[ اسئلة مراجعة ] : تبسيط محتوى القواعد والمنظومة النحوية = iSeeU

[iSeeU]

..

السٍلآم عليكم ورحمة الله وبركاته ،،

كلكم تدرون قد أيش مقرر (القواعد والمنظومة النحوية) يلخبط الواحد من تشابك مواضيعه ،،
حاولت بهذا التبسيط أني أخلي المنهج مطروح بصورة أفضل وتسهل المراجعة ،،

كالعادة بذكر الملاحظات اللي حطيتهن بأول صفحة:

• التبسيط يعتبر للمراجعة؛ لأنه لا يشرح المنهج، لكن يعرضه بصورة مُسبطة. لمن أراد شرح نقطةٍ ما عليه بالرجوع للمحتوى.
• هذا التبسيط لا يحتوى على التمارين الموجودة بالمحتوى، ولا على المحاضرات التالية (٥، ٩، ١٠، ١٤).
• نسبة 1% من المحتوى لم أضيفه، يعني بعض المحاضرات القليلة جداً جداً جداً ما ذكرتها وهي لا تشكل عائق أبداً.
• راجع ملحق الاختصارات بآخر صفحة لمعرفة المقصود بالاختصار الموجود بهذا التبسيط (فقط للتوضيح لا أكثر).

هاه يحتاج أحط السؤال اللي دايم يتكرر !
الجواب على طول: بما أنه ما فيه شرح للنقاط اللي فيه والمادة تبي فهم صح،
عليك بالمذاكرة أولاً من المحتوى ثمن تجي تراجع من تبسيطي الرهيب ،،

التبسيط جدعته بالمرفقات، وهالمره مزهب الأسود بدون طلب
عشان نراعي ظروف اللي ما عنده طابعة ملونة، ويسامحني على الصور اللي بألوان بالخرائط الذهنية ما فيه وقت أعدلهن ،،

وش أقول بعد لحد يحول الموضوع أسئلة عن المقرر؛ لأن فيه تجمع للمقرر.
أي شيء يخص تبسيطي يبغاله توضيح وليس شرح انتبه!... أنا حاضر ،،

شيء أخير تروا حاولت قد ما أقدر أخلي الخط واضح ولكن هذا اللي قدرت عليه
الخرائط الذهنية هي اللي بهذلتني... سويت تجارب لبعض الأوراق وعرضتهن على خبراء
وقالوا أنها تنقري وهذا أهم شيء ،،

تذكير: تروه مو تلخيص، تبسيط يَبني ،،

طولت عليكم صح ،،


أن أصبت فمن الله، وأن أخطأت فمن نفسي والشيطان.

أتمنى اللي يحصل أخطاء - حاولت جاهداً يكون ما فيه - يعطيني تنبيه حتى أعدله ،،

iSeeU


..

[بيسآن]

وعليكم السلام

شغل مرررتب و يفتح النفس
فعلاً هالماده افضل شي فيها الخرائط الذهنية
مجهود كبير و بطريقتك اضفت و ابتكرت للمادة شكل مبسط
يساعد على مذاكرتها و اجتيازها بنجاح بإذن الله

بحتفظ في ملخصاتك اكيد و اتصفحها من الأيباد
و شكرا لك على كل حرف اخذ من وقتك
بالتوفيق لك ب +a وكل اللي تتمناه

[شذى الورد 22]

واو شكرا جزاك الله خير ياليت تسوي لنا لللغويات والادب ياسلام كان تسهلت الامور ربي يسعدك ويوفقك دنيا واخره

[ممموني]

ماشاء الله مرتب ومتخصر حبيته راح اراجع عليه لتثبيت المعلومات

بس لو انك كبرت الخط شوي

الله يجزااااك خير ويكثر من امثالك

[نقآء~]

ماشاء الله لا قوة الا بالله

تبسيط و تسهيل ولا أروع

وينك انت من زمان

كان تبسط لنا كل مواد التخصص >> طمعت بعد هالتلخيص الحلو

[khuraisi]

الله يوفقك ويجزاك خير جيت بوقتك جعلك تسلم وفالكa+

[aum fares]

الله يسعدك ويهنيك ويفتح عليك ابواب رزقه انه ولي ذلك وهو على كل شيء قدير وربي يوفقك دنيا وآخره ويرزقك بالزوجه الصالحه

[wed.y alzuod]

ما شاء الله عليك
فعلا تبسييط جميل ... يعطيك الف عافيه يا بطل
بس يا جماعه عن جد ما تتخوفوا من هالماده والله الدكتور طييب واسالته جدا جدا واضحه ابدا ما بتلخبط
واختباره كان فعلا مميز والحمدلله ..
ان شاء الله يكون اختباركم زي السمستر الماضي .. مع شويه تركيز كلكم بتحصلوا ال a+
موفقيين

[iSeeU]

..

المشاركة الأصلية كتبت بواسطة بيسآن

وعليكم السلام

شغل مرررتب و يفتح النفس
فعلاً هالماده افضل شي فيها الخرائط الذهنية
مجهود كبير و بطريقتك اضفت و ابتكرت للمادة شكل مبسط
يساعد على مذاكرتها و اجتيازها بنجاح بإذن الله

بحتفظ في ملخصاتك اكيد و اتصفحها من الأيباد
و شكرا لك على كل حرف اخذ من وقتك
بالتوفيق لك ب +a وكل اللي تتمناه

كنت بسوي خريطة تجمع المواضيع كلها للربط
بس الوقت ما أسعفني.
عندي مادة للحين ما بديت فيها فعلياً فقط محاضرتين من مدة، لذلك بنشغل فيها ،،

المشاركة الأصلية كتبت بواسطة شذى الورد 22

واو شكرا جزاك الله خير ياليت تسوي لنا لللغويات والادب ياسلام كان تسهلت الامور ربي يسعدك ويوفقك دنيا واخره

الحقيقة فيه للغويات بس يبغاله مراجعه ومسويه لنفسي #2 (طبعاً اللي نزلتهن بالمنتدى مراجعهن وموضح ماهيتهن)
ما راح أحطه لأنه يبغاله مراجعه وإضافات وووو.... ولا أملك الوقت لذلك ،،

الأدب، الاخ (trook8) مسوي خلاصة وأشوفها تكفي للمذاكرة
ويقدر الواحد بنفسه يسوي تلخيص للنقاط المهمة بورقة.

المشاركة الأصلية كتبت بواسطة ممموني

ماشاء الله مرتب ومتخصر حبيته راح اراجع عليه لتثبيت المعلومات

بس لو انك كبرت الخط شوي

الله يجزااااك خير ويكثر من امثالك

التبسيط ما كان موجه للنشر من بداية ما سويته
وأنا حاليّاً ما أطبع، أذاكر مباشرة من الكمبيوتر
فلذلك لما كنت أسوي الخرائط ما أراعي صغر الخط؛ لأني لما أحوله لـPDF
أقدر أعمل تقريب وأشوف الكلام واضح، ونفس الشيء لما أراجع من الأيفون.

التبسيط عندي لكل محاضرة صفحة واحدة بس قسمتها قد ما أقدر على صفحات
حتى تكون أوضح شيء، وهذا اللي قدرت عليه، الخرائط هي اللي واجهت فيها صعوبة كما أسلفت.

إن شاء الله بالتلخيصات القادمة بحط أمر الطباعه بعين الإعتبار.

المشاركة الأصلية كتبت بواسطة نقآء~

ماشاء الله لا قوة الا بالله

تبسيط و تسهيل ولا أروع

وينك انت من زمان

كان تبسط لنا كل مواد التخصص >> طمعت بعد هالتلخيص الحلو

فيه مستويات قادمة وكذلك بالصيف برتب تلخيصاتي كلها
حتى أنشرها مع بداية الترم أو نصفه حتى محد يعتمد عليه من البداية
لأن أغلب تلخيصاتي للمراجعه ،،





شكراً لكم جميعاً على الكلام الزين
والحمدلله أن التبسيط عجبكم ،،


..

[أبو يزيد 1]

الله يعطيك العافية
إبداع وشغل مرتب
فالك التوفيق والامتياز