[ جميع التخصصات ] : بنات اللي عندها خبره ياليت تساعدني محتااااسه

[Miss Nourah]

السلام عليكم

بنات انا ببداية الدراسة كنت متحمسه جدا للدراسة ومستانسه لكن صارت لي ظروف خاصة واضطريت اني اغيب كثير يعني تقريبا بكل المواد عندي غيابين ثلاث , الانجليزي والعقيدة حطمت الرقم القياسي فيهم غبت اربع غيابات بس تفاهمت مع الدكتورات يعني ما اقدر اغيب مره ثانيه فيهم وانتم عارفين السمستر باقي له كثير خصوصا آخر الايام اغلب البنات بيغيبون

انا الصراحه ماارتحت ووضعي مو عاجبني خاصة اني كنت ناويه اشد حيلي واجيب معدل مرتفع جدا اذا ما كان كامل بعد , وانتو عارفين الغيابات تأثر جدا بالدرجات واغلب الواجبات راحت علي يعني نقصت كثير بالدرجات , بإختصااار ظروفي صعبه وبنفس الوقت مبي ااجل لأن يقولون التأجيل يحرم من مرتبة الشرف حتى لو كنت استاهلها وبالتالي ماقدر اصير معيده مدري عاد هالمعلومة صحيحه ولالا ومابي اخاطر ..

فبسألكم عن التأجيل هل يأثر ع المعدل او عالدراسه بشكل عام و هل اقدر انسحب والسنه الجايه ارجع اقدم بس بكليه ثانية لكن بجامعة الدمام ولا مقدر؟

ربي يسعدها ويوفقها اللي تساعدني

[الحسناء الجميلة]

اول مرة اسمع بسالفة التأجيل تحرم من مرتبة الشرف
التأجيل انتهى من زمان
الاعتذار تقدرين تعتذرين بس حطي في بالك ان تروح عليك المكافاة هذا الترم وتنقص من الفترة النظامية
يعني الفترة النظامية هي 8سنوات اذا اعتذرتي سنه يصير مسموح فقط 7سنوات للبقاء بالكلية
الله يعوضك ويفرج عنك
ماتقدرين تنسحبين لان لو انسحبتي ماراح تنقبلين بالجامعة لانك تعتربين منسحبه من الجامعه
ككل
بالنسبة للجامعة فيصل تقدين تسجلين بها

[Miss Nourah]

ما فهمت اعتذر ترم بس! و لا السنه كاملة ؟

[الحسناء الجميلة]

كل ترم لحاله ياقلبي
بأمكانك تعتذرين هالترم والترم الثاني تأحلين

[Miss Nourah]

يعني حتى لو اعتذرت سمستر واحد برضو تصير 7 سنوات نظاميه بسس؟

و السمستر اللي اعتذرت عنه متى ادرس مواده؟ تراني مو فاهمه شيء لا بالتأجيل ولا بالاعتذار وولا بشيء :(

مشكوره حبيبتي تعبتك معي

[nanoofa]

عزيزتي لا تحاتين

الدراجات ماراحت ، شدي حيلك في الميد ترم

وحاول تحلين الواجبات الي بعد ماراح وقتها ، وحتى لو غبتي اسالي البنات ايش اخذوا واذا فيه واجب او شي

الغيبات الي راحت حاولي تجيبين لها عذر , او اذا غبتي مره جيبي عذر من المستشفى

توكلي على الله واللحي بالدعاء

والله سبحانه كريم يجيب دعوة المضطر اذا دعاه

الله يسهلك ويشرح صدرك يارب

بالتوفيق عزيزتي

[asooome]

حبيبتي نصيحه من قلب والله

لاتفكرين هالتفكير كملي دراستك وماراح تحققين حلمك الا اذا كان عندك عزم

راح تقدرين تتغلبين على كل المشاكل والغياب ماياثر كثير باذن الله عندك الميد والفاينل والكوزات بترفعك والمشاركه كمان كلنا مرينا بمشاكل وكلنا الحمد الله فكرنا بالتاجيل والانسحاب والحمد الله الحمد الله ان ربي صرف عنا هالفكره اذا بتاجلين علشان الغياب وانتي باقي مااخذتي حرمان لاتفكرين به ابداً قدامك سنوات تقدرين ترفعين المعدل بس كملي هالترم وخليك قويه والله يوفقك وييسر لك كل صعب :D:)

[almzuwna]

تو الناس احنا درسنا شهر واحد بس ودائما للمحاضرات المهمه تجي بالاخير انتي لاتغيبين واحضري المحاضرات الجايه
واللحين فرصه عندك اجازه ذاكري كل الجزئيات اللي ماحضرتيها واللي ماتفهمينه اشري عليه واسالي الدكتوراات خاليشرحونه تراهم يحبون البنت المهتمه بالعكس بتكبرين بعينهم او اسالي وحده شاطره ترا الدنيا فيها وبتلقين اللي يساعدك بس انتي حطي هدف ببالك واسعي تحققينه وبيتخقق بإذن الله

[Miss Nourah]

مشكورات عزيزاتي جد ما قصرتو ربي يعطيكم العافيه ويجعلها بميزان حسناتكم يارب ..

[Esc]

رأي انك تنسحبي هالترم، لان اذا أخذتي معدل قليل صعب ترفعينه بعدين