[ استفسار ] ياهل الانجليزي ابي مشورتكم بعد هدايه الله

[الشريف.]

السلام عليكم ورحمه الله وبركاته وكل عام وانتم بالف خير ياحباب انا تخصصت لغه انجليزيه ووعديت مستوا اول بمعدل 3، 5والحمدالله وماده الانجليزي جبت فيها 63رغم اني شاااااده حيلي فيها من اليدايه ومذاكره وتعب لايعلمه الا الله بعد هالدرجه المخزيه فكرت احول وانا بسيطه جدا فالانجليزي لكن حلم ان اتقن هذي اللغه واحاول بطرق ثانيه ان اطور نفسي حسيت فيه تقدم لكن لحظه الامتحان يكرم المرء او ويهان شورو علي اغير تخصصي او استمر ومن مثلي فبدايه مشواره وكمل بنجاح وكيف الطريقه الله لايحرمني منكم جميعا ولكم خااالص شكري

[الشريف.]

بليز اغيثوني بأرأئكم 11مشاهده ولارد

[نقاءالروح]

وعليكم السلام

استخير ربك هالشي يختلف من شخص لشخص

حبيت ارفع لك الموضوع
الله يوفقك

[كهف المواجع]

أنا مثلك دخلت أنجليزي ولا زلت متخوف من الأترام القادمة

لكن ان شاء الله نعدي بالمذاكره والملخصات

واذا شفنا الدعوه مو حولنا حولنا فيما بعد


لكن الحين خلك على نفس التخصص لأن المستوى الثاني جميع تخصصات آداب نفس المواد حسب خطه

الجامعه وادرس واذاكر وبرضو أسئل اهل المستويات المتقدمه ولو برسائل خاصه لكي يفيدونك


واذا شفت في ذلك صعوبه أو ماارتحت باأمكانك ان شاء الله تغيير التخصص

[Manali]

الشريف

انا مثلك كنت بالمستوى الاول
اخذت باللغه الانجليزيه 61
شفت كيف كنت على حافة السقوط

الاسباب انا عندي خوف من الاشياء الجديده
من اول اختبار الى نهايته وقلبي يرجف
مع اني مذاكره تمام بس الخوف خلاني انسى كل شي
ماخفيك كنت قررت بيني وبين نفسي
اسحب من الدراسه
عقب ماشفت درجتي
بس قلت بستمر ان شاءالله

لكن وصلت المستوى الثاني
وراح الخوف ولله الحمد لاني سبق وجربت الاختبارات بالمستوى الاول
وكل مادتين الانحليزي جبت فيها ممتاز ولله الحمد

لا تحكم على نفسك من اول عثره
اذا انت حاب الانجليزي وعارف انك بتمشي فيه صدقني راح تبدع بتخصصك

الانجليزي مو مثل باقي التخصصات
حاول بأوقات فراغك انك تطور نفسك

اقراء قصص اقراء اي شي بالانحليزي
ترا هذا الشي يساعد

لكن مو من اول مره تستسلم
ترا هذا الشي حتى بحياتك مراح يخليك تعتمد على قراراتك

[~βişcuiτ~]

وعليكم السلام ورحمة الله وبركاته

عزيزتي لا تتخوفي من الانجلش بسبب درجة الاختبار ..!!

بعدين حتى لو غيرتي تخصصك , انتي بالجامعة الان يعني راح تلاقي الصعب والسهل بجميع التخصصات

ولا تعتبري درجة الانجليزي محطمة لك والسبب بتغير التخصص , لازم تكون دافع لك بالاترام الجاية

تقدري وقتها تقوي نفسك باللغة عن طريق التسجيل باحد المعاهد او حتى متابعة الدروس ع اليوتيوب

اهم شي تعقدي النية والعزيمة ع الاجتهاد وعدم التاجيل والتسويف والاعتماد ع الله والتوكل عليه

شاوري عقلك واستخيري وباذن الله تتوفقي باختيارك

[الشريف.]

جزيتم الجنه بلاحساب ولاسابق عذاب رغم الصعوبه ومسؤليات كثيره عقدالنيه باذن الله غلي المثابره والاهتمام بعد توفيق الله ثم مشورتكم ولكم مني خاااالص الشكر لكن اريد من اهل المستويات المتقدمه في اللغه ان يفيدوني بطرق مذاكرتهم وطرق تطوير اللغه خارج منهج الجامعه اما بمواقع مسانده او غيره سؤال اخير تخصص اللغه يعتمد علي الحفظ او الفه م وشكرا

[Manali]

الحمدالله شكلك غيرتي وجهة نظرك

بتكلم عن نفسي الين يجي احد يبدي رايه من المستويات المتقدمه

عن نفسي مايطيح بيدي شي الاا وانا اقراه باللغه الانجليزيه

احط على قنوات اجنبيه واجلس اترجم لإختي

شراء لي ابوي كم قصه وللحين اقراء فيها

على العموم

عندك بهالمستوى عندك كتابين انجليزي واحد قراءه والثاني كتابه

انجليزي قراء فيه مجموعة قصص تحتها اسئله عليها بعص الكلمات الجديده تحفظينها
ماده ممتعه جداً ويبي لها متابعه من اول

الكتاب الثاني انجليزي كتابه
نفس القواعد اللي خذيتيها بالمستوى الاول بس فيه زياده بعض الاشياء
واشوفه احلى منهج وشرح من كتاب المستوى الاول

اما اذا كان يعتمد على الحفظ او الفهم
فا اقول كلهم والله
راح يجيك بالمستويات القادمه تعاريف باللغه الانحليزيه ويبي لها حفظ
ولكل مجتهد نصيب

[الشريف.]

ياقلبي يامانيلا الله لايحرمني من قوه تاثيرك الايجابيه والفضل لله ثم لكم يا احبتي اذا ربي كتب لي ان اكمل لاحرمتي الاجر وجزيتي الجنااان ويسر الله امرك وامر كل الحباييب اللي ردو ةاللي ماردو انا فعلا تغير مستواي عن اول صرت اعرف اقرا واذني مستمعه جيده للفروق بين الكلمات اول الله يخلف بس هاللحين تقدمت كثير ومواقع فاليوتيوب بس اوقات ياخذني الحياء في محاولاتي البسيطه للمحادثه وتركيب الكلمات لكن بعد كلماتكم المشجعه والنديه جميعا باذن الحي القيوم بحاول اكمل بدون يأس ولكم جزيل الشكر

[جامعية2013]

لا تستعجيلين .... واصلي وثابري