|
استراحة آدم مساحة حرة للرجال فقط سواليف,الغاز,صور رحلات برية وكشتات,ألعاب, مسابقات |
|
أدوات الموضوع |
#1
|
||||
|
||||
شعر عن الصيد والأنتخاء بالبندق
السلام عليكم ورحمة الله وبركاته
مساء الخير....وأسعد الله أيامكم أقدم لكم أبيات جميلة عن الأنتخاء بالبندق(البارود) أتمنى أن تعجبكم قال الشاعـر فالح بن مسعر بن ركاض من قصيدة :البندق لي بندق رميها يغـدي غـثـا بـالي *** ومخضبٍ عـقبها من كف صاحبها الـلـه يـرحمـك يـا عـودٍ شـراهـالـي *** مـن واحـدٍ جابهـا للسوق جـالبهـا شراها لي بالذهب لو سعرها غالي *** بمايـة وعشرين ما يفهق بغايبهـا مطرق فرنجي رباعي ماله شكالي *** يكـودنـي طـولهـا لاجـيـت أزهـبهـا يا بندق العـبد ياللي مالهـا أمثـالـي *** اللي ليا جت ليال الصيف عج ابها كـم فـرحت بالخـلا من صدر زمالي *** وكـم سرحـة دورت منها ربايبهـا يا زين طردي بهاغزلان الأسهالي *** والتيس دمـه يثـّوع مـن مضاربها كم عـود ريـم يجي مشيه تهنفـالي *** كـن الحـنـايـا عـلى راسـه يقـلـبهـا وقال الشاعر فراج بن ريفة القرقاح الفهري العبيدي القحطاني مجاراة لقصيدة الشاعـر فالح بن مسعر بن ركاض من قصيدطويلة : لي بندق ما صنعها الصانع التـالي *** مـن دقـت المارت نحـال مقاضبهـا في يدي قـرار تكف الجمع لنهـالي *** طـويـلـة ناحـل مقـضب خشـايـبهـا لمـحـلا صـوتـهـا بالمـردم الخـالـي *** فـي قـنة الحيـد والحدباء تجاذبهـا ولمحلا ضربها في جزل الأوعـالي *** أبـو حـنيـه كبـيـر الـراس شايـبهـا ذبحت عشرة بها والضل ما مـالي *** والحادية روحـت تـثـلـع مضاربهـا عط الطويلـه عـريب الجد والخالي *** ولـد الـردي لا تخلونه يـزول ابهـا ولا الشجاع الذي للصعـب حمـالي *** أرفـع نـواصيـه يـا ربـي وقـطـبـهـا وقال الشاعـر العطيفي الولدعي هذه الأبيات من قصيدة مجاراة لقصائد أبن ريفة وأبن ركاض : لي بنـدق رميها ماضي له افعالي *** ومخضب عقبها من لفض شاربهـا عـدل نظرهـا وحديده كنهـا ريـالي *** كـن الحيـايـا تـلـوى مـع مقاضبهـا عـاداتـنـا باللقـا نحمي بـهـا التالي *** نيشـانـهـا باللحـم حـزت نـجـربـهـا والـيا لفونـا من المقـناص زعـالي *** أحـدٍ مـدح بـنـدقـه وأحـدٍ يعـذربهـا بشرتهـم بالعشا مـن عقـب مقيالي *** والقايـده مع مـرد الكـوع ضاربهـا وقال الشاعر خلف بن حفر الجميلي هذه الأبيات من قصيدة :مجاراة لقصيدة ركاض لـي بـنـدق جبتهـا شفي وتـزهالي *** يا الـلـه ياللي عطيتـه لا تـشح ابهـا لمحـلا سجـهـا للـتـيـس بـأقـبـالـي *** فـي دروح قامت تصوعـه قـوالبهـا وأمزيّن ديكها عن خملـة الـقـالـي *** وأجلس عليها لحين القـمع اشببهـا لا جن مثـل الحيا بـه دق واجلالي *** أطمن براسي وأنا أعاين غـواربهـا أقـلـط للأول اليـامـا يلحـق التـالـي *** والقـايـده مع مجـل الضلع صالبهـا والـوف قدامهـا لا صابها اجـفـالي *** لا جت تشفع وحس الرمي راعبها تبشروا بالعشا مـن عقـب مرحالي *** يـوم التفـافـيـق تـتـبعـهـا جنـايبـها تحياتي وأشواقي لكم |
2013- 3- 20 | #2 |
صديق الملتقى
|
رد: شعر عن الصيد والأنتخاء بالبندق
روعه اخوي المبدع محمد الحناني
انت متميز في كل الاقسام الي تشارك فيها اسجل اعجبي بك |
2013- 3- 20 | #3 |
متميزة بالمستوى السابع لقسم الإنجليزي
|
رد: شعر عن الصيد والأنتخاء بالبندق
ابدعت واسمح لي اضيف قصيدة علي بن مشرف في وصف البندق البلجيك
البنـدق اللـي شوفهـا يبهـج الجـاش ويروي عروق من المفـارق معاطيـش كني الى مـن شفتهـا عقـب مطـراش شايف قصيـدة بـدع ل(محمـد دبيـش ) ينشد عقـب طـال السفـر والتعطـاش وين انـت ياشـوق البنـي العكاريـش وقام يتناوض خافقـي الشعـر وانتـاش مشاعـري وتـهـل نــوٍ مراهـيـش لين اكتبه وافضي من الطـاش للطـاش عن ماشعف قلبي واغني ( على الريش ) (بلجيك ) سودا صنعة عيـال الاوبـاش (أكس كلوسـف ) شيـشٍ ولـد شيـش اوصافهـا تذهلـك ويصيبـك ادهـاش مصيونـةٍ ماشفـت فيـهـا عرامـيـش ( راس قصبتها ) كنه جمهـات حشـاش زقارتـه ماتنطفـي عـاش فـي طيـش ( وذبله )تقول بوسطهـا راس منخـاش ماتخطي النيشـان لمـا التقـا الجيـش ( والجـرم ) لا مادنسـه كـل غشـاش صـبّ الذهـب مالجّمتـه الشواكـيـش ( وشاحن عصاه ) انحلّ ماعاد منهـاش فـي قفّهـا ملمـوم مثـل الخراطيـش ( ودربيل ) كنه في دجا الظلمـه فـلاش ( وظهرْ ) يشادي موخره زنـدٍ شاويـش منقوش فـي صفـرة ظهرهـا بمنقـاش كتابـةٍ كنـهـا رمــوز وخرابـيـش حرزٍ من اهل العين وقلـوب الاوحـاش نهـم النفـوس الطامعـات المخاريـش لامن فلكها ثم رمـى تجهـش اجهـاش كنها الرعـد فـي خايـعٍ مابعـد نيـش ولامن تعدّت صوت عودٍ فـي الانعـاش يـونّ كنـه فـي الحشـا يلـذع بفيـش صندوقها مـن مـاس والفضّـه فـراش ومطـرزيـنٍ بيـتـهـا بالـدنـاديـش انا اشهد ان من حاشهـا يامـلا حـاش ومن غيرها لو هو تكبر ..علـى ويـش وانهي معي فانا اشجع من (( ابن نتّاش )) وان ابعـدت فانـا عشيـر الـدراويـش عشقـي لهـا مافيـه غبّـا وخشخـاش على النقا مااخشـى ولاهيـب تخشيـش احبهـا حـب البـدو شـوف الادبـاش وان طلبت ماقول ..مااقـدر ولا ..ليـش اسوق روحي في رضاهـا ولا انحـاش واهفي لها العصبات واعطي البخاشيـش لانهـا ذراي ولجسـدي حسبـة قمـاش ولايضاهي قدرها المـال فـي الخيـش ولاهيب كسب النذل والخـس والـلاّش كسب الرجال اللـي مـلاذ الطواهيـش سرالهـا اللـي بايـع العمـر بـبـلاش قـرمٍ يـدوّر عقبهـا .. لقمـة العـيـش يتيـم ماوراهـا كـون اربـع احـواش ومن الفقر امسـت ضمـور ومجاهيـش لامن ذكرهـم قـال ياقلـب ( لا عـاش رجل خنع ويعيـش عيشـة دحابيـش ) فامـا حيـاةٍ تتقـي فيهـا الاجـحـاش ولاّ الممات ارحم ولـي مـتّ ..حتّيـش قبلي توفّا (عبيد).(وحسين )( ورشـاش ) والموت مـرّه والحيـاه اطـول منيـش وكلّف لها اللـي ماتكلـف علـى مـاش راحت تقص الـدرب تـدرى التشاويـش كـلٍ معـه جيـبٍ وكنـود ورشــاش ويخبر حسب رمزه الـي شـاف تفتيـش لين ادخلوها الحد وامست في ( خبـاش ) ولااصبح عليها الصبح والبيحه غبيـش الاّ وهـي عنـدي وعديـت لـه كـاش واقفى وانا قمـت احتظنهـا وبشويـش احطّها فـي بيتهـا وارعـش ارعـاش من خوف لاخدش جرمها لو هو خديـش واقبلت اراعيها مـن ضلـوع الاعتـاش ظنّـي لـو تنادينـي اقـووول لبـيـش وجيتـك بهـا هديتـي يابـن حوكـاش ردٍ لـهـدوك ياسلـيـل المـداغـيـش يسلم ذوقك يا الحناني |
2013- 3- 20 | #4 |
صديق الملتقى
|
رد: شعر عن الصيد والأنتخاء بالبندق
Another day
اضافه روعه شكرا لك يا رمز التميز |
2013- 3- 20 | #5 |
متميزة بالمستوى السابع لقسم الإنجليزي
|
رد: شعر عن الصيد والأنتخاء بالبندق
|
2013- 3- 21 | #6 |
أكـاديـمـي ألـمـاسـي
|
رد: شعر عن الصيد والأنتخاء بالبندق
السلام عليكم ورحمة الله
شكراً على الدعوهـ أختي Another day وشكراً لأخوي محمد الحناني ما شاء الله عليكم مواكبين وقت الصيد شكلك يا محمد متهيض على الصيد ! ( بن ركاض السبيعي وأبن ريفه القحطاين والعطيفي والجميلي وعلي مشرف اليامي ) لا شك أنهم شعراء كبآر والله يرحم الميت منهم ويمد بعمر الحي عآد سبحان الله اليوم كنت معزوم على رحلة مقناص لصمان لكن ظرف منعني ونعوض الأسبوع الجآي أن شاء الله الكرك والرهو والجرجس عابر بتجاهـ المنطقة الوسطى أكثر من 3000 طير حسب أحصائيات أهل الساحل الغربي ^ معلومه ربما تفيد أهل الهوايه شكراً لكم |
2013- 4- 19 | #7 |
أكـاديـمـي فـعّـال
|
رد: شعر عن الصيد والأنتخاء بالبندق
يعطيك العافية
|
2013- 4- 19 | #8 |
أكـاديـمـي نــشـط
|
رد: شعر عن الصيد والأنتخاء بالبندق
شي جميل ويعطيك العافية علي هل المعلومات
|
2013- 5- 3 | #9 |
أكـاديـمـي نــشـط
|
رد: شعر عن الصيد والأنتخاء بالبندق
ألف شكر لك |
2013- 5- 9 | #10 |
أكـاديـمـي مـشـارك
|
رد: شعر عن الصيد والأنتخاء بالبندق
\\. البنندق هؤ الشييي للي يسبب لجدتي رعب لا مسكته << تقؤل بتذبحين مخلؤق دايم مشكووك في إجرآميتي
\\. يعطيك العافيةة |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
شخصيــــــــات رائعه مرت في حياتنـــــا وحياة آباءنا وأجدادنــــا ,, | l a v e n d e r | ملتقى المواضيع العامة | 710 | 2014- 9- 29 10:59 PM |
[ قسم التاريخ ] : [ مُميْز ] : محاضرات تاريخ العرب الحديث | CHERRY BOMB | منتدى كلية الآداب بالدمام | 159 | 2013- 4- 21 12:55 AM |
الشيخ سلطان بن حمد العويد رحمه الله | ليثاوي الرياض | ملتقى المواضيع العامة | 26 | 2013- 1- 10 11:29 PM |
[ قسم جغرافيا ] : تاريخ العرب الحديث والمعاصر | maram1 | منتدى كلية الآداب بالدمام | 17 | 2013- 1- 6 10:44 PM |
الا رسول الله | atem}{ | ملتقى المواضيع العامة | 7 | 2012- 9- 29 10:35 PM |