[ استفسار ] الاختبارات القادمة مقالي

[مشمش الرس]

مساء /صباح الخير للجميع
أخباركم كيفكم عدنا لكم من جديد الله يجعلها سنه خير للجميع
حبيت استفسر منكم عن احتمالية تغيير خطة أسئلة الاختبارات هذا العام لتكون مقالي بدلا من الاختياري هل للجامعة آليه معينه بتطبيق هالقرار ع جميع المستويات او ع مستوى مستوى او كيف طريقتهم بتطبيقه بحكم إغلاق القسم هالترم هذا وأخاف يطبق ع الأقسام جميعها ياليت اللي عنده علم يفيدنا

[حصه راشد]

مايبين اي شي الا من كلام دكاتره اثناء المحاضرات المباشره

[علياء2013]

اتوقع والله اعلم ان المقالي راح يكون على المتخلفين عن الخطه الدراسيه بالرسوب او التاجيل في تخصصات المستويات الاولى لان اعدادهم راح تكون قليله

[اسير في عسير]

ليس هناك اي توجه للمقالي

[الجــــ@ـارح]

المقالي موجود ومعتمد في الجامعة ,

لكن فيه شروط ,, اول شي راجعة لدكتور الماده هو من يقرر

ثاني شي لازم عدد الطلبه الي يدرسون الماده يكون اقل من 100 طالب

غيره مارح يكون مقالي

[اخصائي اجتماعي1]

ايه الماده اللي تطنشيها او ترسبي فيها تصير مقالي شدي حيلك يالرساويه

[ســــلآف]

المقالي ليس صعب جيب الثلاثة الاسطر الاولى صح والباقي خله دش
يعني اللي يختبرون بالانتظام مقالي عباقره عقولهم مثلنا
شبر وانت تكتب اكتب كل المنهج بنفس الاسطر وخلاص
انا عندي ماده راح باجلها وخلها تصير مقالي وش يعني
حنا كنا ثانوي مقالي ونجحنا وش حصل يعني

[الجــــ@ـارح]

المشاركة الأصلية كتبت بواسطة ســــلآف

المقالي ليس صعب جيب الثلاثة الاسطر الاولى صح والباقي خله دش
يعني اللي يختبرون بالانتظام مقالي عباقره عقولهم مثلنا
شبر وانت تكتب اكتب كل المنهج بنفس الاسطر وخلاص
انا عندي ماده راح باجلها وخلها تصير مقالي وش يعني
حنا كنا ثانوي مقالي ونجحنا وش حصل يعني

لا سلاف لا تاجلين ماده من مواد التخصص وخاصة الي في المستوى الثالث

الان المقالي صعب اصعب من الاختياري

وان شفت احد الاخوان في التربيه الخاصة اختبر مقالي ولا جاوب الا على 4 اسئلة فقط

يعني لا احد يغامر

[أسعى لهدف]

فال الله ولا فالكم ان شاء الله اختياري ولا يتغير لما اتخرج��

[mnm3]

اذا عدد الطلاب كثير ماراح يكون مقالي لان راح يكون ضغط ع الجامعة ,, ومو شرط اذا موضوعي يكون سهل ! ممكن العكس صحيح بالحالتين