[ استفسار ] طريقة المذاكره

[عسيريه فله]

مساء الخير لو سمحتم كل واحد يقولنا طريقة مذاكرته عشان نستفيد منها انا عن نفسي ماقدرت ادخل مو مذاكره صح ادخل واطلع ماقدرت اركز لان عهدي بالدراسه والاختبارات في التسعينات بليز ساعدوني يمكن اقدر اندمج وارجع اركز

[Noha.a]

اخوي حمل المحتويات و اطبعها

و احضر المحاضره و معك المحتوى و ركز وش يقول الدكتور

ان شاء الله تفيدك هالطريقه

انا اتبعها بالاضافه الى النهائي بضيف للمحتوى الاختبارات الفصليه و الواجبات :d

[,*Wa3d]

اختي زي ماقالت لك نهَى الله يعطيها العافية ..
انتي حاولي تطبعي كل شي . وتبدي تمسكي مادة مادة
عشان تذاكريها تمام .، الطالبات والطلبة متعاونين مع بعض وملخصين تقريبا اغلب المحاضرات
ان شاءلله تفيدك بتثبيت المعلومة وطريقة المحاضرات ..
حاولي تركزي وان شاءلله تتسهل عليكي ~
وبالتوفيق يَ حلوة ..

[عسيريه فله]

شكرا نهى ووعد ماقصرتم والله يوفقكم ويجزيكم خير الجزاء

[Noha.a]

المشاركة الأصلية كتبت بواسطة عسيريه فله

شكرا نهى ووعد ماقصرتم والله يوفقكم ويجزيكم خير الجزاء

العفو

اسفه كلمتك بصيغة الولد مادققت عبالي عسيري كنت مستعجله يوم رديت

[اهلاوي ملكي]

انا عن نفسي عندي مشكلة كبيرة مااقدر احفظ واذا صممت احفظ اخذ وقت طويل والمشكلة انسى كل اللي حفظته بعد يوم الى يومين يعني ماني حافظ لارقم السيارة ولا ارقام الهواتف ولا الرقم الجامعي ولا الباسوردات كلها مسجلة لكن جيد بالفهم بس مشكلتي انسى احيانا القواعد والركائز المهمة .. والناس اللي مثلي لايتعب عمره فافضل طريقة انه يشاهد جميع المحاضرات ويراجع الملخصات كنظرة اولية يتخزن شي منها في العقل الباطني هذه اول خطوة والخطوة الثانية يشوت ام ام الدنيا بواحد شلوت معتبر عليه القيمة ويكبر الوسادة ويطري عمره ويوسع صدره ويفلها صح حتى مايبقى على الاختبار الا يومين وبعدها يعلن استنفار حرب ويقاطع العالم ويتصومع في غرفة يكون مجهز فيها شاي وقهوة واكلات خفيفة والملخصات جاهزة والمحاضرات مع الاختبارات والواجبات جاهزة وهات يامذاكرة ولايوقفه عنها الا الصلاة والوجبات فقط ونوم لايتعدى من 6 الى 7 ساعات فقط وعلى هالحالة يختبر ويجي البيت ينام 6 ساعات ويستلم المادة اللي بعدها ولايوقف الا وقت دخول الامتحان وكذا الى نهاية الاحتبارت وماينتهي الاختبار الا وهو نازل كم كيلو والخواصر بيصغروا والدنيا بتقصف قصف وهالات كبيرة سوداء على العيون من السهر وقلة النوم وانا اضمن له النجاح لكن ترى هذه وصفه فقط للذكور اللي مايحفظوا ولا وراه اطفال او طبخ او نفخ اي انسان يستطيع ان يعزل نفسه عن الكون ماعدا الاختبار ومحيطها حتى ينتهي الاختبار لان الفله اللي اخذها تبي تطلع عليه اغلى من بيع السوق ويكره حياته بس يحقق هدفه ويحقق نتيجة ( وصفه ماتخرش المية )وبالتوفيق

[ah-alshardi]

والله يااهلاوي ... اتحمس للمذاكرة واعطي نفسي امل باني راح اجتاز الترم هذا

لكن لادخلت وقريت كتبابتك ... ارجع الف خطوة وراااا

لكن يارب التوفيق لي ولك .. وتصحح ميولك الرياضية .. مالهاا الا نمورهااا

[اهلاوي ملكي]

خلك ملكي ترتاح وترى الكون اخضر جميل بلون الحياة وعسى ربي يفرج همكم ياجار

[ah-alshardi]

ربك كريم .. قادر يغير الحال .. والذهب غالي ماعمره رخص .. ياجار

[مَلاك]

المشاركة الأصلية كتبت بواسطة عسيريه فله

مساء الخير لو سمحتم كل واحد يقولنا طريقة مذاكرته عشان نستفيد منها انا عن نفسي ماقدرت ادخل مو مذاكره صح ادخل واطلع ماقدرت اركز لان عهدي بالدراسه والاختبارات في التسعينات بليز ساعدوني يمكن اقدر اندمج وارجع اركز

زي ما قالو لك خواتي وعد ونهى
اطبعي المحتويات اللي نازله عندك وأبدي تابعي مع الدكتور لو فيه ملاحظه او شرح لفقره اكتبيها على جنب لنفسك تحتاجينها بعدين هذا بالنسبه للمتابعه

المذاكره لا تجمعين اكثر من محاضرتين فوق بعض ! راجعيهم اول ب أول

وقت مذاكرتك للنهائي , المواد اللي فيها حساب زي الماث والاحصاء
أمسكي قانون الدرس واحفظيه وبعدها اكتبيه مره وثنتين وثلاثه لحد ماتحسين خلاص ثبت .
وحلي اول سؤال عادي وافهمي طريقه حله , بعدها خذي باقي المسائل اللي لها نفس الفكره تقريبا وحليهم لحالك ( ك اختبار لفهمك ) وهكذا لباقي الدروس .
ولا تروحين للدرس اللي بعده قبل ماتسوين لنفسك اختبار كامل لهدرس

مواد الحفظ احفظيهم عادي بس كتثبيت لكل اللي حفظتيه اكتبيه بورقه
انا الحمد لله تقريبا ماشيه معها كذا لأني ما احفظ بقد ما افهم , وكمان سوي مراجعه كامله لكل درس قبل تروحين للي بعده

المراجعه النهائيه للماده سواءً حفظ ولا فهم , نزلي اسئله من عندك او من الواجبات وحليهم
واذا خلصتي صححي لنفسك هنا بتشوفين هل فعلاً انتي مذاكره عدل ولا