[ مواد مشتركة ] : تجربتي مع قياس ..

[<< emad >>]

>> قبل امس اختبرت قياس لقدرات الجامعيين طبعا الاختبار يبيله تحضير كويس والا بتجيبون العيد زي حالتي انا قبل الاختبار خشيت على كم موقع وكم اختبار تجريبي على الأنترنت منها اختبار qi بس على عجاله يعني حق ابو كم ساعه عالسريع بس بعد ماشفت الاسئله والمدة المحددة للحل الي هي دقيقه لكل سؤال عرفت اني راح ابطئ اني اجيب درجه زينة بختصار ( لازم تكون مذاكر زين وفيه كتب ودورات خاصة لقدرات الجامعيين استفيدو منها وانا ان شاء الله راح اسجل فيها عشان اسفيد اكثر وسلامتكم ...

[@ابو نايف@]

اشكلها اسئلة الرياضيات وذكاء

[دلوعه ابوهااا]

كيف كان الاسئله اكثر شي عن تخصص عقليه ولا ايش
اكثر الاسئله بظبط وش الله يستر بعد ماخالص الترم بسجل بس مو الحين
بالله كم درجته وانت ماذكرت خلني اشوف

[هـمـس التميمي]

اغلب الاسئله رياضيات وذكاء

مافيها اسئله عن مواد التخصص .. هذه تكون بكفايه المعلمين

اختبار القدرات يصدّع الراس
والوقت ما يكفي

[(خالد)]

الله ﻻيعيده من اختبار
طلعت من القاعه مدري ويني فيه ساعتين ونصف ماتدري تفكر
وﻻ تناظر الوقت اللي تمر الدقيقه مثل الثانيه
واغلبها مسائل رياضيه تحتاج حاسبه وهوامش
بس ممنوعه الحاسبه
ياليت اجيب 70 درجه مابي غيرها

[يارب تحقق أملي]

الله لايوفقهم وش هالاختبار

قسم بالله انا مثلكم الوقت قليل و30 سؤال ب25 دقيقه بالله كيف افكر مايمدي امشي واحط من عندي اسئله معقده
حسبي الله ونعم الوكيل
يلحس المخخخ والمشكله كل شوي اناظر الدقيقه بسرعه تمر واحس لو افكر بالسؤال اعرف أحله لكن مايمدي تفكر عشان كذا امشي احط من عندي ولاادري اجابتي صح ولاغلط اوف يارب تعديه ي رب الله ييسر لنا جميعا ونعديه

[ٱلــــڑآآآقـيــــهُ]

انا اشوف انهم مقللين اسئلة الرياضيات ومكثفين الاسئله المنطقيه و اللفظيه


جابو حول ثلاث الى اربع قطع عليها اسئله من فهم القطعه مو نصاً


واسئة ذكاء واشكال تحول العيون وتقلب الراس من التفكير


الاسئله مو صعبه مره لكن تحتاج تفكير و وقت طويل لحلها

[سمسم كيوت]

دقيقه فهموني ليه مختبرين قياس شسالفه

[سمسم كيوت]

لي شهر مادخلت خوفتوني
اخاف فاتني شي

[هـمـس التميمي]

^^^

قدرات الجامعيين للماستر