مشكلة الجدآول

[دلع_الروح]

مرحبآ بنآت....


انا قسم تاريخ ولا احد عطانا جدول ولا هم يحزنون


المهم الحين الجدول اللي بالنت نختار واحد من الجداول ولا كيف مافهمت؟؟


لان فيه جدول المجموعه الاولى والثانيه .........الخ


وهل نختار مهم المواد اللي ندرسها وبالنسبه للي قالو ان لازم تكون الساعات 18 ساعه كيف يعني؟؟


واذا بأكد التسجيل كيف أأكده ؟؟؟

والله اني محتاسه ماعندي لاجدول ولا ورقة تسجيل للبنر تكفون اللي عندها فكره تساعدني تكفون

[ma t32dwny]

انا زيك بعد الله يجزاكم خير ردوا علينا

دلع الروح الظاهر مافيه الا بكرا نروح الكليه ونتفاهم معاهم مع اني متاكده ان ماعندهم سالفه ومحد بيقول لنا شي ليش احنا دايم فيران التجارب حقهم وربي شي يقهر

[دلع_الروح]

والله صآدقه من ناحية فيران تجارب احنا فيران تجارب من ايام الثانوي


وبعدين الا متى واحنا ماندري وش نسوي يعني على الاقل اجتمعو فينا حالنا حال كلية العلوم


وربي ظلم هم علموهم كل شي ووزعو جداولهم وعرضو لهم بروجكتر طريقة التسجيل بالبنر واحنا لاحياة لمن تنادي


مانقول الا حسبي الله ونعم الوكيل <<مقهوره بقوه :103:

[Hearshey]

اااااااااااااااااااه يعني مو كافي اننا مستجدات ماندري وين ربي قاطنا عشان يماطلون بالجداول
انا قسم تاريخ وكرررررررررهت التاريخ والقسم كله من تسحيبهم

بغيب بكره واروح الثلاثاء واكيد بيقولون افصلو مافي دوام هههههههههههه

[أمل..]

انا قسم العربي
وعندي الجدول ..
بس مااااااني عارفة نظام البانر ولا كيف ااكد الجدول
تكفووووون ابي حل ..
نفسي اسحب عليهم

[ma t32dwny]

امل كيف عطوكم الجدول انا عربي وماعطونا جدول بس ورقه فيها طريقه تسجيل البانر والورقه من 1429 قسم بالله مسخره

[هتلره]

انا بعد قسم عربي وعطونا الجدول اليوم و طريقه التسجيل وخطوات هامه
يعني كل طالبه لازم يكون عندها 3 اوراق

[دلع_الروح]

وربي أنوآآآآآآآآآآآع التعذيب


يعتي الى متى واحنا ننتظر :mh19:


بنات انتو مداومين بكره ولا ؟؟

[حلم طفلهـ]

مآندري من نصدق ...
إداره الكليه .. ولا موقع الجامعه ضعنا يااابنات
يقووولوون
سجلو ولازم تجيبون ورقه التأكيد الأسبوع هذا وأخر فرصه يوم الأربعاء
وندخل النظام ويقووول لنا
سيبدأ التسجيل 17 \10

والمشكله الأدهى والأمر نرووح للكليه ونقول لهم يردون لا التسجيل بدأ من يوم السبت المغرب
بس حاولو ( هذا من الظغط ) اي ظفط في كل الأوقات

وش السواه ؟؟

[طالبه العلم]

دلع اذا انتي بقسم التااريخ يعني نفس الحاله

يوميين نرووح ولا فيه فاايده بس انا سالت المسؤؤله بالقسم وقالوا بكره بيعطونا الجدااول << هييين



وكل الاقساام تقريبا الي معنا عطووهم مافيه الا التاااااريخ وربي حراام هامليناا بالمررره مايصير كذاا


التسجيل بالبانر يبتدي الاربعاااااء صح بناات ولا انا غلطاانه