معدلي التراكمي والفصلي وش قصتهم !!

[...بس أحبني...]

بالـبدآيـــة . . السسسسلامـ عليييكمـ . .

أعـذروني انا يوم يتشوش تفكيري وما أفهم بعض المواضيع لازم احط موضوع خآص فيني عشان افهم أكثر
>> أوم التعقيد أدري

يا جــمــآعـة الخير .. أبي أعــرف وش الفرق بين المعدل التراكمي , والفصلي
.. ووش فايدتهمـ بالضــبط
يعني إرتــفـآعه وانخفاضــه بيأثر على أيش !!!!

وبخصوص احسب معدلي من برامج محددهـ هل هي أكيده ومضمونه ..
يعني الجامعه ماتقدر تحسبها لنا مع التقدير الخ ..
وابي أعرف وين لازم اطبع شهادتهم مع التقدير والدرجات وكذا نسيت وين اروح عقب الترم الأول
واذا المعدل كان كذا وش يكون التقدير 4,56
وتغيير التخصص متى يفتح .. تعبت وانا اراقب التويتر ..


والله يجزاكم عني كل خير .. دائمـآ احصل الشرح الكافي والوافي هنـآ ربي يفرج همكم وكل مسلم

[•• شجون ~]

..



معدل الفصلي
حق الفصل الواحد مثلا مستوى اول وﻻ تاني


معدل تراكمي
حسب مستوى واحد او اثنين
وإذا معدلك مستوى 1 عالي و 2 كذلك يكون مغدلك حلو
اما اذا مستوى 1 منخفض و 2 عالي ف بيكون معدلك مش حلو



ﻻزم تنتبهين ع المعدل خاصه اول المستويات

وبرامج حساب المعدل مدري اذا مضمونه او ﻻ


4:50 وفوق ممتاز
ولو تبي تعرفي الباقي اكتبي بقوقل تقديرات الجامعه

موعد تغيير التخصص يمكن هاﻻيام ..


طباعه الشهاده وراح ينزلون المعدل بس مدري متى
من السجل اﻻكاديمي

موفقه

[...بس أحبني...]

• شَـچـوڼ ♪ : الله يسسعدك ي بعدي .. ماقصرتي .. يعني لازم معدلي يكون كويس بالترم الاول والثاني ..
حتى لو حاولت اجتهد بالترم الثاني مثلا مايفيد لان معدلي الترم الاول مو حلو !!
ربي يسسهلهـآ علينــآ .. مشكورهه

[...بس أحبني...]

. . .

[ذكريات الرحيل]

لا عادي مو شرط يكون معدلكْ الترم الأول عالي
عشان يكون معدلك الترم الثاني عالي
انا معدلي الترم الثاني أعلى من معدلي الترمْ
الأول وارتفع المعدل التراكمي 27 درجة
هي أولْ أربعة أترامْ تحاولي قدر المستطاع ترفعي المعدلْ
وتجتهدي أكثر
لأن آخر أربعة أترام المعدلْ يمشي مثل السلحفاة حتى لو
كان المعدل الفصــلي عالي التراكمي يرتفع بشكل طفيف
وينزل بشكل حاد في حالة نزول المعدلْ الفصـــلي

[Adel F]

المعدل الفصلي ، من اسمه يخص الفصل اللي انتي فيه ..
المعدل التراكمي ، يخص كل الفصول اللي درستيها وهو المعدل المعتمد في الشهادة ..

لذلك كلما تحسن المعدل الفصلي ، تحسن المعدل التراكمي ..

[شرقيه وبس]

شوفي هالموضوع مررره مفيد ومحفز

http://www.ckfu.org/vb/t471876.html

[{تهاويل}]

المشاركة الأصلية كتبت بواسطة ذكريات الرحيل

لا عادي مو شرط يكون معدلكْ الترم الأول عالي
عشان يكون معدلك الترم الثاني عالي
انا معدلي الترم الثاني أعلى من معدلي الترمْ
الأول وارتفع المعدل التراكمي 27 درجة
هي أولْ أربعة أترامْ تحاولي قدر المستطاع ترفعي المعدلْ
وتجتهدي أكثر
لأن آخر أربعة أترام المعدلْ يمشي مثل السلحفاة حتى لو
كان المعدل الفصــلي عالي التراكمي يرتفع بشكل طفيف
وينزل بشكل حاد في حالة نزول المعدلْ الفصـــلي

الرسوب فقط هي الي تنزل المعدل بشكل حاد
اما التقدير ، فمثل ما هو سلحفاء في الارتفاع هو ايضاً سلحفاء في الهبوط

[{تهاويل}]

اذا منتي مستعجله على التراكمي وارقام المعدل ، انتظري لين يظهر السجل الاكاديمي
بكون كل التفاصيل فيه محسوبه آلياً وفيه المعدل الفصلي والتراكمي وعدد الساعات والنقاط
وكل شيء ، بس الشباب لا تنسي ما يتحملوا يصبروا لين يظهر السجل الاكاديمي لانه يتاخر
فكل واحد يحسب لنفسه.
والبرامج نعم انا جربت اكثر الي وضعت هنا في المنتدى حتى اتاكد من سهولة استخدامها و دقة حسابها
كلها برامج تحسب لك بدقه ومافيها شيء ، لان هو برنامج معتمد على معادلة واضحه برمجياً.

[{تهاويل}]

وفعلاً الي قال ان الاترام الاولى هي الي تحدد مسار معدلك الجامعي فهو صحيح
لان كل ما زادت الفصول وزادت الساعات كبر العدد المقسومه عليها النقاط
وبكذه تصغر النتيجة الي هي المعدل التراكمي.
الاول والثاني مافيه فرق بينهم الي جاب عالي في الاول او الثاني فهو بيلقى نفس النتيجة
لان هم فقط فصلين ، لكن مع وجود فصول اخرى هنا الربكه والاهتزاز الحقيقي للمعدل كل ساعه مرت عليك في اي فصل محسوبه.
وترى فيه ناس تخلص كل المواد الدراسيه ومعدلها اقل من 2 ، يعني ما يتخرج رغم انه خلص كل المواد
الحل ينزلوا له مواد من اختياره من اي كلية ، من اجل ان يرفع معدله الى 2 ويتخرج بمقبول.