[ اسئلة اختبارات ] : عندي شعور ان اللي حط اسئلة الاحصاء مو الدكتور النجار

[nadak]

ما عرفت وش اكتب موضوع شكلي كتبت السالفة في الموضوع

المهم

الاسئلة وحتى لو كان معروف عن الدكتور تعقيد اسئلته لكن المره هذي كان الوضع مختلف الاسئلة مو لنا ولا منهجنا

وفيه موضوع احد الطلاب جايب ورقة اختبار قديمه لطلاب الادارة والاسئله نفس اسئلتهم وكمية المسائل في الاختبار كبيره مره مستحيل حتى الدكتور نفسه يحلها بالطريقة اللي علمنا اللي هي الجداول والتطبيق على القواعد بساعتين

في تويتر الدكتور كاتب انه وكيل الجامعة الالكترونيه في الرياض

واخر محاضرة مباشرة كانت مسجلة ما كانت مباشرة

توقعاتي تقول ان الدكتور ترك الجامعة وفيه شخص ما يدري وين ربي حاطه اخذ الاختبارات القديمة للدكتور واختار منها الاسئلة شختك بختك

يمكن هذا الاستنتاج صحيح ويمكن هذا محاولاتي لتفسير اللي صار

لاني والله ذاكرت زييين وتعبت على ذا الماده

[aboorakan]

يمكن ايه يمكن لا

[بيدو1]

الله لايضيع تعبنا

هو ومو هو مانبيهم يتلاعبون فينا ندفع رسوم ونتعب ونجيب مدرسين زود على اكلهم لنا وبالاخير حتى مايحطون اسئلة مساعده للطالب كونه ادبي

[اميره الجزيره]

طيب لازم نتصرف مو معقول جالسين هنا تحلطم بدون مانقدم شكوى للجامعه
حررررام حمل الماده ظلم
دخلت على الخدمات الطلابيه مقفلين التظلمات

[جامعية2013]

ادخلي في ايقونة الملاحظة على الاختبار .... انا قدمت شكوى من هناك .... والي يبي النجاح في المادة يرسل الشكوى ..اكيد راح ينجحون المشتكين مثل السمستر الي فات ..وبعد نفس الشي في دكتور الصحة ولياقه الي قدم شكوى نجحوه في السمستر الي راح .... فالاتسكتوا زيدوا الضغط على ادارة الجامعة واكيد راح ربي ياخذ لنا حقنا من هالدكتور خاصة الي تعبوا في المذاكره ربي مايضيع تعبهم

[~جنى~]

أختي nadak

الترم اللي طاف كان هناك طلاب يقولون نفس كلامج ويقولون لا تظلمون الدكتور .. الدكتور ما حط الأختبار

وأنا أقولج الدكتور هو اللي حط الأختبار .. بس الدكتور للأسف مو شايف الطلاب شي .. لانه يغلط وما فيه أحد يحاسبه .. ما أحترامي للدكتور النجار .. بس أنا هنا أناقش فعله ولا أتعرض لشخصه .

أنا طالبه أدارة أعمال .. والدكتور سوا فينا نفس الحركه الترم اللي طاف

جاب لنا اختبار التحليل الأجتماعي .. وهالمادة من ضمن مواد علم الأجتماع

وكانت مادتنا التحليل الإحصائي

تعالي شوفي الصدمه اللي حسيت فيها يوم شفت الأختبار .. وحسيت اني ضايعه

بس أضطريت أني احل واقول حدرا بدرا لين اندبلت جبدي

وانا في نفسي اقول هذا مو اختبارنا !!

اول ما رديت البيت وفتحت المنتدى لقيت الطلاب حاطين اختبار التحليل الاجتماعي وحاطين مقارنه بين اختبارنا واختبارهم

تقريباً نفسه مع اختلافات بسيطة

اللي صار ان اشتكى اكثر من الف طالب عن طريق الخدمات الطلابيه من أصل 8000 طالب مسجل المادة(هذا كلام احد الطلاب)

والطلاب فتحوا هاش تاق بتويتر .. وكان باين استيائهم .. ورد عليهم العميد وقال انه بيشكل لجنه خاصه ويتأكد من الموضوع

انا طبعاً حسيت بإحباط وقلت احسب درجاتي احسن واشوف جم ممكن اجيب .. وبديت اشوف نموذج الأجابات وحسبت اجاباتي الصحيحه .. طلعت درجتي ما بين السي إلى سي بلس .. مع اني كنت داشه الأختبار اقول بجيب +A لاني دارسه المادة


ومع هذا كان موقف الجامعه سلبي سلبي سلبي .. وما أعترفت بالغلط ولا صلحت الغلط ولا عوضت الطلاب

لان اول ما طلعت النتيجه لقيت درجتي C .. هذا معناته انهم ما زادوني ولا عوضوني .. والعوض من الله سبحانه

تحليلي المتواضع : ان الجامعه فقط نجحت الراسبين .. عشان تغطي على الموضوع !!

أنا ذكرت تجربتي .. عشان أفيدكم .. الآن اللي عليكم تشتكون من الخدمات الطلابيه .. واللي متأمل بالمعدل يقول للمعدل باي باي

أما اللي خايف يحمل المادة .. أقوله مبروك النجاح .. لان الجامعه مضطره تنجحكم

بس أهم شي الشكوى .. عشان الجامعه تدري أن الأختبار مو أختباركم .. ولن تعترف بالخطأ ولا راح تعوضكم .. فقط راح تنجح الراسبين من سكااااااااااات


بالأخير : الله يسامح الجامعه والله يسامح الدكتور ويعفي عنهم وعنا

[بيدو1]

لاحول ولاقوة الا بالله
يعني الدكتور هذا كل شيء عنده فوضى يدخل الادارة في الاداب والاجتماع في الاداره

الله ياخذ حقنا منه الحين مذاكرين نبي معدل مو نجاح يجي حضرته يخرب علينا ليه مايخاف الله هو ترا فيه ناس تدعي وناس دفعت رسوم يعلم الله كم هي بحاجتها وجابوا مدرسين وتعبوا عشان المعدل والنهاية الدكتور ولاهامينه كانا حيوانات عنده لااحترام ولاتقدير جهود ولاشي الله لايبيحه جعل كل تعب تعبته وكل درجة ضاعت علي بسبته برقبته ليوم الدين الدنيا زايله لكن الحق عند رب كريم مايضيع

والدرجات هي درجات الاخره ف ياويله من ربي كم من دعوة عليه وكم من تعب ضاع لناس بسبته

هو مايحس مايشوف كيف ندعي لغيره وندعي عليه اشك انه انسان ,, توقعاتي ان هو المصحح الالي

حسبي الله حتى الجامعه مو متعاونة ابدا لكن مالنا الا نصعد القضيه اعلآميآ ونشهر بسمعة الجامعه اللي سواها لهم النجار

[كارزما]

/


.. وصح كلامك جنى ذا الي صار بالسمستر الاول بمادة الصحة .

حسبنا الله وكفى ..!

[nadak]

هو حتى لو ما كان هو اللي حط الاسئله هذا ما يعفيه لا هو ولا الجامعة من المسؤوليه حلاام درجاتنا تروح ومعدلاتنا تنخسف من سوء تدبير الجامعه وانعدام المراقبة والمحاسبه انا دحلت الجامعه واعتذرت سنه ورجعت وهذا الترم من دخلت الجامعه وانا ما اسمع غير دعاوي بالدكتور النجار ولين اليوم لا حياة لمن تنادي !!

هذا مو اختبار هذا فرد عضلات
الله لا يسامحه لا هو ولا كل مسؤول ورا الاختبار اذا حقنا مع الجامعه بيضيع ربي ما يضيع لنا حق

وفعلا المفروض نشتكي ونعترض على الاقل للسنين الجايه عل وعسى ربي يحنن قلوبهم ويشوفون لنا حل

يعني حتى الوقت ما كان كافي للحل

[آنيقه]

ماقهرني الا المدرسه اللي خذيتها ودافعه لها 1000 ريال عشان تشرح لي
حتى هي المسكينه قسسم انهبلت من المسائل اللي عندنا بس ماتبغى تخوفني

ااااه هذا غير النوم اللي ماطب عيوني من الهم والمذاكره وبالاخير يجي اختبار يخليني ارجع ومعي الكتااب عارفه اني جبت العيد :o