مساعدة في اختبار القدرات

[jehad]

السلام عليكم

اخواني واخواتي اريد اسس امشي عليها لأتفوق في اختبار القدرات واختبار التحصيلي

تحياتي لك

[ضايعه مع الدنيا]

الله ذكرتيني بايام امتحان القدرات

يعني بما اني عديت هالمرحله يمكن افيدك

طبعاً انتي الحين اكيد سنه ثالثه او ثاني ثنوي صح

اوكي

عندك يومين اجازه يوم الخميس ويوم الجمعه

خصصي يوم من هاليومين

واشتري الك كتب خاصه لتحصيلي والقدرات ومتوفره ما شاء الله اليكم في المكتبات

وغير هذا

الله يامكثر الدورات في القدرات والتحصيلي

نصيحتي استفدت كثير يعشوك في جو هالامتحان

يعني يعطوك معلومات جديده

أخطاء يمكن توقعي فيها وامتحان يمتحنوك

يعني جيده من كل االنواحي

وعندك القطيف العواميه وصفوى وغيرها من الجمعيات الخيريه تسوي هاللدورات

انصحك سجلي فيها من بكير

لان تزددحم عدهم بشكل مو طبيعي ترى لانها كو يسه

سجلي بكير وياريت تخليها الك في اجازه علشان ما تشغلي بالك بدراسه ودوره في نفس الوقت

وعندك الاجازات ما بين الفصلين

اجازات الاسبوع الي منيه ومنيه

واجازة العيد عندك

يعني

عشان ترتيب الوقت

تحياتي ((ضايعه مع الدنيا ))........

اتمنى اني افدك ...
اخط

[jehad]

شكرا أختي ضايعة مع الدنيا بصراحه ماخليتي ولا بقيتي كل شي ابغاه وضحتيه لي أشكرك على مرورك الكريم وابداعك


وشكرا


ملاحظه أنا ولد

[طآلبة علم]

انا من رايي لا تتعب نفسك بالتفكير له
اذا قرب رح خذ دووره في القدرات تعلمك كيف طريقتها وكيف تجي الاسئله
وبالنسبه للتحصيلي اشتر لك رام 2 ممتاز مره واجلس اقرا المعلومات اللي فيه ..
واهم شي واكثر شي فادني الاطلاع على النماذج اللي بالنت بصراحه فادتني كثير النماذج وجا منها كم سؤال..

حبيت انصحك نصيحه من أخت لك مجربه هالوضع..
انصصصصصحك انصصصحك انك ماتفكر فيه ولا تحاتيه ولا تهوجس فيه << مثل ماسوت الاخت الى ماجاب لها القولون :011:

يعني امسك العصا من الوسط .. مو تطنش وماكأن عندك اختبار .. ولا تحاتيه مرره
سو اللي عليك استعد له كوويس وخلاص توكل على ربك ..
ونص الاسئله بتكون ناسيها او متردد بين اجوبتها فراح تضطر تحط جواب عشوائي يعني باختصار إنت وحظـك ..

وربي يوفقك أخوي .. أي سؤال أنا بالخدمه .. أتمنى أكون أفدتك ...

[jehad]

كلام صحيح اختي

أشكرك على مرورك الكريم والتنبيه وبأذن الله اجتازه

[فيلسوف ورسام]

ههههههههههههههههههههههه جهاد وانا اخوك من امك وبوك تبي رايي ^____^

^____^ اول شي كثر جزر لان مفيد للارانب الي مثلك وثاني شي

^___^ وثاني شي تعال ذاكر معاي قدرات بالنت



تشكراااااتي للجميييــع

[كبريآء أنثى ـآ]

اهم شــي أنكـ تشتري الكتب الي متووفره في جمييع المكتبااات خصووصا الكببييره > > جرير ,, العبيكان وغييرها


والشي الثااني: ألحييين ياكثثر الدورااات حااول إنك تلحق بدووره وحده لانها تفييد بالحييل .

والشي الثاالث:الله يعاافي النت يطلع لك نماااذج للسنواات الماااضيه .
اللله يووفق خييييو و يووفق الجميييع :praying:



تحيااتي : كبريااء أنثـى ـآ ...

[>_<]

أمم ..

وعليكم السلام ..
عليك بكتاب الأمين أو كتاب رام 2 .. حاول تحل جميع التمارين بيدك
... تمرن كثير عساس تتعود تحل بسرعة ..
ونفس ما قالت الأخت طالبة علم طالع النماذج السابقة ..(تلقها بقسم خاص بيزيد التعليمية)

نصايح عامة

# أدخل الإختبار وانت مرتاح نفسياً , وأخذ نفس عميق قبل توزيع كتيبات الأسئلة.

# راقب الوقت كل مدة زمنية , حتى تقيس متى تستعجل بالحل أو تروّق.

# السؤال اللي ما تعرف جوابه أو مو متأكد من جوابه أو تحس ان يبغآ له وقت للإجابة عليه قم بوضع علامة صح بالخفيف جنب رقم السؤال بورقة الإجابة وإنتقل للسؤال اللي بعده , إذا خلّصتْ جميع الأسئلة قم بالرجوع للأسئلة اللي محطوط عليها صح وقم بحلها أو التأكد من إجابتها. لاتسى تشيل الصح إذا خلصت الإجابة منها.

# لا تروح الإمتحان وفي بالك أنه صعب مرّة , أو إنه سهل مرّة .

# أكثر من الدعاء قبل بدء الإمتحان , و الله ما ينسى عبيده.

# لا تروح وأنت موآصل >>> مثلي الحمد لله , الله ستر.

# لا تكّثر على الفطور , ترى صارت حق رفيج لي ضاع عليه الوقت والسبب الحمام ! , كُل تمر وماء بس

[RamroMa]

السلام عليكم

آآآخ ذكرتني بأيام القدرات والعفسه
ونصيحتي لك كمجربه أول شي الحين انت بثالث يعني وجع راس وتعب وضغط وهم
لاتفكر بالقدرات هذه الايام وريح راسك منه بس اشغل نفسك بالاختبارات هذه حقتكم كل يوم
أنا لما كنت بثالث كنت بس احلم اني اروح الاختبار واكون خايفه ومااحل عدل عشان كذا لاتفكر فيه
بعد ماتخلص الاختبارات النهائيه للفصل الثاني ادخلك دوره وراح تستفيد كثير منها وفي اشياء ماكنت تعرفها ويعلموك طريقة حل سريعه وسهله
واشتري كتاب رام 2 في معلومات كويسه

أنا سويت كذا ويوم الاختبار دخلت وكنت واثقه من نفسي ومني خايفه ابدا الحمد لله بس توكلت ع الله