خريجي معهد الاداره العامه + تخصص انجليزي

[aljawhara85]

السلام عليكم
صباحكم/مسائكم خير
حاولت اكتب هالاستفسار بقسم الانجليزي عشان يكون اسهل لاي احد جرب وعنده خبره انه يساعدني بس ماقدرت سؤالي مشخبط شوي بس ياليت احد يفيدني
الحين لما اجي اعادل المواد والي درس بالمعهد يعرف انو اخذنا سنه كامله انجليزي يعني الي درسناه بالمستوى الاول والي بناخذه بالثاني مار علينا ونفس الشي...كيف عادلتوا موادكم وهل عادلوه لكم؟ درسنا حول 12 ماده تخصص غير مواد اللغه وش سويتوا تكفووووون كم من ساعه تعادل تسوا حرام نعيد ندرس نفس المواد ونفس الكلام

[{تهاويل}]

ارفعي وصف المقررات مع السجل الاكاديمي بمعادلة المواد في الخدمات الطلابيه وشوفي ايش الي يتم معادلته لك من خطتك الدراسية كاملة.

[aljawhara85]

المشاركة الأصلية كتبت بواسطة ALi AL-Nasser

ارفعي وصف المقررات مع السجل الاكاديمي بمعادلة المواد في الخدمات الطلابيه وشوفي ايش الي يتم معادلته لك من خطتك الدراسية كاملة.

سويت كذا بس مادخلت مواد الانجليزي بس حقت التخصص وقلت يمكن احد يعطيني خبر واعدل طلب المعادله قبل لاتقفل..

مشكور وماقصرت اخوي ع الرد ربي يسعدك ويوفقك

[{تهاويل}]

لا تستهيني باي شيء درستيه ، هذا من عمرنا
فدخليه حتى لو احساسك قال انه ما بفيد او ما بغير شيء
اذا ما نفعك فهو ما بضرك
جربي اذا كان بامكانك اضافة مقررات الانجليزي
ضيفهم وارفعهيم حتى لو توافق انه يغطي اي مقرر من اي مستوى
تسقط من خطتك الدراسية.
والله يوفقك

[vanillastar]

المشاركة الأصلية كتبت بواسطة aljawhara85

سويت كذا بس مادخلت مواد الانجليزي بس حقت التخصص وقلت يمكن احد يعطيني خبر واعدل طلب المعادله قبل لاتقفل..

مشكور وماقصرت اخوي ع الرد ربي يسعدك ويوفقك

الجوهرة ايش كان تخصصك في المعهد واذا سكرتير تنفيذي ايش هي المواد الي ممكن تتعادل ؟

[Ensaan 3aadi]

انا كان تخصصي في المعهد (عمليات بنكية ) وبرفع المعادلة وبشوف وش بيقدرون يعادلون من مواد .. مع انه ترى فيه شرط بخصوص التقدير لمعادلة اي مقرر

[aljawhara85]

المشاركة الأصلية كتبت بواسطة ali al-nasser

لا تستهيني باي شيء درستيه ، هذا من عمرنا
فدخليه حتى لو احساسك قال انه ما بفيد او ما بغير شيء
اذا ما نفعك فهو ما بضرك
جربي اذا كان بامكانك اضافة مقررات الانجليزي
ضيفهم وارفعهيم حتى لو توافق انه يغطي اي مقرر من اي مستوى
تسقط من خطتك الدراسية.
والله يوفقك

صادق والله عمرنا الي يروح
ويوفقك ويسعدك يارب

[aljawhara85]

المشاركة الأصلية كتبت بواسطة vanillastar

الجوهرة ايش كان تخصصك في المعهد واذا سكرتيرم تنفيذي ايش هي المواد الي ممكن تتعادل ؟

ايه سكرتاريه تنفيذيه...اقلها مواد الانجليزي ﻻن دراستهم كانت مكثفه وفيه ماده اتصاﻻت احس وصفها يشبه وصف ماده بناخذها هنا..<<على هالاساس الي بيتعادل لي ساعتين الى اربع ساعات بس
^^^هذا اذاااا تعادل

[حيـاة]

حياك الجوهرة
دام تخصصك انجليزي ليش تعادلين مواد اللغة ؟
انا خريجة المعهد وماعادلت ولا مادة والحمدلله اموري تمام بالعكس ساعدتني مواد اللغة على رفع المعدل
مواد كورس اللغة في المعهد غير موجودة في السجل الأكاديمي ف كيف تعادلينها!! (انا خريجة 1429 يمكن تغير الوضع بعدي)
يمكن اللي تتعادل هي مادة برامج الحاسب لأننا تشبعنا منها وانتي عارفة
مادة الاتصالات اللي تقولين ماقد مرت علي !! يمكن قصدك الاتصالات والانترنت ..
أكثر المواد اللي درسناها في المعهد ما درست مثلها في الجامعة ماعدا برامج الحاسب وهذي طبعاً ماجربت أعادلها لكنها أكيد ساعدتني في المعدل والحمدلله

GOOD LUCK

[بوحليقة الدمام]

بداية اهنئكم على هذه الخطوة .. واتمنى لكم التوفيق

وبالنسبة لمعادلة المواد .. فقانون الجامعة لا يعادل أكثر من 15 ساعة فقط ( وبشرط تكون المادة التي ستعادل تقديرها لا يقل عن جيد c )
حيث انني اعرف احد الشباب كان تخصصه في الكلية التقنية ( محاسبة ) ولم يعادل له سوى ( 15 ساعة ) ...