[ السنة التحضيــرية ] : تخصص انجلش

[سارةةة]

السلام عليكم ورحمة الله وبركاته
كل عام وانتم بخير بمناسبة رمضان
انا ابقى أعرف بنات تخصص قسم اللغةالأنجليزية كيف الدراسة بقسم الأنجلش
وهل الدكتورات متساعدات ومين أفضل الدكاتره؟ وتنصحوني ادرس عندهم
وابقى تكتبون لي كيف كانت بدايتكم مع السمستر الأول تبع الأنجلش وش متطلبات كل مادة واسماء الكتب
أبقى تكون عندي فكرة سمعت أنه السمستر الأول 4 مواد طيب وش اسم الكتب الاربعة تبع القراءة والكتابة والمحادثة والأستماع وتصحون اأخذ مادة الاستماع عند اي دكتورة لأني اكله همه من ايام الثانوي والاستماع احسه ما اقدر ااخذ المعلومه الصحيحة يعني اتخربط تكفون انا جديدة بالتخصص وما عندي اي فكرة

[toni]

وعليكم السلام ورحمة الله وبركاته ، اول شي مبروك قبولك بالانقلش قسم مره جميل وممتع وبنفس الوقت يحتاج جهد وصبر.. اممم الدراسه بشكل عام جميله بالقسم فيه مواد سهله جدا جدا وفيه الصعب . المستوى الثالث عندك ٤ مواد اول شي قراءه وهالماده جدا مهم تنجحين فيها لان لها اكثر من متطلب بالمستوى الرابع... ثاني شي كتابه وهالماده سهله تاخذون كم نوع من انواع البرقرافز وتتمرنون كيف تكتبونهم تعتبر سهله بس لازم تدربين روحك وكل شي تكتبين... ثالث شي استماع جدا ممتعه وسهله لاتتخوفين منها عشان ماتستصعبينها يجيبون لكم اوديو تسمعونه مرتين وعليه اسأله واضحه وجميله الي عليك دايما مثلا تابعي موفي بدون ترجمه او اسمعي لأي شي بالانجلش عشان تتعودين واسألي نفسك ايش فهمتي.. اخر شي قرامر تاخذون فيها قولعد طبعا دارسينها لين قلنا بس بثنوي تحتاج تركيز ولاتغيبين عشان تكونين معها اول بأول ... الدكاتره ماقدر انصحك بأحد لأن لكل بنت وجهة نظر مختلفه بس فيه دكتورات جدا متعاونات وفيه العكس ... اممم بدايتي كانت حلوه بس كل يوم خصصي وقت اسمعي او اقري اي شي بالانجلش من مجال اهتمامك عشان ماتملين تعلمي فوكاب كثير بتحتاجينه ... الكتب للأمانه ماذكر بس اظن اغلبها ملازم من مكتبة فجر او مكتبة العلوم..، والله يوفقك

[Shiny Tiffany]

وعليكم السلام ورحمة الله وبركاته


تفضلي هالموضوعين راح يفيدونك مررره


http://www.ckfu.org/vb/t600051.html

http://www.ckfu.org/vb/t487416.html

[SILENT.]

المشاركة الأصلية كتبت بواسطة silent.

كل قسم له صعوباته ! بس بصراحه ماكنت اتوقع الانقلش كذا لأنه صعب جداً
يبغى له وحده تستوعب وتفهم وتذاكر أول بأول .
أول مستوى اللي هو ليفل 3 يعتبر سهل وتافه جداً بالنسبه لمستوى 4
اذا حسيتي نفسك مامشيتي بليفل 3 , صراحه من الحين أقولك بتضيعين ولو تطلبين تحويل احسن :/
كانت دكتورة تدرسني بمستوى ثالث تقول ( اللي تجيب 7 من 10 ) تطلب تحويل أحسن لها
لأنها بتشوف اشياء اصعب من اللي اختبرته بليفل 3
وصدق حسيت كلامها صح ! صحيح فيه مواد تريّح قلبك زي الاستماع والتحدث والانشاء
بس زي الادب واللغه ومدري ايش هذي يبغى لها بنت تستوعبها جد .

-

صاحبة الموضوع / مبروك القبول <3 حاولي بهالعطله تسمعين اشياء كثيرة بالانقلش
تعلمي تكتبين مواضيع طويله شوي , اقري مقالات , تعلمي كلمات جديده
عارفه أنه شيء ممل بس حاولي ..
لاتقعدين كذا بالعطله فاضيه ولاجا وقت الجد تندمين لأنك ماسويتي شي
طبعاً بمستوى 3 بتاخذين مواد اساسيه وسهله ماتعتبر صعبه
استماع - قرامر - قراءه - انشاء

استماع : كل شيء يعتمد عليك ! بتروحين معمل وتسمعين محادثات ويكون فيه اسئلة وتجاوبين عليها
عن نفسي بالبداية كانت هذي اصعب ماده عندي ! لأني غلطت وماكنت اسمع اشياء زي محادثات !
مع الايام حبيت المادة والحمدلله نجحت بتقدير حلو
قليل ونادر جداً اللي يحملون هالمادة لأنها تعتبر اسهل مادة بالنسبة لكل البنات
ودكاترة المادة هذي اغلبهم معيدات .

قرامر : ياثقل هالمادة !
اكره مادة بليفل 3
صحيح القواعد كانت سهله بس كثيييييييييرة وتتعب الواحد بالمذاكرة وكلها تتشابه !
خذيها عند دكتورة تساعد نصيحه لاتاخذين عند دكتورة تأسس ومدري ايش
لأنك بالنهاية أنتي اللي بتاكلينها و بتحملين الماده
اخذتها عند دكتورة بتول بخاري وندمت ندم شديد
قريت عنها انها تأسس وتفهم وبلابلا .. وبصراحه انصدمت يوم شفت الدكتورة كذا ممله و الكلاس يصير ممل ونايم
الحمدلله نجحت بهالمادة بس بالحفه ! و الدكتورة صعبت المادة علينا وهي اصلا صعبه

أنشاء / هالمادة تبرّد القلب جد .
بس أحس أنه على حسب البنت , البنت اللي تحب تكتب بتمشي بهالمادة عكس اللي ماتحب تكتب وتجمع أفكار بوقت قليل
ليفل 3 كان بس برقراف وتكتبينه
يعتبر زي انقلش كتابة ! بس بتعمق أكثر
الفاينل كان قهر شوي لأننا نكتب برقراف طويل من 150 كلمة والوقت بس ساعتين !
فمايكفي الوقت :/ !

قراءة / تعتبر زي أنقلش قراءة بس برضو بتعمق أكثر
نتعلم كلمات جديده ونعرف معانيها ونقرا
وسط المادة يعني ماتعتبر خايسه ولا تعتبر اللي مره حلوه


أي سؤال احنا عنندك أسألي بس

هذا رد لي بأحد المواضيع ان شاءالله يفيدك .

[سارةةة]

يعطيكم العافيه ان شاء الله يكون تخصص سهل