[ استفسار ] الكثره تغلب الشجاعه

[بنت رجل اخت رجل]

السلام عليكم ورحمة الله وبركاته



اخواني الاعزاء الشكر اولا لله ثم لكم صراحة ماقصرتوا ربي لايخسر لكم تعب

المهم بدخل بالموضوع ع طول تبون الصراحه اختبار التحليل الاحصائي كان حلو واسئلته واضحه مو هذا المهم المهم ان الوقت مايكفي ولا اسعفنا وانا من ضمن اللي اختاروا اختيار عشوائي المهم والزبده من الموضوع ابي نوقف الجامعه عند حدها ولازم نتكلم ونكون يد وحده ونصر ع اللي بنسويه ع اساس يعوضونا اقلها ماخذين فلوسنا وذالين بقراراتهم المفاجئه ولخبطتهم
امس كان الاختبار علمي ومسائل وقت قصير خصوصا انه بين صلاتي المغرب والعشاء واخونا فالله الدكتور الله يجزاه خير جايب لنا 70 سؤال والوقت مايكفي غير ربكت المراقبات خلصو الوقت مايكفي ومادري شنو
المهم نبي اصواتنا توصل الصحف والجرائد ع اللمخه ان كل اختباراتنا تكون 50 سؤال وفجاءه يجينا اختبار 70 سؤال وانا ما اعرض ع 70 سؤال بالعكس من صالحنا انا اعارض ع الوقت اللي مايكفي نحل فيه النظري كيف المسائل والمعادلات والقوانين انا ماعندي توتير ولا كان فتحت هشتاق مدري وش تسمونه وخليتنا نجتمع حنا بس ع قولتهم مالها الا رجالها قومو بالواجب وارفعوا صوتنا لكي نتعوض ع الاقل بدرجات ترفع معدل ناس وتنجح ناس ع الحفه بلا الاختيارات العشوائيه اللي حطيناها وطلعت غلط


شوفو اخونا شيء اخر الله يجزاه عنا خير الجزاء ويوسعله فالدنيا والاخره منزل تصويت والكل عارض ع الوقت بس من بيدري عنا وحنا نهذر بالمنتدى راي الجميع يهمني الكل اذا مؤيد لرائي نتفق ونخلي هوامير المنتدى بيدون الرحله وتوصل للجامعه لكي ناخذ حقنا ولا ننحرم من النجاح

[تركي العياش]

اوك انا مؤيد نبغى نجلد الدكاتره والفريدان

معاك ولد رجل اخو رجل

[بنت رجل اخت رجل]

ننتظر البقيه


وبعدين ليش شايلين خاصية التنبيهات مالقيتها

[ام مووودي]

وعليكم السلام ورحمة الله
الحمد لله عدت الاختبارات بخيرها وشرها
والله ما ادري وش أقول بس ماراح يضيعنا إلا كثرة الشكاوي
والاختبار كان ٧٠ سؤال مو فجاه هالكلام الدكتور قاله من المحاضرة المباشرة الثالثة يعني قبل شهر من الآن
وكل البنات استانسوا ومأحد اعترض واحنا عارفين الماده وأنها دسمه يعني كان المفروض من الأول نعترض والاختبار كان اغلبه نظري مو مسائل صح حتى مع النظري مايكفي الوقت لان الاختيارات متشابهه وتخلي الواحد يفكك كل فقره بس لانحط العذر المسائل
ومن بداية الدراسة كانت ٧٠ سؤال وشكاوي من هنا وهنا أن الوقت مايكفي لين نزلوها إلى ٥٠
ولما صارت ٥٠ شكاوي عشان الدرجات وخسف المعدلات
ويوم جانا اختبار ٧٠ سؤال رجعنا لسالفة الوقت
وتقبلي رائي
بالتوفيق للجميع

[بنت رجل اخت رجل]

متقبله رائيك يا ام مودي

انا قلت ما اعترض ع 70 بالعكس من صالحنا الاعتراض ع الوقت وكان في فترات صلاه

[بنت رجل اخت رجل]

عندي سؤال ثاني .. هل الجامعة تزود درجات ع اساس ينجح الطالب يعني يدفونه ولا لا

[ام مووودي]

المشاركة الأصلية كتبت بواسطة بنت رجل اخت رجل

عندي سؤال ثاني .. هل الجامعة تزود درجات ع اساس ينجح الطالب يعني يدفونه ولا لا

للأسف لا ما عندهم هالسياسه هم يبونها من الله زيادة دخل
اعرف كذا بنت حملوا مواد عشان درجه او درجتين