ]

ما فيه اي مشكلة لاتحاتووون ابداً
انا ولا مررره ضبطت معاي الخارطة ودايما فيها إكسات حمرا والحمد الله ولا مره نقصت درجات مشاركتي عن 30
المهم انك مسوي جدول متابعة للمواد ومتأكد من انك مكمل كل شي ..