[ المناقشات ] : التظلمات والاستخفاف بحقوق الطلاب

[سلطان ابوفهد]

بسم الله الرحمن الرحيم

بصراحة فيه استخفاف بحقوق الطلاب يعني الواحد يتعب ويحاول انه ما يخسر اي درجة من المشاركة لانها بمتناول اليد وتعتمد على اهتمامه ومجهوده. لكن في النهاية مثل اليانصيب انت وحظك تجيك كاملة او تجيك ناقصة السؤال هنا؟؟؟؟؟ كيف اعرف اذا كان عندي نقص في درجات المشاركة او لا قبل ما تنتهي فترة المشاركات؟
وبعدين يسألونك اللي يبي يتظلم له حق انه يتظلم .. طيب وش الآلية اللي تمشي عليها الجامعة؟ يعني قدم تظلم وانت وحظك يالله اليانصيب من جديد .
لكن بالنسبة للتظلم الرد واحد نسخ ولصق لكل الطلاب تم التدقيق ويوجد لديك نقص في تحميل المحاضرات .. ويالله اثبت انك منزل المحاضرات كلها كاملة.
طيب تبي تتصل تناقشهم (انسى) ماراح تلاقي رد. يعني مالك الا تروح للجامعة وانت وحظك بعد .

ارجو من الاخوان اللي طلعو بنتيجة يعلمونا الطريقة ، نبي نعرف افضل طريقة لمخاطبة الجامعة غير اني اروح للجامعة وانا وحظي ..

وشكرا

[بو فروحه]

نروح للجامعه

[فارس740]

من جد قهـر من الي ساكن قريب هناك يروح ويشوف وش العلم .. سالتهم في الخدمات الطلابية ان درجاتي ناقصة ورفعت تظلم ولكن للاسف التظلم يقول ناقصة ..فما هو العمل .؟

رد بكل برودة ارفع تظلم في الخدمات الطلابية !! .. شكله الي راد ما يدروي وين الدنيا فيه هههههههاي

اقوله انا رافع وانتهيت عطني الخيار الثاني .. عالم في منتهى الــ .... !

[ايزابيل]

رفعنا الى لفريدان يقول ارفعو تلم رفعنا تضلم خرطي طنشونا حاطين الايقونه بس عشان يسكتونا

[رائد100]

للامانه انا عندي نقص في بعض المقررات وما انتبهت لها الا بالنهاية ونشكر جميع العاملين بالجامعة بكل امانة واحقاقا للحق فهم لم يقصروا معنا لكن نحن المقصرين بأنفسنا اتمنى تحري الدقه في المواضيع لان هناك ذمم مستحيل انهم اعاقوا طالب عن التعليم بالجامعه وايش مصلحتهم اصلاً ؟ ! .. لاتنسون انكم مسؤولون امام الله على كل ما تفعل وتقول لأناس الارجح انهم ابرياء بكل امانه
بل كانو متساهلين ومتعاونون معنا لابعد حد .
لاتدخلو في نوايا الناس انسوا ما مضى فكروا بما هو جديد وقادم ولا تيأسو فالطريق امامكم لكم وافر تحياتي

[bntsweet]

فيه ناس مايكتبون المناقشات كامله

اللي اشوف يكتبون ( شكرا - اسف - صح - خطا ) ونبه عليها الفريدان في قناه وفي تويتر

ان المناقشه ماتكتب تكتب كلمه او كلمتين فقط

على كلا تعلمو من اللي فات ولاتضيعون عليكم الجاي وبالتوفيق للجميع

لاتزعلون مني بس جد فيه ناس يكتبون كذا ويجون يقولون ليه مايعطوني درجات كامله الحق حق

[يوفي]

جامعه ماتحصل منها لاحق ولاباطل

[n_s]

واضح انكم موظفين في الجامعة وليس طلاب للدعايه اشكالكم اسمها الديكور امام الناس
فعلا خلف الكواليس

[حتى آشعآر آخر]

المشكلة اني صورة كل درجاتي ابغى احاجهم فيها

وصورت الخارطة الاكاديمية لكن للاسف تسرعت وحذفتها من جهاز الاب توب


وبالاخير كاتبين تم المراجعة ونفسس الدرجة حصلت عليهاا


ليش هالاستخفاف لان مانقدر نراجعهم


مافيه الا نسوي مظاهرات




الطلاب يريدون اسسسسسقااااط الفريدان



على العموم انا ماراح اروح للجامعة علشان كم درجة كل اللي اقدر اسسوية راح اتقاضى معهم بيوم الحساب

هناك انا اكون محتاجة الدرجات اكثر من الوقت الحالي

[رائد100]

حتى اشعار اخر لو متابعه كل ماتسجلينه بالبلاكبورد والافتراضي صدقيني ماتنخصم منك ربي يسلمك هذي ترصد الكترونيه اول ماتجاوبين بالواجبات ترصد لك الدرجه والا مشاركة والا تنزيل ومشاهده محاضره مستحيل ينقصون عليك درجات اصلا ايش مصلحتهم ينقصون عليك لالالا الجامعه تتمنى ان الطلبة يتخرجون بمراتب الشرف وهذولي وراهم ناس يراقبونهم وفوقهم الله سبحانه اكيد الواحد بيخاف من هالامور الظلم للناس وانا مثلك راحت مني درجات بس خلاص خيرها بغيرها نعوضها لكن الغلط اني اتهم ناس بشي مو متاكد منه صحيح او لا اعتبر اني ظالم ف هالشي ربي يوفقكم وجهة نظر