[ مواد مشتركة ] : افادة الدكتور مصلح بالجامعة اليوم بخصوص التربية العملية ..

[بوبديـــــْع]

اهلين... شباب .. صبايا ... مليييت من الانتظار .... وقلت دام فيه فرصة وفاضي عندي اجازه ...قلت لازم اتحرك واشوف وافيد الاخوان والاخوات.. وش صار على التربية العملية العالم قامت تدرس في المدارس واحنا ماندري وش السالفة ... المهم ... انا كنت بصراحة طابع خطاب موجهه لادارة التربية والتعليم كانت ايقونة التربية العملية في بداية رمضان مفتوحة وطبعت الخطاب ورحت لإدارة التعليم بالاحساء طبعااا في رمضان وقالوا لي تعال بعد العيد .. الخطاب كنت محتفظ فيه ... المهم ... رحت لإدارة التربية والتعليم امس طبعااا اللي هو يوم الاثنين 03/11/1434 ووانحست من مكتب التدريب الى مكتب الاشراف التربوي واخيرااا الى مكتب ادارة الاشراف التربوي ... طبعااا كل مكتب في اداره مستقللله ... مااطول عليكم .. افادوني مكتب ادارة الاشراف التربوي بأن الجامعة لم ترسل الخطاب بأسماء طلبة التربيه العملية ... لا بعد واللي يموتك قهر يقول لي الموظف .. امر جامعتكم غريب ... قلت له كيف ؟؟ قال لي الجامعة رسلت اسماء طلبة التربية العملية للانتظام وانتوا باقي .. ماادري الخلل عندكم يالطلاب ولا الخلل في ادارة الجامعة ... وقتها من جد ارتفع ضغطي ... قلت له والحل .. قال الحل عندكم روحوا راجعوا جامعتكم وشوفوا وش الحل وماقهرني زيااااده الا لما شفت كشوفات بأسماء طلبة الانتظام وراني ايااااه اي والله ماقلتها الا وانا صادق ... بعد مايبي لها كلام ... توجهت للجامعة بعد الحوسة في موقع عمادة التعليم عن بعد الجديد في المدينة الجامعية .. الا قابلت الدكتور مصلح العضايلة اللي هو مسئول عن نظام التعليم الالتروني بكبره ... شفت يممه طلبه جدد يستفسرون ... لاااا ماقدرت خشيت عرض ... قلت له دكتور مصلح مايصير وضعنا احنا كذاااا ومادة التربية العملية وش صار عليها ماجانا توجيه ولافتحتوا الايقونه في الموقع وفوق هذا انا توي مراجع ادارة التعليم وافادوني بأن التأخير من عندكم طال عمرك وش الحل .... طبعاا قعدت اشكي له الحال احنا موظفين طال عمرك ومنسقين اجازاتنا السنويه على شهر ذو القعده 11 كحد اقصى وانا توي ماخذ اجازه تبدا من تاريخ 1/11/1434 قصة التااخير يادكتور هذي ماهي معقوله لازم تشوفون لنا حل .؟؟؟؟
رد علي الدكتور مصلح بكل برود ... قال .... شوف مين عندي ... مين ... قال هذا احد الطلبه اللي ماسجلوا لا في البانر ولا في الخدمات الطلابية اختيار مكان التدريب ... كيف تبغاني ارفع للاداره التعليم باسمائكم وفيه باقي كثير ماسجلوا ولا انهو هالمشكله ... طبعااا الطلبه الجدد حسيت انهم بدأوا يتشائمون من الوضع وخاصة اذا كانت بدايتهم لا تسديد رسوم ولا رقم سرري ولا فتحت المواد قاعدين يستفسرون وحسيت انهم تشائموا من الوضع لو اصبحوا خريجين مثلي ... المهم .. ماسكت .. قلت له دكتور مصلح نظام الجامعة ومشاكله انتوا ابخص في صيانته انا مالي ذنب موظف انسق اجازتي من بداية السنة وتفتحون ايقونه يومين مادري ثلاث ايام وتقفلونها وكل شهر رمضان قاعدين نتكلم معاكم وانتوا بعد العيد بعد العيد كان فتحتوا الايقونه في رمضان عشان العالم تعرف تسجل موادها وتختار مكان تدريبها .. امااا انك ترسل لي رساله وتحجني فيها بيومين هذا ماهو منطق .. هذا خلص العيد وماحصلنا من وراكم الا الشقاااا ...وقلت له عندي لك اقتراح مع انه راح علينا .. قال تفضل .. قلت له يادكتور اتمنى انكم تحطون في الخطه الزمنية للجامعة ايضااا متى يبدأ التطبيق في المدارس عشان كل واحد يعرف اللي له واللي عليه ومراعاة للموظفين اللي مثلي ... وعدني انه بنهاية الاسبوع هذا اللي خلص التسجيل التربية العملية واللي ماخلص رايح يقفل موضوع التربية العملية .. وقال مع بداية الاسبوع القادم سيفتح الايقونه حقت ادارة التعليم وجهة العمل ... ويبدا التطبيق مع بداية الاسبوع اللي بعده تتوجهون للمدارس .. يعني اجازتي راح منها 3 اسابيع والله اعلم وش بيصير في الايام الجااايه ... هم وغم اعوووذ بالله ... سمحوا لي ماكتبت الرساله اول ماجيت ...كنت مصدع من الوضع وزعلان ولاني رايق .. ولا رووقت الا الحين ... وفالكم التوفيق ....

[أسير بلآ قيود]

الله يسعد ايامك يابو بديع

ما قصرت كفيت ووفيت وعملت اللازم

ياصبر الارض ع جامعتنا المصونه

طيب الاسبوع الي بعد الجاي يبدى تطبيق يعني نطبق يومين وتبدى اجازة الحج ههههههههههههههه

كويس ان التطبيق تأخر ويارب يتاخر اكثر حتى تهدى الاوضاع العالميه والاقليميه ويرسى أباما ع قرار يا يضرب يا يتوكل ع الله .. وربي بينصر سوريا

لاهنت بيض الله وجهك

تقبل ارقى التحايا....

[♥ βąỵℓįşǻʼn ♥]

مشكور أخوي الله يعطيك ألف عافيه ,,,

الله يصبرنا على نظام الجامعه ,,,

أساسا أنا كنت متوقعه إن التطبيق راح يكون بعد اليوم الوطني ,,,

[shmoo5y]

اناا طااب الخاطرر عن التطبيق

يااخي طفشونا

[مازلتوا اطمح]

بيض الله وجهك

[Blue Flower]

السلام عليكم ورحمة الله وبركاته

مشكور اخوي والله يعطيك العافيه ماقصرت وجاوبت عن اسأله كثيره
تراودني وتراود الجميع ومليت الانتظار والتوتر والتفكير بمتى نطبق ومتى يرسلون لنا
ومتى نختارمدارس

الله يعيننا والله يوفق الجميع

[متعب الحساوي]

المشاركة الأصلية كتبت بواسطة أسير بلآ قيود

الله يسعد ايامك يابو بديع

ما قصرت كفيت ووفيت وعملت اللازم

ياصبر الارض ع جامعتنا المصونه

طيب الاسبوع الي بعد الجاي يبدى تطبيق يعني نطبق يومين وتبدى اجازة الحج ههههههههههههههه

كويس ان التطبيق تأخر ويارب يتاخر اكثر حتى تهدى الاوضاع العالميه والاقليميه ويرسى أباما ع قرار يا يضرب يا يتوكل ع الله .. وربي بينصر سوريا

لاهنت بيض الله وجهك

تقبل ارقى التحايا....

كفو يالسياسي كلامك عسل، وبعدين ما هي غريبه حركات الجامعه وعلى قولتك يا صبر الأرض عليهم

[متعب الحساوي]

الله يصبركم

[يارب تحقق أملي]

الله ع جامعة النكد انا قلت لكم من قبل التطبيق راح يبدا من بعد 11/15 فعلا كلام طلع صح

[أم وافي]

الله يعطيك العافية