:: عام :: شاركونا طريقتكم وكيفيه المذاكره لكل مادة ...

[F-fatimah]

السلام عليكم ورحمه الله وبركاته




حبيت اطرح هذا الموضوع بمناسبه بقاء 7 اسابيع على الاختبارات النهائيه والشعب تقريباُ لسه شبه محبط والظروف غلبتنا وماعندنا حماس المستوى الاول وحالي من حالكم لذلك قلت احرك نفسي شووي وابحث لي عن مواضيع اقرأها واتشجع وامسك المواد صح واذااكر



و بالنسبه للناس المحبطه ومالها نفس تذاكر مثلي ايش رايكم نترك الكتب على جنب


ونردد في انفسنا " انا دخلت اتعلم وكملت مستوى كامل وابكمل الثاني والثالث واللي بعده ان شاء الله واتخرج بمعدل عالي مثل الحلاوه "



اسأل نفسك " هل انا قدها او مو قدها ؟ طبعاً انا قدها من قال مااقدر غلطاان الحمد لله بكامل وعيي الذهني واقدر اجيبها اللي جابو معدلات عاليه مو احسن مني اقدر اكونا حسن منهم بذاكر وبفهم كل كلمه بموادي كلهم وراح انجح بإذن الله "



شجع نفسك " عندي طمووح وحلم وهدف لازم احققهم ماحد راح يقدر يحققهم لي غير نفسي لابد اضغط نفسي واتعب الآن وبكره ارتااح لمن اشووف نتائج تعبي قدام عيني وامسك شهادتي بيدي واناظر بعيون اللي حولي فرحتهم بنجاحي امي واخواني واهلي "







طيب تحس انو دب الحماس فيك ودك تنطلق سم بسم الله وامسك كل كتبك وملخصاتك وكمل معي الى الآخر










خذ المواد وحدد كم مادة عندك كم يوم باقي على الاختبارات كم محاضره كم مناقشه تحلها قسم كل مادة الى عدة اقسام عشان توزع مذاكرتك بشكل اسهل حدد جزئيه تنهيها في كل يوم واجبر نفسك على انهائها وختمها لابد تتحدى نفسك وتشجع نفسك بنفسك
في شغله مهمة اسويها من اياام الثانوي وهي :

كتابه العبارِاتَ الايجابيِه فيَ الصفحاتَ , أو وانا اذاكَرِ مثلاً أوٌ كل صفحَه أمرِ عليها اكتبَ ذكرِ او تسبيح
يحفزِكَ ويهيئكَ نفسياً لَ المذاكرِه

لاتخلي وقتك كله مذاكره في مذاكره خذ لك بريك واذا كان في شئ دائماَ يشغلك وصي احد من اللي حولك يمنعك منه لان احياناً مانقدر نمنع انفسنا لاتتابع المحاضرات بشكل متواصل يعني لو كانت المحاضره مدتها نصف ساعه بس تخلصها قوومن من الجهاز واترك كل شئ وخذ لك لفه على البيت او اركض او نطط واعمل لك كم حركه تمرين تجدد فيها نشااطك او تشرب شئ او تسوولف مع احد في بيتكم لكن لاتخلي البريك طوويل لان اذا كان طويل ماراح تقدر ترجع للمحاضره اللي بعدها بحمااس وممكن تسحب عليها لذلك البريك يكون مابين 5 الى 10 دقائق واذا كانت المحاضره ساع هاو ساعه ونصف مثل المحاسبه 2 لاتتابعها برضو بشكل متواصل خذ لك 5 دقائق لاا اكثر ولا اقل وقف المحاضره وتحرك شووي وبعدها كمل وكل نصف ساعه كذا يعني اكثر من نصف ساعه لاتجلسون حتى لو كانت مدتها 45 دقيقه الا اذا كنت من النوع اللي مايحس بملل براحتك










حاول تختم كل المواد قبل الاختبارات بإسبوع على الاقل من مذاكره ومتابعه واذا مافهمت شئ لاتوقف عنده اترك عنده علامه بارزه انك مافهمتها وخذ لك ورقه ملاحظات ولصقها على نفس مكان الفقره واكتب السؤال اللي جاء في بالك وفي نهايه اليوم او الاسبوع ادخل هنا وشووف القروب الخاص بالمادة واطرح سؤالك وان شاء الله تحصل الجواب ولاتتبع طريقه واحدة بكل المواد لان كل مادة تختلف عن الثانيه يعني مادة الحفظ اكيد طريقتها تختلف عن الفهم










بعد ماتنتهي من مادة وتختمها حاول تحل اسئله السنوات الماضيه اللي ماتعرفه لاتخليه يحبطك وتظن انك مافهمت المادة او انو تعبك كله راح بلاش وتتعب نفسيتك لاء ... حل اللي تعرفه واللي ماتعرفه ابحث عن اجابته فيما بعد واحيانا اللي تبحث عن اجابته لانك ماعرفت حله هو اللي يرسخ بذهنك اكثر من اللي تعرفه










بعد ماتخلص المواد وتختمها خذ لك بريك يوم او يومين بريك بعيد عن اجواء الدراسه سووي كل شئ ودك تسوويه خذ لك اجاازه حتى لو كان قريب الاختبارات ولا تتوتر اهم شئ تهدئ اعصاابك وترووق وكذلك يوم الاختبار واذا مسكت الورقه لاتتوتر ابداً كل شئ ذاكرته وكل شئ حفظته راح تسترجعه ان شاء الله وربك مايضيع تعب عبااده











اخيراً وليس آخراً الدعوات ثم الدعوات ثم الدعوات ورضا الوالدين والايمان بنفسك وبقدراتك وامكانياتك ولابد تحط في بالك انك تقدر تجيب معدل عالي والسياسه الجديده لاتوسوسون فيها الــ 50 سؤال قادرين عليها بإذن الله لو يحطون لنا 20 سؤال برضو قادرين نتحداهم ونحلهم ونجيب نسبه حلووه ونفرح فيها


أنتَ تحتاج إلى هذه الأمور بكل اختصار :

1 : اكتشاف مكمن الخلل لديكـ في مقرراتك الدراسية و تكثيف تركيزك عليهـا .
2 : الثقة بالنفس و الابتعاد عن العبارات و الوساوس السلبية و التوكل على الله عز و جل و تحفيز النفس لتجاوز هذا الأمر .
3 : تذكّر حلاوة النجاح و التميّز خير معين على مواصلة المجهود بنفس المستوى و الحماس
4 : الجد و الاجتهاد و عدم التراخي و الاتكالية .
5 : الدعاء ثم الدعاء ثم الدعاء و خاصة دعاء الوالدين .


- الضربة اللتي لا تقتلكـ تزيدكـ قوّة .. حتى و لو أخفقت .. لا تدع هذا الاخفاق يحرمك من مواصلة السير نحو هدفك المنشود
أنتَ أخفقت ليس لأنك سيء .. لكن لأن الاخفاق هو سر النجاح لكل شخص ..
فالإنسان السلبي يظن أن الاخفاق هو نهاية المطاف ..
و الانسان الايجابي يوقن بأن الإخفاق هو الخطوة الأولى في درب النجاح











كلمة اخيره


اطلبو التوفيق من الله عز وجل ولاتستلمون لأي ظرف يواجهكم هناك امور كثيره بالحياة حصلت وتحصل وستحصل ان سلمنا انفسنا لها لن نتحرك انمله في حياتنا اكملو مشواركم وحققو احلامكم وحددوا هدافكم وانجزوها وحققو طموحاتكم فليس هناك شئ بعيد عن الله ماعليك الا ان تسعى لنفسك وسيسعى الله معك فالله سبحانه امرنا بالسعي






....







تدرون بعد ماكتبت الموضوع حسيت كذا بحمااس وودي اسحب عليكم سحبه محترمه واذااكر
المهم ابقاكم تشاركونا طريقتكم بالمذاكره لكل مادة كيف تذاكرونها وان شاء الله اشاركم طريقتي منها نستفيد من بعض ونفيد البقيه المحتارين كيف يذاكرون المواد وايش هي طقوسكم للمذاكره ايام الاختبارات النهائيه






ولاتنسون ترجعون للمواضيع هاذي بين فتره وفتره وان شاء الله تتحمسون لو شفتو غيركم وش انجز



http://www.ckfu.org/vb/t434158.html

http://www.ckfu.org/vb/t437350.html



.....

[* آمل *]

م1 لي عوده بس اهم شي احجز مقعد

[tulip..❥]

م 2

^^

[مسافر بلا عنوان]

شكرا بحجم الكون يا حبوبه



لي باااااك ان شاء الله

[nado0o]

لـــــــــــي عودهـ باذن اللهـ..

[tulip..❥]

الشكر لله ثم لك على طرح مثل هالموضوع لان بصراحه حماس الترم الاول كان غير جدا

لكن بموضوعك والعبارات الحلوه فيه اعطت دافعيه كبيره ، ماخبي عليك كان حماسي بالترم الاول اكبر لكن لازم نرفع معنوياتنا رغم اي ظرف يجينا وكلنا نتعب وننشغل وبتفاوت ..




بالاول والاخير مادخلنا واخترنا ندرس الا لان بداخلنا طموح واحلام لازم نتعب ونجتهد باقصى جهد لنا والله حيوفق الجميع


وبالنسبه لفين وصلت انا ماذاكرت للحين مجرد متابعه للمحاضرات واحل المناقشات وبمجرد ماتوصل المحاضره السابعه بخصص وقت لكل ماده وابدا بمشيئه الله ..




اسئل الله لي ولكم توفيقاً في ماتبقى من هاذا الترم وان يكتب لنا التيسير والنجاح ..

[شخصية مجهولة]

1000 شكرآ .. الله يعافيك


وفقك الله

[هولمز]

ههههههههههههههه

والله برافو عليك يافاطمة الحقيقة هذا من المواضيع إلي ما يجي غير منك ..

ربي يحفظك ويحميك ..

بكون الأول وأقولك ,, شغلي المحاضرة وقصري على صوت التلفاز وخلي الملخص بين يديك

وكل نقطة مهمة يشير لها الدكتور حطي تحتها خط وحاولي تكتبيها عشان تثبت المعلومة ..

والتنوع مهم ياأخوان يعني إذا حصل تشوف ثلاث محاضرات من كل مادة مختلفة في اليوم راح يبان مدى

تأثر الدرس عليكم وتطلع بأستنتاجات حلوه ,, وهذا هو المهم في الدراسة الجامعة .. أنك تكون

فكرة أيجابية وموضوعية عن المادة وتبلورها على حسب إدراكك ..

تقريباً هذي طريقتي في المذاكرة .. ومعاك كل الحق المهم مو كيف المهم لماذا ( الدافع ) .

أخوي أختي ..

لماذا أنا أذكر بقولكم .. عشان أكون أفضل .. عشان أكون أاحسن ...

ولما تكون الشهادة في يدي راح أقول .. ما فيه شيء في الدنيا ما أقدر أسويه أو أحققه ..

بالتوفيق وعذرا ع الأطالة

[Veronica]

تصدقين عاد توني ابدا اليوم الساعه 9 محاضره العقيده كنت ببدا الصحه بس ما لقيت ملخص غير موزه وشكل مردي له وبطبعه

طريقتي في المذآكره كا التالي
اشوف جدول الاختبارت وابدا من اخر ماده واقعد اشوف المحاضره الاول وكتب الاسيله مع الدكتور اخلصها
اقعد اذكرها و واحفظ المحاضره وبعدها الي المحاضره الثانيه وهكذا
بعدها اروح للماده الي فوق الاخيره
المهم اني ابدا من اخر يوم اختبار الي ان اوصل الي اول يوم
بس الي يقهرني حزتها تطلع الافلام و ويزين التويتر كل ذولي اعجز ابعد عنها
بس اكافى نفسي اذكر مده واقول اليل بشوف فلم او اقعد واروق على القهوه
والسوالف مع اححد

بس يوم بديت اليوم الساعه 9 جد حسيت اني ما درست المستوى الاول ولا ذكرت
يعني النسيان معي كاني بديت من الصفر

بس هذآ مب معنه اني محبطه وكذآ لا شي طبيعي ببدا اعود نفسي زي الترم الاول وابدا

الزبده اني خفت بديه الموضع او بحراء توتر يوم قلتي يبقى 7 اسابيع
بس هذا هو الحافز علشآن اشد الهمه تبين الجد شكراً فطوم الموضوع بجد
حفزني بجد شكراً لكي
هذي مذآكرتي وهذي هي حياتي << هههههههههههه الجزاء الاخير ماله دخل بس من الحماس حسيت كتبت معروض


باقي الاعضاء خلونا نشوف طريقه مذآكرتكم زي ما اذكرت فطووم جد نتحمس
ووش الي يلهيكم اكثر شي

ويعطيك الف عافيه على المووضع فطووم

[حنووو الشهري]

تسلمـ يمينكـ،،يالغلا،،
لــــــــــــي باكـ،،بإذن اللــــــه،،