بليز ابي مساعده

[حبي هلاك]

السلام عليكم ورحمة الله وبركاته
ياشباب ابي منكم خدمه كلية التقنيه بحفر الباطن وش التخصصات اللي فيها واي تخصص افضل وشنو متطلبات القبول لانو ابي اخوي يدخلها فياليت تفيدوني جزاكم الله خير

[Galaxy-sa]

ياهلابك اختي ..

بالنسبة لأخوك اذا تبين له مستقبل حلو ومستقبل ان شاء الله انه يكون مضمون له ..

انصحك انك تخلينه يدخل كلية المجتمع بحفر الباطن ..

لأنها تابعه لجامعة الملك فهد للبترول والمعادن وقوية حيل ..

واي تخصص بكلية المجتمع احسن من كلية التقنية ..



\
/

بالنسبة للكلية التقنية من رأي افضل تخصص هو تقنية الهندسة الإلكترونية ثم الميكانيكا ثم الحاسب الألي ..

والقبول يحتاج قدرات + ثانوي على خبري ..

والله يوفقك ويوفق اخوك ..

تحياتي ..

[حبي هلاك]

مشكور اخوي على النصيحه انا ابي شي سهل عليه ويمشي فيه
والله يعطيك العافيه بس بسالك سوال متى التسجيل وراح اكون شاكره لك

[LEXUS]

وعليكم السلام ورحمة الله وبركاته



كلــــيه المجتمع كل دراستها انجليزي يعني لازم اخوك يكون فاهم انجليزي ولا مايمشي فيها
كليه التقنيه اصبحت من الكليات المنافسه على سوق العمل واصبح فيه مجال تكمله باكلوريوس في الرياض مافيه شي اسمه تخصص يمشي فيه كل التخصصات تبي دراسه وتعب وتركيز ولكن فيه تخصصات ماهي صعبه مره يعني الى يشد حيله بيمشي فيها باذن الله انا من وجه نظري ارشح له تخصص ادارة مستودعات لانه تخصص جديد وله مستقبل كبير بالوظائف سوا قطاع خاص او حكومي .... واذا توظف بالعسكريه علاوه على التخصص ذا 1500 ريال لانه تخصص نادر ما اقولك خليه يدخل هالتخصص ولكن انا ارشحه لاني اشوف فيه مستقبل كبير وخاصه شركه الكهرباء في حفر الباطن قبل اسبوع مرسلين خطاب يبون طلاب التقنيه تخصص مستودعات يطبقون عندهم وقبلها بفتره زار الكليه التقنيه بحفر الباطن مسئولين كبار في شركه الكهرباء واجرو المقابلات مع الخريجين واتوقع راح يسون عقد لمده ثلاث سنوات توظيف تخصص مستودعات خلصنا من شركه الكهرباء .... هناك الشئون الصحيه يطبقون فيها الخريجين من تخصص مستودعات وخاصه المبنى الكبير اتوقع محتاااجين موظفين كثار لان بالشئون الصحيه مستودعات لا تعد ولا تحصى .. خلصنا من الشئون الصحيه ... هناك مستشفي النساء والولاده على وشك افتتاحه وفيه مستودعات كثيره ومحتاجين موظفين ... ومستشفي حفر الباطن المركزي على وشك افتتاحه محتاجين موظفين بعد ... التمويل الطبي مستودعاته كبيره جدااا ويوجد تطبيق فيه من قبل خريجين الكليه التقنيه انا ماقلت كذا وحطيت امال عشان اني رشحت لك هالتخصص ولكن انا ارئ في هذا التخصص مستقبل كبير والله يوفق الجميييييع طبعا كل كلامي داخل حفر الباطن اجل كيف برا حفر الباطن الشركات الخاصه والقطاعات الحكوميه الله يوفق اخوك وخليه يستخير دمتم بكل ود

[Galaxy-sa]

المشاركة الأصلية كتبت بواسطة حبي هلاك

مشكور اخوي على النصيحه انا ابي شي سهل عليه ويمشي فيه
والله يعطيك العافيه بس بسالك سوال متى التسجيل وراح اكون شاكره لك

التسجيل بشهر ثمانية ..

وبالنسبة لكلية التقنية ..

والله العظيم ولد عمي صارله متخرج سنتين تخصص الكترونيات بمعدل اربعه فاصله اثنين ..

وللحين ما لقا شي ..

وراح يبي يكمل بكالوريوس بالرياض وما قبلوه يبون فوق الأربعه ونص ..

بالنسبة لشركة الكهرب ..

شركة الكهرباء لهم معاهد خاصة فيهم وما يوظفون احد ..

هم يخلون الطلاب يطبقون عندهم ..

لكن ما اعرف احد طبق عندهم وتوظف ..

اغلب ربعي اللي تخرجوا الدفعه اللي راحت من كلية المجتمع طبقوا بالكهرب ..

وكانوا متأملين انهم يتوظفون عندهم لكن خرطي ..

الكهرب لهم مناهج خاصه فيهم ومعاهد خاصه فيهم ..

وكلية المجتمع ترى السنة التحضيرية يبدون معااه من a b c d e f g ..

يعني يأسسونه صح ..

وراح يمشي فيها بأذن الله ..

انا اخوي خريج هالسنه وضعيف بالأنجليزي ..

وراح اخليه يسجل فيها ..

لأن المستقبل بالمجتمع اظمن ( بأذن الله من التقنية بكثير ) ..

والله يوفقك ..