إستشاره ( زياده مقررات )

[Zainah ER]

السلام عليكم ورحمه الله وبركاته
كل عام والجميع بخير
الف مبروك للناجحين والمنتظمين وان شاء الله الانتساب يكون خيره لنا

بصراااحه عندي موضوع شاغل بالي هالفتره وحبيت تشاركوني فيه
فكرت وقلت محد بيساعدني كثر طلاب وطالبات الملتقى

طبعا انا الحين بمستوى ثالث وان شاء الله بعد ثلاث سنوات التخرج الله يوفقنا وياكم
بس فكرت اخليها سنتين ونص
وطريقتي هي اني اخذ كل مستوى ابتداءاً من المستوى الثالث ماده زياده ماعدا اخر مستوى اخذ مادتين
بكذا راح يتكنسل المستوى الاخير

هنا سؤالي وودي أي احد عنده فكره يجاوبني
ماراح يصير لي عائق بالمستوى الرابع اذا اخذت ماده من المستوى الخامس (يرفضون مثلاً)
لان اللي اعرفه اول سنتين تاهيلي وخايفه تكون مقررات خاصه مقدر اخذ غيرها الا اذا اجتزت التاهيلي

وبالاخير ايش تنصحوني اخذ ماده من المستوى الرابع
فكرت حسب جدول الامتحانات مبادئ الاداره الماليه أو النظام السياسي في الاسلام
بس للاسف ما عندي فكره عنهم فياليت اللي يعرف احد انتظام او بفيصل او عنده فكره
هالمادتين تعتبر من المواد الفهم ولا الحفظ ؟!

جايه اطلب مشورتكم لا تردوني

* اللي اعطيتهم تنبيه يهمني رايكم *

[وطنيـ wtneat ـات]

وعليكم السلام ورحمة الله وبركاته
حياك الله وبياك وكل عام وانتي بألف خير وصحه وسلامه
بالنسبه لي انا شخصياً
ارى بأنك نظرتي للموضوع هذا من زاويه وحده
ألا وهي : انك تبين تختصرين السنوات المتبقيه في سنتين
ولافكرتي في المعدل والضغط النفسي والفكري الي راح يترك اثر ه الـسلبي عليك
الا في حاله واحده اذا كان لديك خطه معينه تتبعينها بحذاريفها دون خلل وضامنه انك بتستمرين عليها
جميعنا يعلم ان كل ماانتقلنا لمستوى اعلى كل مازادت عدد ساعات بعض المواد لدسامتها
البعض يتقبل والبعض يراه ضغط - هذا وان للعقول مستويات في الإستيعاب
( ماطلعنا من مستوى ثاني ألآ والإداره والإقتصاد والتسويق منقزين عيونا زين بعد ان بعض الدكاتره
كان لهم يد في المراعاه ولا كل مره تسلم الجره ..)
انا عطيتك رأيي وانتي لك الأريحيه التامه خصوصاٍ ان هذا الموضوع راجع لك شخصياً
ألي يعجبك من كلامي خذيه والي مايعجبك سلمي عليه من بعيد ^_^


بالتوفيق عزيزتي

[وطنيـ wtneat ـات]

الخيره فيما يختاره الله لك

[ريمنقو]

مانصحك تضغطين على نفسك علشان تقليل سنوات الدراسه ..
لكن اذا بتتحملين وفيه مواد متاحهه لمستويات اعلى , سجليها

/

اتوقع مايتيحون جميع مواد المستوياتَ

[Zainah ER]

..


حبيبتي وطنيات وانا اقرأ كلامك بالاول قلت هالاسلوب مو غريب علي اكيد هذي بصمه
اعتذر عشان التنبيهات لبعض الاعضاء بس ضيعت ونسيت بعض الاعضاء اللي كان لهم بصمه بالملتقى
لا تلوميني اجازه ثلاث شهور نستني كل شي

نرجع لموضوعي نبهتيني للجانب اللي حاولت ما افكر فيه كثير
بس حسيت اللي يخليني اخلص ست مقررات بيخليني اشد حيلي واذاكر مقرر زياده
بس وجهه نظرك مهمه بصرااحه وهي المعدل مابيه ينزل عن المستوى اللي انا فيه ولله الحمد

مشكوووره حبيبتي على ردك ويجزاك خير

..

ريمنقو مشكوره حبيبتي على النصيحه هي ماده وان شاء الله ما تاثر بس هذي المشكله
هو مسموح لي ولا مو مسموح
وعلى فكره انا افكر كل مستوى باخذ من المستوى اللي بعده
يعني ماراح اشقح للمواد بالمستوى السابع ولا الثامن

[ريمنقو]

طيب هي ظاهره عندك بالنظام او لآ ؟
لان انا عندي بالنظام مايتيح لي الا مواد السمستر الجديد ومواد سمستر 1 و 3

[قنوع]

النظام لايسمحك لك بأنزال مواد من مستويات متقدمه
او الفكرة طيبه وتختصر لك الوقت

فالك التوفيق

[Khaled.k]

وعليكم السلام

لازم تمشين ع الخطه الدراسيه أفضل لكِ

[إحسـاس]

نصيحتي لكـ

إنك تمشين على نفس الخطة الدراسية للجامعة ..

[صَعب]

كل عام وانتِ طيبة وجميع الحاضرين ،،
أنا رأيي من رأي الأساتذة اللي سبقوني زينة ، بصراحة أنا الفكرة ذي جات ع بالي من السمستر الماضي وبغيت أضيف مقرر أخلاقيات العمل ، ولكن نصحوني الإخوان إني ما آخذ ولا مقرر لأن المقررات الموجودة دسمة وبزيادة ، لا بعد قالوا لو يهمك المعدل أجل مقرر !!!
طبعاً أستخرت وخليت مقرراتي مثل ما هي لا زودت ولا نقصت ، بعدها حمدت ربي إني ما زودت ، لأن بصراحة الإقتصاد الجزئي ورياضيات الإدارة والمحاسبة طلعت عيوننا وكانت عن ست مقررات مو ثلاثة ، الحمد لله أجتزتهم والمعدل عال العال ،،
بالنسبة لي شخصياً ما تفرق معي سمستر ولا اشوفة يستاهل كل الضغط ذا وإن المعدل يتأثر بسببة ، لو راح أختصر سنة كاملة أشوف الموضوع يستاهل المجازفة ،،

اشكرك على الدعوة والله يوفق الجميع لكل نافع وفيه خير ،،

»» أجل وطنيات هي بصمة ؟؟؟!! > مدري شلون فاتني الاسلوب ، من الفهاوة والضغط وحوسة التسجيل ،،
كل عام وانتِ طيبة ،،