 |
|
||||||
| منتدى كلية العلوم بالدمام منتدى كلية العلوم بالدمام ; مساحة للتعاون و تبادل الخبرات بين طالبات كلية العلوم بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2014- 1- 31
|
|||
|
|||
|
10 سنوات من الابتعاد عن مقاعد الدراسة ,, ضاايعة ساعدوني الله يسعدكم
السلام عليكم حبيباتي
انا متخرجة من تحفيظ القران من 10 سنوات ومادخلت الجامعة نهائيا ولاسجلت حتى ماأعرف اي شي عنها ولا انظمة ولا قوانين ولا شي الان اختبرات قياس وحابة اكمل دراستي بس مادري كيف أبدأ وموعارفة شي عن التسجيل ولا الكليات والاقسام اللي تناسبني !! حابة اعرف متى التسجيل ؟ والكلية فيها حضانه لان خاطري انتظم بس عندي طفلة صغيرة ! ولو انتسبت هل الانتساب صعب جداً مثل مايقولو وهل ممكن يتساعدون مع الطالبات ؟ ياليت تكتبو لي اي شي لازم اسويه ولازم اعرفه حاسة اني بدوامة ومو فاهمة شي ! التسجيل راح يكون بجامعة الدام او الملك فيصل ؟؟ ماراح انساكم من دعواتي ولاتنسو اني بكربة ومن نفس عن اخيه كربة نفس الله عنه كربة من كرب يوم القيامة  اسفة لو كان مكان الموضوع غلط لاني موعارفة وين المكان الصح 
|
|
2014- 1- 31
|
#2 |
|
متميزة بمنتدى كلية العلوم بالدمام
|
رد: 10 سنوات من الابتعاد عن مقاعد الدراسة ,, ضاايعة ساعدوني الله يسعدكم
شهادتك مضى عليها كثيييير حبيبتي والجامعات اغلبها تقبل المتخرجين من 3 سنوات او 5 كحد اقصى !
شوفي انتي تقدرررري تسجلين في التعليم عن بعد برسوم اتوقع 3 الاف او الفين وشوي في الترم الواحد وعندهم تخصصات حلوة مثل ادارة الاعمال بس مدري انتي متخرجة من تحفيظ القران الافضل ادخلي قسم جامعة الملك فيصل التعليم عن بعد واستفسري اذا يقبلوك او لا وحاولي تتابعي اخبار التسجيل اتمنى اني افدتك موفقة |
|
|
|
2014- 1- 31
|
#3 |
|
أكـاديـمـي
|
رد: 10 سنوات من الابتعاد عن مقاعد الدراسة ,, ضاايعة ساعدوني الله يسعدكم
الله يسهل لك أمورك حبيبتي بس زي ما قالت الأخت على حد علمي الجامعات القبول فيها لازم شهادة الثانوي لها ٥ سنوات
وتأكدي بس عن بعد عادي ما تفرق والدراسة عن بعد يقولون سهله اسهل من الانتظام ويمكن يكون خيره لك بس سمعت ان لو جبتي معدل حلو عن بعد تقدرين تكملي انتظام لو حابه بالتوفيق |
|
|
|
2014- 2- 1
|
#4 |
|
أكـاديـمـي فـعّـال
|
رد: 10 سنوات من الابتعاد عن مقاعد الدراسة ,, ضاايعة ساعدوني الله يسعدكم
وعليكم السلام والرحمه
شوفي قوانين القبول والانظمه ما اعرف شي بصراحه الافضل انك تراجعين قسم القبول ، التسجيل يكون الصيف في شهر 8 اتوقع الحين مافي تسجيل ، وكلية العلوم اللي انا فيها مافيها حضانة وكلية الاداب نفس الشي وعن الانتساب كل اللي يدرسون انتساب مرتاحين ودرجاتهم عاليه خصوصا اللي عندها اطفال الانتساب مريح لها وتحضرين محاضرات ع الكمبيوتر وتحلين واجبات وكلها ع النت ، الستجيل على حسب انتي وين تبغين تدرسين قرري انتي ايش حابه اي قسم بعدين شوفي القسم اللي تبغينه وين موجود في اي جامعه وسجلي فيها والافضل انك تسجيلن فيها كلها علشان لو ماقبلتي في وحده تنقبلين في الثانيه ... وافضل شي زي ماقلت لك تراجعين قسم القبول وتعلمك كل شيء لان في احتمال اشياء تغيرت الحين .. بالتوفيق ان شاءالله 
|
|
|
|
2014- 2- 2
|
#5 |
|
أكـاديـمـي
|
رد: 10 سنوات من الابتعاد عن مقاعد الدراسة ,, ضاايعة ساعدوني الله يسعدكم
حبيباتي انتو مشكورين ع الرد الله يسعدكم ويوفقكم يارب ويحقق امانيكم
طيب حبيباتي الانتساب والدراسة عن بعد ،، بينهم فرق ؟ انا فكرت لو ماقبلوني انتظام ح اسجل انتساب ،هل هو نفسه الدراسة عن بعد ؟ وبالنسبة للتخصصات انا بحكم اني متخرجة تحفيظ ومن زمان عن الدراسة فكرت بالدراسات الاسلامية بس طبعاً اكيد بحط خيارات ثانية انتو يااخواتي بحكم دراستكم ايش رايكم افضل الاقسام اللي لها مستقبل وتفيدني غير الانقلش طبعاً و المواد العلمية واللغة العربية مثلاً قسم تقنيات التعليم وقسم المناهج وطرق التدريس والادارة التعليمية والدراسات القرانية هذي الاقسام حلوة ولاّ كيف ،؟ بحكم خبرتكم ويمكن تسمعون من البنات اللي يدرسون ؟ كل الشكر لتفاعلكم ودعواتي لكم من قللللبي ��❤️ |
|
|
|
2014- 2- 3
|
#6 |
|
أكـاديـمـي
|
رد: 10 سنوات من الابتعاد عن مقاعد الدراسة ,, ضاايعة ساعدوني الله يسعدكم
التعليم عن بعد انتساب مطور
اشوف انه احسن من ناحية الوظائف كليه العلوم مافيها انتساب الاداب فيها كلية التربيه فيها دبلوم بفلوس وفيها تخصصات درسات قرآنية وتربيه خاصه ومدري ايش بعد بس كلية التربيه بالدمام تخصصااتهم مو كثيره مو زي الجبيل بالنسبة للادراة التعليمه وطرق التدريس ماعندي علم شيكي عل قسم كلية التربيه هنا الله ييسر لك امرك |
|
|
|
2014- 2- 3
|
#7 |
|
أكـاديـمـي فـعّـال
|
رد: 10 سنوات من الابتعاد عن مقاعد الدراسة ,, ضاايعة ساعدوني الله يسعدكم
بصراحه انا في كلية العلوم وما اختلط ببنات الآداب او الاقسام اللي تفيدك فما عندي اي معلومه بصراحه
بس انتي عندك وقت طويل على بال مايفتح التسجيل ، ادخلي على منتدى كلية الآداب وشوفي ايش عندهم اقسام اذا عجبك قسم شوفي الخطه الدراسيه للقسم يعني المواد اللي ياخذونها ، وانصحك تشوفين انتي وتحكمين وتدخلين اللي تميلين له ، يمكن تاخذين نصائح بنات مختلفين عنك وتدخلين قسمهم بعدين انتي تتوهقين ، ادخلي على منتدى كلية التربيه وسوي نفس الشي وفي الاخير قرري واستخيري ، والله يكتب لك اللي فيه الخير
|
|
|
|
2014- 2- 4
|
#8 |
|
أكـاديـمـي
|
رد: 10 سنوات من الابتعاد عن مقاعد الدراسة ,, ضاايعة ساعدوني الله يسعدكم
حبيباتي انتو الله يوفقكم ويسهل دروبكم يااااااارب مشكورين ع التفاعل
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مذكراااااات-doodoo- | doodoo | مدونات الأعضاء | 2134 | 2016- 12- 5 10:56 PM |
| -امنيتي اكون داعيه الى الله- | doodoo | ملتقى المواضيع العامة | 27 | 2014- 3- 3 08:23 AM |
| همومنا ..تحت المجهر 🔎 | إيثاار | ملتقى المواضيع العامة | 68 | 2014- 2- 14 10:56 PM |
| [ استفسار ] (((قدم تظلم ياناجح قدم تظلم ياراسب))) بحوث الأعمال | ابو عبدالعزيز2 | إدارة أعمال 7 | 286 | 2014- 1- 23 05:48 AM |
| [ مذاكرة جماعية ] : فقه السيره ( ختامها مسك بإذن الله ) | عـلـي | المستوى الأول - الدراسات الاسلامية وعلم اجتماع | 125 | 2014- 1- 9 10:03 AM |
