محتاااره بإيش تنصحوني؟!!

[NoOoN_91]

أنا عضوة جدييدة وسجلت هنا عشان استفييد منكم ومن خبراتكم

سجلت في جامعة الأمير محمد واختبرت واخترت تخصص هندسة حاسب

وكان اختباري السبت اللي راح صح اني ماشفت نتيجتي قبلوني ولا لا بس

يعني من ناحية القبول ماشيل هم لأن المهم عندهم الماده يعني قبلوني أكيد

المهم أنا محتااارة مرره لأني حااابة بقووة تخصص هندسة حاسب بس أبوي يقول لي لا

صعب مرره وعمييق ويبي له مخ روحي إدارة أعمال أسهل وأحسن من ناحية الوظايف

والبعثات وأنا ماعرف عن تخصص هندسة الحاسب كثيير ولا عن فرص الوظائف له

خصوصا هنا بالسعودية للبنات

أبوي مرره مو عااجبه أني ادرس هالتخصص يبيني إدارة أعماال

فيالييييت تفيدوني بالنسبة للتخصصين هندسة الحاسب وإدارة الأعمال من ناحية الدراسة

وبعدين في المستقبل فرص الوظائف المتاحة وفرصة إكمال المامجستير؟؟وبإيش تنصحوني أيهم أحسن

ورح أكون شاااكرة لكم وبالتوفييق للجميع ان شاء الله

[FoxDie]

أهلين اختي NoOoN_91، حياك معانا في المنتدى المتواضع، إن شاء الله تفيدين وتستفيدين

بالنسبة للإستفساراتك، قبل ماأجاوبك، اتمنى تقرأين هذا الموضوع وبعدها اكتبي اللي في بالك
http://www.ckfu.org/vb/showthread.php?t=44336

أخيرا، بالنسبة لتخصص إدارة أعماال، فهو بالتأكيد تخصص ناجح بإذن الله
وغير كذا الجامعة تقدم شهادة الماجستير في هذا التخصص فقط
يعني في مجال كبير انك تكملين لو اخترتي هذا التخصص

ماأقول الله يوفقك وكل عام وأنتي بخير

[NoOoN_91]

المشاركة الأصلية كتبت بواسطة foxdie

أهلين اختي nooon_91، حياك معانا في المنتدى المتواضع، إن شاء الله تفيدين وتستفيدين

بالنسبة للإستفساراتك، قبل ماأجاوبك، اتمنى تقرأين هذا الموضوع وبعدها اكتبي اللي في بالك
http://www.ckfu.org/vb/showthread.php?t=44336

أخيرا، بالنسبة لتخصص إدارة أعماال، فهو بالتأكيد تخصص ناجح بإذن الله
وغير كذا الجامعة تقدم شهادة الماجستير في هذا التخصص فقط
يعني في مجال كبير انك تكملين لو اخترتي هذا التخصص

ماأقول الله يوفقك وكل عام وأنتي بخير

أنا فعلا قريت الموضوع وعن جد شي يحبط الصراحة كنت مررره متحمسة لهالتخصص

وحابة ادرسه كنوع من الفضول وحب تعلم شي جديد بس الصراحة بالنسبة لبعدين المستقبل

أبدا ما يحمس خصوصا عندنا بالسعودية لان مافي فرص متاحة للبنات كثر الأولاد بهالمجال

وخلاص شكلي بغير وباخذ بشور ابوي وهداية الله

ومشكووور اخوي هالإفادة ماقصرت وبالتوفيق ان شاء لك وللجميع

تحياتي..

[FoxDie]

الله يوفقك ويكتب لك مافيه الخير
اهم شيء لاتنسين انك تستخيرين إلى الله، وبالله التوفيق

للمعلومية، تخصص هندسة الحاسب غير مطلوبة بشكل كبير حتى للشباب
ولكن اذا كان بالامكان اعتبارها كعلوم حاسب بحكم تقارب الكورسات، بيكون الوضع افضل
ولكن لااعتقد انهم ينظرون لها من هل المنطق