[ اسئلة اختبارات ] : ابشركم ( مبارئ الادارة العامة )

[ابن طربوش]

السلام عليكم ورحمة الله ،،

مساء الخير كلن بأسمة ،،

ترى يالربع ويازميلاتي أسئلة الاختبار تبع مادة مبادئ الادارة العامة كان فيها اخطاء مطبعية ومنهجية والله يجزااة خير دكتور المادة مشرّبكها و خالط الحابل بالنابل ، صدعت وارتفع الضغط وسويت لهم زوبعة وصيحة ولما جاني مدير اللجنة كلمة بالحوسة والخميعة اللي حايسها صاحبنا عشان يشوف لي حل بالمصيبة ، وقالي الآتي / ان جايتة رساله على موبايلة من الجامعة بأن هناك اخطاء في صياغة الاسئلة وعليها ملاحضات كثيرة ، وطمني بان الجامعة عندها خبر وراح يساعدون الطلاب. وانا شفت الرسالة وان شالله اننا نعدي المادة .

ان شالله يعدونا بسبب الاخطاء

[ღ الليدي ساره ღ]

الله يجزاك خير ويعطيك الف عافية ويبشرك باللي يسرك
اما لو يصدقون بكلامهم ويطلع صحيح لك عندي فروة وشحنة غضا على حسابي هههههه

[د.مسك السحاب]

مع الاسف ما فيه تفاعل سريع من الجامعه

نايميين على المستوب الهابط اللي هم فيه

من الاستراتيجيه الى الاداره العامه

شكلهم متعمدين اللخبطه

اخطا ء املائيه و لف و دوران

الله لا يوفقهم

[سلطان الصقر]

من ناحية الخميعه هي مخموعه لها بحليب صميل بعد
الله ييسرها من عنده

[يوم حلو]

اذا كلامك صحيح لك مني بيت شعررر تشب فيه غظا ساره هههههههههه

يارب الدرجات السبع تكون منهم

[طالبه_جامعية]

بس مو منطق كل مره نكون
ضحيه غلط من هالدكاتره

وتقوم الجامعه تساعدنا

المفروض يتفادون كل هالاشياء

الواحد صار يخاف يدخل اختبار ليس لصعوبته بل خوفا لا يكون فيه لخبطه من الدكاتره

انا مااعمم بس هذي ثاني مرا يحصلي كيذا مع دكاترة الجامعه الفاضله ..

[كــونــان]

الله يكتب اللي فيه الخير

[آسـfـف]

خميعه عجيب امرها ههههههههههههه

قسم قسمات اني جبت العيد وجلست اتفلسف في الاجوبه


الله يخرب بيت عدوه والله لو الجامعه قايلين له مانبي احد ينجح من الطلاب ما يسوي فينا كذا
يبون ترانا انتساب والذاكره عندنا ضاربه


ارحم من في الارض يرحمك من في السماء

[abood148]

بشرتنا بالخير

وعطيتني جرعه معنوية للمذاكرة لبكرة

[zenk]

كل الاسئله كوم والسوال الي فيه خيارات محمه جدا .. وشديد الاهميه كوم ثاني


مدري وش يحس فيه هالدكتور .. الظاهر كل عيال جيزاوي راعين مشاكل