 |
|
||||||
| تربية خاصة 8 ملتقى طلاب وطالبات المستوى الثامن تربية خاصة التعليم عن بعد جامعة الملك فيصل جميع المسارات أعاقة عقلية _ صعوبات تعلم _ اعاقة سمعية |
|
|
أدوات الموضوع |
|
#1
2014- 1- 28
|
||||
|
||||
|
نداء للأخ بو بديع وكل شخص قريب من الجامعة
سؤالي عن التوصيات اذا أحد من الخريجين السابقين أخذ توصيات من الجامعة يفيدنا لأنه حابة أكمل دراسات عليا بس كيف آخذ التوصيات فاللي قريب من الجامعة يتكرم مشكور بالمرور ع الجامعة ويستفسر لنا كيف ناخذ التوصيات ؟؟؟؟
|
|
2014- 1- 29
|
#2 |
|
أكـاديـمـي فـعّـال
|
رد: نداء للأخ بو بديع وكل شخص قريب من الجامعة
الطريقه انك توكلين احد وكاله رسميه ياخذها عنك من الدكاتره ،،هذا اللي وصلني والله اعلم :)
|
|
2014- 1- 29
|
#3 |
|
أكـاديـمـي نــشـط
|
رد: نداء للأخ بو بديع وكل شخص قريب من الجامعة
طيب وين القى الدكاتره اللي درسونا عشان يعطونا التوصيات اقصد هل هم متواجدين بدوام رسمي صباحي بالجامعه وهل لازم ناخذ التوصيات قبل الوثيقه
اومع الوثيقه |
|
2014- 1- 30
|
#4 |
|
أكـاديـمـي فـعّـال
|
رد: نداء للأخ بو بديع وكل شخص قريب من الجامعة
ام الكتاكيت هلا بك ... بالنسبة للتوصيات لازم تؤخذ بعد ماتأخذين الوثيقة ... وطريقة التوصيات العلمية هي وعلى حد علمي السابق لأني مسوي توصية علمية لدراسة الماجستير لاختي قبل خمس سنوات تقريبااا .. وهي توكلين اي احد ماهو شرط وكالة شرعية من المحكمة زي الوثيقة .. لا اي احد يأخذ الوثيقة وظروري معاه السجل الاكاديمي للطالب الاصل ... والله يعين اللي بيروح يدور اسماء الدكاتره اللي درسوك ويوقعونك على توصية علمية لدراسة الماجستير .. ويكون افضل تؤخذ من مواد اخذتي فيها تقدير جيد جدا فأعلى ويفضل بنفس التخصص عشان مايكثر فلسفة الدكتور اللي بيوافق على التوصية العلمية ... وهي طبعااا ثلاث توصيات علمية لكل مرحلة دراسة عليا سواء للماستر او الدكتوراه .. هذا والله اعلم وياليت اني قدرت او وفقت بالتوضيح ... على فكره ... ليش ماتجون تتمشون في الحساااا شدعوااا عااااد ماتبونا ....
|
|
2014- 1- 30
|
#5 | |
|
متميزه التعليم عن بعد - التربية الخاصه
|
رد: نداء للأخ بو بديع وكل شخص قريب من الجامعة
اقتباس:
أنا بإذن الله اذا طلعت الوثيقة أروح استلمها بنفسي ومنها أسير ع الحسا وأخذ لي كم يوم هناك استفساري كان عن التوصيات اقدر اخذها اذا رحت للوثيقة مرة وحدة أخلي زوجي يأخذ التوصيات بدال ما أروح وارجع مرة ثانية بس علمنا وين الأماكن الحلوة والشقق او الفنادق والمطاعم الزينة لأني ناوية سياحة:s_45: |
|
|
2014- 2- 1
|
#6 |
|
أكـاديـمـي فـعّـال
|
رد: نداء للأخ بو بديع وكل شخص قريب من الجامعة
حياكم الله ... ترااا ديرتنا ذي سياحية بعطيكم نبذة صاروخية عنها ... فيها جبل القاره التاريخي وفيها قصر ابراهيم باشا على ايام العثمانيين الي حاكمين الحسااا وفيها جبل جواثا وجبل الشعبه كلهم واجهات سياحية ... والعيون عاااد حدث ولا حررج فيها عين الخدود وعين ام سبعة وعين الحاره وعين الجوهرية وعين ام خريسان وعين اللويمي وعيون كثيره اانه من اهل الحسااا اجهلها .. طبعاا العيون ماهي العيون ذيي
 خخخخ يااخوان العيون هاذي للسباحة ولتغذية النخيل فتخرج الماء من العيون من جوف الارض سبحان الله فالاحساء ارض زراعية تمتلك مليونين نخلة تغذي اغلب الدول العربية بالتمر اللذيذ اكيد جربتوه خخخ ... وحاولوت تدخل الحسااا في مجموعة ومسابقة عجائب الدنيا السبع لكونها ديرة تاريخية تجمع بين نخيل وعيون وجبال وقصور تاريخية واول ميناء تجاري بالخليج فهو ميناء العقير التاريخي .. اللله على البحر ... وفوق هذا كللله فيها حقل غوار البترولي الي يغذي 64% من نفط المملكة ... وفوق هذا كله موقعها على الخليج العربي ففيها 3 منافذ تعتبر منفذ سلوى على دولة قطر يعني القطري زي البحريني مايقدر يطلع من قطر الا لازم يحدر على الحساااا .. ومنفذ البطحااا الله عليكم ياااهل الامارات .. واهل عمان يجون عن طريق منفذ البطحااا .. شدعوااا عاااد احنا عيال قريييية لا تغركم الاحداث السياسية اللي ماتوكل عيش .. حياكم الله في الاحساء .. ورب الكعبة تحمست وودي احط رقمي لأي خدمة تبون بس اخاف انحذف من المنتدى خخخخخخ ... والله ياجماعة اعتبروها سياحة مافيها شئ ... ترا الحسااا ديره حيييه ماهي بزي بعض محافظات المملكة ترا فيها مواقع اكاديمية حكومية وغير حكومية ترااا فيها فرع جامعة الامام كلية الشريعة .. وفيها الجامعة العربية المفتوحة .. وكلية المعلمين .. وكلية التمريض سواء كليات حكومية او كليات اهلية .. ومعاهد طبية وصحية ومعاهد كبيره ومشهوره في الحاسب والانجلش مثل نيوهورايزن والبسام وغيرها من المعاهد ... زبده الحكي عدوا جيتكم سياحة واخذ للشهاده ... واللي يبي ياجر في فندق فحيااااه الفنادق كثيره واللي جوه طبيعي ترااا فيه استراحات في وسط مزارع وبرك سباحة ... ترا الوضع طيب هنااا .. حياكم الله صدق مهرجاناتنا على قدنا بس فيه مهرجانات وحركات وقت الصيف عندنا اكبر نافوره تفاعلية بالعالم وعندنا اشياء ممتعة في الصيف بصراحة .... وراعي الدوري يمديه يجي وينسق جيته مع مباراة الفتح ترااا دخول الملعب مجاااني خخخخخ والملعب يم الجامعة مررره قريب .واللي جوه فن فالفن موجود من فنون مسرحية على قدنا وفنون موسيقية فجمعية الثقافة والفنون موفره هالشي ماقدر اقول الا الله يرحمك ياعيسى الاحسائي ياما جمعت كل الحبايب ..... شدعوااا عاااد لو احنا الامارات شان تناااقزتوا على الجيه خخخخخ ... تعالوا بس وحياكم الله والبيت بيتكم والحسااا حساااك لو الدهر نساااك ... غيروا جو واخذوا شهادتكم وريحوا يوم ولا يومين انتوا واهاليكم تعالوا حياكم الله .... اخوكم وخادمكم ولد الحساااا بوبديـــــــــع ... |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ استفسار ] طلب من الزملاء الساكنين قريب من الجامعة الحبيبة | ابويحيى | اجتماع 6 | 2 | 2014- 1- 27 12:08 AM |
