في اسوا الاحوال ؟!

[متأمله بالله]

السلام ..
ادري اخبارنا كلنا مايعلم فيها الا الله وكل واحد فينا حاله اعظم من الثاني
واحد اتصلوا عليه وقالوا في دعم وواحد اتصلوا عليه وقالوا مافيه ولازم تدفع وواحد اتصلوا عليه وقالوا في اقتطاع من الراتب وواحد اتصلوا عليه وقالوا رفعنا الاسماء وواحد اتصلوا عليه وقالوا لسى مارفعناها !!!!!!!!!
التناقض كبير وكل ماجا له ويزيد طبعا ادري اختلاف الكلام مو منكم ولا هو كدب من الاعضاء كل هالتناقض نابع من اداره المعهد كل واحد فيهم يرد يعطينا كلمه تختلف عن الثانيه ولو تجرب تدق عليه مرتين ورى بعض ردوا برد مختلف ((سبحااااااااان الله ))
المهم بعد المقدمه الطويلة العريضه بإختصار
في (( اسوأ الاحوال ))
لو الموارد مادعمتنا والي ردوا عليهم وقالوا مافي دعم لو ظليتوا وماشفتوا حل !!
لابد نبحث عن حل اخر ادا فقدنا الامل بالمانع وحاولنا مع الموارد حياتنا ماتنتهي لازم نشوف مكان اخر
فكل واحد يعرف معهد صحي الدراسه فيه مجانيه تدعمها الموارد << ماخلصنا وماتبنا
او دراسه فيها فلوس بس مبالغها بسيطه يكتب عن المعهد ويكتب لنا شنو شروط القبول ووو
لاني سمعت انه كلية سعد فيها دعم وتدرس بدون دفع
فياليت اي شخص معه خبره باماكن للدراسه الصحيه بهالاسلوب يكتب لنا عنها
ويااااااارب مانحتاج لها وتنحل مشاكلنا مع المعهد

[وردهـ ذبلانهـ]

هلا

اخبارك اختي متامله والحمدالله على سلامتك وسلامت النونو

انا صحيح اني انسحبت من المعهد لاكن قلبي معاكم

باالنسبه لسؤالك انا بااجوب عليك

في كلية جديده تم افتتاحها في الدمام اسمها كلية الغد

عندهم تخصصات مضمونه وموثقه من الهيئه الصحية ووزارة التعليم العالي

وعندهم تسجيل في تخصص طب الاسنان ويبون عدد من الطالبات عشان يفتحون التخصص

وعشان يقدمون على طلب من الموارد لدعم هاالتخصص بس لما يجيهم العدد الي يبونه

والتسجيل الين الحين مفتوح والمقر في الدمام خلف الشاطئ مول

بس لاحظي انا ماقلت لك مدعوم 100% قلت يبون طالبات عشان يطالبون لهم باالدعم

وباالتوفيق لكم وقلبي معاكم

ودعواتكم لي

[متأمله بالله]

اهلين حبيبتي انا والنونو بخير ولله الحمد
........... وكلنا قلبنا معك اتأكدي ماراح ننساك ابداً
امممم طيب عزيزتي الحين هالكليه مافيها الا طب !!
يعني مافي دبلومات او بكالوريسات لتمريض او صيدله اوو ؟؟

[♥╠ טּـقآء !]

ايووه صحيح ؟!
بس عاد لايسووا زي المانع ويقولوا ادرسوا وبعدين بنشوف اندعمتوا أو لا !

فيها علوم صحيه ؟؟

وبالتوفيق جميعاً

[وردهـ ذبلانهـ]

هلا متامله

لاتخافين مايخلونك تدرسين قبل الدعم في وحده من اهلي قدمت عندهم وللحين مااتصلو عليها قالو اول مايجيهم خبر من الموارد بيتصلون ويبلغونها باالنسبه للتخصصات عن الدبلوم فهم لهم معهد اسمه الاكاديميه للعلوم الصحيه وعندهم دبلومات صيدله وتمريض و مساعده طبيب اسنان وتخصصات كثيره <<حاليا عندهم دعم موارد على تخصصين التمريض ومساعده طبيب اسنان ولاكن هاالترم اكتفو وخلصو تسجيل عليهم يمديكم الترم الثاني واما فرع الكليه عندهم اسمه كلية الغد وهذا الرابط

http://alghadcol.com/

وعندهم بكلوريوس صيدله وتمريض ومختبرا وطب طوارئ وطب اسنان و سجلات طبيه على مااعتقد
وهذا رابط تاكدو بنفسكم انه موثق

http://www.mohe.gov.sa/ar/studyinsid...s/listphe.aspx


الاخت نقاء ماافيه على مااعتقد علوم طبيه بس بااتكد واعطيك خبر

وهذا رابط الي فيه تخصصات الدبلوم في الاكاديميه

http://www.medacademy.info/parameg.html

والله يوفقكم دعواتكم لي

[ام حور]

طيب عمري ممكن تعطينا رقم لكلية الغد

[وردهـ ذبلانهـ]

على فكره

لاحد يقول اني مدح لكم الاكاديميه وبعدين صار ماصار تقولون كلى مني

بس ابصراحه انا شفت اغلب طالبات المانع راحو هناك

بالتوفيق لكم

[♥╠ טּـقآء !]

شكراً غناتي حساويه
فيها علوم طبيه تطبيقيه ! زين خ1
طيب بسأل .. الحين اللي شهادتهم من 3 سنوات مايقبلوهم الموارد ولا ويش القصه ؟؟

[وردهـ ذبلانهـ]

سالف دعم الموارد

وعدد السنوات ماقدر اعطيك خبر اكيد

بس على ماعرفت ان برنامج ماهر مايقبل اكثر من ثلاث سنوات حدهم ثلاث سنوات فقط

ولازم اذا تبين دبلوم اختبار برومترك مطلوب

انشالله افدتك

دعوااتك

[جيـــفآآرآ]

فيه قسم طلاب ولا بس طالباات يااصبايا ؟