حــجـز الــبــنات

[رجل من عالم أخر]

السلام عليكم ورحمة الله وبركاته

(( الحبر يخلص وقضايا مجتمعنا ماتخلص ))

نجي لقضيتنا ومحور حديثنا

(( ياولدي بنحجز لك بنت فلان ))

(( يابنتي ترى ولد فلان حاجزك ))
(( فلانة محجوزة لفلان ))

يجي واحد يخطب بنت ..الولد ماعليه اخلاق ودين ..لكن البنت محجوزة لولد عمها

في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبغاها بكل سهوله ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون إنها محجوزه لفلان وضاع عمر البنت وفرصتها من هذا الحجز ..

بنت يتيمة وحيدة..حجزها عمها لولده ..لانه مايبغاها تطلع من العائله .. طيب ممكن البنت ماتناسب الولد ..افكارهم غير ..شخصياتهم غير..لكن من يسمع ..خلاص البنت محجوزة لفلان يعني محجوزه لفلان مافيه فكه

وبذلك اصبحت حقوق البنت ضائعه وأحلامها مفقوده وبالزواج من ابن عمها مجبوره

وممكن يكون زواج فاشل ويسبب مشاكل عديده

بصراحة أنا احس إن الحجز فيه ظلم للبنت

خصوصا ان الولد لو كبر وغير رايه ماراح احد يجبره ويقنعه بالزواج منها

لكن البنت حساسة ومغلوب على امرها ولو حاولت الرفض اجبرت بالزواج أين العدل

ولوتركها الاخ وهو حاجزها سنين فات عمرها ولاعاد بيجيها أحد
الكل عارفين إنها محجوزه لفلان
ما دروا إن حضرت فلان غير رائيه

وبيخلص الحبر والكلام مايخلص

من المذنب .في هذا كله. الشاب , الشابه , الأهل , العادات والتقاليد ؟؟

ومن اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

ومامصير مثل هذا الزواج لو تم

ارجو من الجميع ان يركز على مسئلة الحجز فلان لفلانه وليعلم الجميع باني لست ضد زواج البنت من ابن عمها او من اقربائها ولكن ضد إرغام البنت على الزواج ولا احد يطلع لي ويقول البنت ماتعرف مصلحتها
اليوم الكل يعرف الكفت ولاعاد فيه

صـــــــــــــــــــــــــــــــــــــــــــــــــ ــــــــــــغير

هـــذا والســـــــــــــــــــــــلام

[المندوب السامي]

بجد حسيت ان البنات عباره عن سياره او قطعة اثاث او ارخص من كذا

اعتقد زمان الحجز او الحجر من زمن الجاهليه ولا وانتهئ ومن يتبعه الئ الان يحتاج

يحجر علئ عقله ويعاد له اعادة تاهيل ومسح عادات باليه من راسه

باعتقادي نسبه فشل هذا الزواج عاليه جدا

بارك الله فيك

[ياربي وفقني]

الله يكون بعون كل بنت وشاب

بس خلاص ماعاد فية حجز هذا اللي اشوفة

[نور الأصيل]

برائيي :
في الماضي عااادي جدا البنت لولد عمها وأحيانا يحبون بعض ويعيشون ..

والسبب..العادات والتقاليد + الأهل وخاصه اذا نقز عم للبنت يقول بنتنا لولدنا = فشل ذريع وحياة مالها طعم حتى زواجهم تحصيل حاصل ...الرجل يتزوج بت عمه وكأنها واجب عليه ..بعدين يتزوج وحده يقتنع فيها ويبدأ حياة من جديد .. لكن البنت حتى لو تزوجت خلاص انكتب عليها لازم تتحمل وتصبر وتؤدي الواجب اللي عليها في حالة ماعجبت الزوج وراح تزوج عليها للى ترضي قلبه ..مسكينة البنت في كل الحالات ...
الحين لازالت موجودة هالعادة الكريهه لكن اقل من أول والبنت تقدر تقول ايه أو لأ ...

[إلسهر]

أنا صرت محجوز شفوياً لثلاثه من قرايبي هذا طبعا الوالده الله يسامحه طيبه إي أحد يجي من قرايبنا تقول أنشاء الله ماصرت أدري من هو خطيبي بس ............................... ماراح أتزوج إلا من خارج العائله

أشكرك على الموضوع الحساس

[أبـــو راكـــان]

" الحجز او التحجير سلطه ما انزل الله بها من سلطان "



لاهنت اخوي ..

[مهند العتيبي]

ظلم

بس الحمدلله قله قليله اللي باقي متمسكه فيه .

شكرا لك

[انسه عظيمه ♥]

ههههه عاد احنا جدي الله يرحمه : حجز لكل وحده ولد عمها ...
حتى لما كنت صغيره كنا نعتبرها خراااابيط مو صدق ...
بلعكس اللي حجزلي لي جدي اكره ماادانيه
زي ماقالوو الاعضاااء هاذي السوااالف قديمه انتهت ....

[ثلوجه الخجوله]

أعظم والأدهى انها تفتح عيناها للحياه لترى نفسها محجوزة لأبن عمها الفلاني ؟؟ هي لم تدرك بعد ؟ لم تفهم ؟ لم تبنى شخصيتها ؟ ولم تتعرف على شخصيته لترى أن كان يوافقها وتوافقه ؟؟ فأي ظلم يلحق بهذه الفتاه أذ تزوجها ابن عمها هذا المسمى لها ولا توافق بينهما وتبقى طوق في عنقه العمر كله ولا ترابط بينهما ألا ان الأهل حجزوهما لبعض منذ الصغر؟؟؟

يعطيك العافيه ع الطرح

[senyorita]

أنا أحد المتضررين من هالعاده ..

مشت علي اني لواحد من قرايبي ..

لما راح تزوج وحده مدري من وين طلعت فجأه


بس سبحان الله من البدايه ما كنت بالعته من الأول لا شكل ولا كشخص أبدا ..


والحمدلله