 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
|
#1
2013- 2- 26
|
||||
|
||||
قصة بسيطة ... يليها __أستنتاج__ .. التفاصيل فـ الداخل ...
الحمد لله رب العالمين والصلاة والسلام على أشرف الأنبياء والمرسلين ..نبينا محمد صل الله علية وسلم .
إما بعد .. السلام عليكم ورحمة الله وبركاتة .. أسعد الله أوقاتكم في كل خير  عندي عدة نقاط وأبي أشوف وجهة نظر الجميع فيها .. نبدأ الموضوع في قصة بسيطة .. عشان تتضح لكم الصورة أكثر ويكون الأطلاع أكثر .. القصة بيني وبين الوالد ..حغظة الله.. تقريبا يوم الجمعة الماضية بعد صلاة الجمعة كانت فية عزيمة وطلب مني الوالد أروح معاه المهم وأحنا فـ الطريق انا والوالد فقط .. سواليف وكذا طرح على سالفة وكأنة يغمز لي يعني أنت شاب ومابعد تزوجت وأنتبه لنفسك  المهم .. قال زمان أول كنت أحب بنت من الجيران وكانت عندنا مزارع ومزرعتهم جنب مزرعتنا وأغلب الوقت يقول أكون في المزرعه مع جدي يقول البنت واهله دائم يطلعون للمزرعه حقتهم قريبه من مزرعه جدي.. المهم <<يختصر لكم السالفة عشان م يطول الموضوع ويجيكم ملل  يقول أحيان فالمزرعه العصر اكون قريب لسور حقهم وأصارخ لها تعالي نلعب وكذا والبنت يقول كان عمرها 16 سنة وابوي تقريبا في عمرها تقريبا . يقول زمان عادي نجلس مع بعض مافية مشكلة يقول تجي قريب عندي وسوالف معاها . قال ابي أخطبك  قالت أنا لولد عمي ماقدر أتزوجك .. يقول البنت تحبني وانا متيم معاها. ((قال لي الله يسامحني على كم لمسة سويتها في النبت )) قسم يانا فقعت ضحك لمى خلصت قلت كيف يعني قال مو مثلكم ياشباب الوقت هذا يقول والله لو ماطلبت مني ماللمسها لأن يقول وقتها عندنا مصيبة لو أسوي لها شي وهي بنت الجيران يقول أخاف أبوي يذبحني المهم ... أكتشفت أن أبوي بايعها أيام العزوبية قال أبي أقولك سالفة عشقي للأمك قلت تكفى يابوي وجهي صار معجون طماطمقال ياوليدي انا اسولف لك وسواليف هذي لعلها تنبهك ولا تزيدك تهور قلت أبد يابوي .. أنا الغزل . مانيب صاحبة أبشرك . قال والله اني مدري عنك .. الجوال مشغول احيان وانا اكلمك .. قلت قسسم أنها خدمة أكسترا عشان شسمة فالعمل أكون مشغول مب لم الجوال .. قال .. الي معجبني أن ريحت سيارك عطر ونظيفة مافيها ريحة الخبيث<يقصد الدخان.. قلت أبشرك أكرهه ولا أطيقة .....قال تبي سالفت أمكـ ولا في الجزء القادم .. المهم عطاني السالفة قسسم يانا ضحكت لمى خلصت .. وأكلم أمي عالطول وأنواع الضحكـ ... أقولها لكم لاحقا الوقت ضيق الأن ..... الساعه 1 ولا بعد نمت والدوام الساعه 5 المستنتج من الموضوع أعلاهـ ... 1)الفرق بين الغزل الحاضر .. والعزل الماضي .. 2)وهل القلوب سواسية .. وهل العقول سواسية .. 3)أم هناكـ أختلاف كلي .. بين الحاظر والماضي في النقاط المذكورة أعلاهـ .. . 4)وأساليب النصح والترشيد ..للأبناء من قبل ولياء الأمور .. هل تكون في اللين .. أو العصبية والتخويف .. رأيكم محل أهتمامي .. ونواصلكم في الجزء القادم أن شاء الله حفظكم الله
|
|
2013- 2- 26
|
#2 |
|
متميزه بملتقى التعليم عن بعد - العام
|
رد: قصة بسيطة ... يليها __أستنتاج__ .. التفاصيل فـ الداخل ...
ههههههههههههههه
اجل أبوك عنده قصصصصه  اهم شي في موضوع انو وجهك صار معجون موفق  |
|
|
|
2013- 2- 26
|
#3 |
|
متميزة في علم الاجتماع مستوى 8
|
رد: قصة بسيطة ... يليها __أستنتاج__ .. التفاصيل فـ الداخل ...
عليكم السلام ورحمة الله وبركاته يسعد اوقاتك هههههههههههههههه الله يسعدك انت وابوك قسم اني ضحكت ضحك ذكرتني بسوالف ابوي وعمي الله يطول بعمارهم وابوي كانه متحسر يقول البنات يحبون عمي وابوي لا ههههههه  المهم بجاوك ع هالسؤالين  )أم هناكـ أختلاف كلي .. بين الحاظر والماضي في النقاط المذكورة أعلاهـ .. يب فية اختلاف وكبير بعد . 4)وأساليب النصح والترشيد ..للأبناء من قبل ولياء الأمور .. هل تكون في اللين .. أو العصبية والتخويف .. اللين ويبيلها شدة شوي يعطيك العافية ع الموضوع
|
|
التعديل الأخير تم بواسطة wintr song ; 2013- 2- 26 الساعة 01:26 AM |
|
|
|
|
2013- 2- 26
|
#4 |
|
أكـاديـمـي مـشـارك
|
رد: قصة بسيطة ... يليها __أستنتاج__ .. التفاصيل فـ الداخل ...
<< انا ابقى سالفة ابوك مع امك
ربي يسعدهم  << وانت شنووو وجهة نظرك << بالاسئلة ؟؟ |
|
|
|
2013- 2- 26
|
#5 |
|
أكـاديـمـي ألـمـاسـي
|
رد: قصة بسيطة ... يليها __أستنتاج__ .. التفاصيل فـ الداخل ...
1)الفرق بين الغزل الحاضر .. والعزل الماضي ..
1)الفرق بين الغزل الحاضر .. والعزل الماضي .. اول اي تصرف بسيط ولا كلمه تعتبر جرئه منه وقمة الحب والبنت نفس الشيئ ولكن الحين لو ايش مايسوي ماتصدق البنت ولا البنت لو ايش ماتسوي مايصدق الا ويستغلها بعد والعكس صحيح الله يحفظكم ولكن الطيبين مازالوا موجودين 2)وهل القلوب سواسية .. وهل العقول سواسية .. 3)أم هناكـ أختلاف كلي .. بين الحاظر والماضي في النقاط المذكورة أعلاهـ .. القلوب سواسيه و العقول سواسيه مانقدر نقول اهل اول مايحبون وأولهم والدك الله يحفظه ولا نقدر نقول اهل اول اغبياء لا بالعكس ولكن الحين الاستهتار والتحايل كثير والعياذ بالله بس مثل ما قال ابوك اول عادي في طيبه وبراءه ماتظن السوء بكل تصرف عاد انا شفت ابو زوجي وزوجي وعادي ماتوقعت انهم خطاب لي ولا زوجي يدري بالسالفه بس ابوي وابوه يعرفوا واحنا خبر خيييير . 4)وأساليب النصح والترشيد ..للأبناء من قبل ولياء الأمور .. هل تكون في اللين .. أو العصبية والتخويف .. بالنسبه لي مابين الترعيب والترهيب والله محتاره واحترت ومابي اسأل يخوفوني اكثر ولكن اعطي نصايح شوي وشوي ثانيه ادخل جو بقصه الهيئه وايش صار فشيله على الولد والبنت واهاليهم يعني اخوفهم احس بين وقت وقت وربي يبعدهم عن الشر ولكن الحمدلله مازال ابنائي بطور الدراسه ومااحس في بالهم هالشغلات والله اعلم موضوع ممز تشكر عليه ولك هذه >>
|
|
|
|
2013- 2- 26
|
#6 |
|
أكـاديـمـي مـشـارك
|
رد: قصة بسيطة ... يليها __أستنتاج__ .. التفاصيل فـ الداخل ...
1)الفرق بين الغزل الحاضر .. والغزل الماضي ..
في فرق كبيييييييييييييييييييييييييييييييييييييييييييييييي ييير زمن أول الاهل يحجزون لعيالهم وهم صغار ومن دون تعصبات او خوف او رهبه وتشوف الولد مستانس انا باخذ بنت عمي أو أني باخذ من اقاربي أما زمنا الحين البنت والولد مايستحون أنواع الغزل سواء بجوال او او او ..... الخ أنا اقول من الكلام المنطق والقصص اللي اسمعها من أمي وابوي وخالتي واستنتجت منها أن زمن اول ياحلاته من زمن وليتنا نعيش زمنهم مو زمنا ما تسمع الان الناس وش يقولون مانبي بيوت الطين ودنا باخلاقهم <<< أي والله اخلاقهم نبيها 2)وهل القلوب سواسية .. وهل العقول سواسية .. 3)أم هناكـ أختلاف كلي .. بين الحاظر والماضي في النقاط المذكورة أعلاهـ .. طبعا القلوب والعقول سواسيه وهناك اختلاف كلي لا وبكل انواع الاختلافات الماضي تختلف بها العقول والقلوب الحاضر تختلف العقول والقلوب فرق كبير بين الحاضر والماضي فمهما تكلمنا فالماضي افضل الزمان . 4)وأساليب النصح والترشيد ..للأبناء من قبل ولياء الأمور .. هل تكون في اللين .. أو العصبية والتخويف .. عاد تخيل يجي ابوي بعصبية ويصارخ علي ويقولي ولد عمك جا خطبك وانا وافقت عليه لاتفشليني او تسببين لي مشاكل . قسماً بالله لو سواها أبوي فيني كذا والله ماخليت ليله ليل او نهاره نهار بس الحممدلله أبوي مو من هالنوع . فمعظم الاباء يكون اسلوبهم من هذي الناحيه باسلوب عصبي او تخويفي عشان يخلي الولد يشد من نفسه ويفكر بعقل هذا بواقعي اللي اعيشه الان. لكن ما انصح بهالاشياء راح يندم الاب بعدين على تعقيد ولده من كل النواحي اسلوب النصح والارشاد واللين مع الولد او البنت لابد يتخذ اسلوب اللين والنصح أنا ياما أهلي كلموني بمواضيع الزواج والله انهم منجنين مني ليه انا رافضه الزواج الى الان امي انا أعرفها قلبها طيب وحنون ومع ذلك ودها تستر علي وترتاح من شر اخواني أبوي يشترك معها باشياء انه وده يستر علي ويرتاح باله لكن! اذا كان الشخص مناسب لي ماعدا اخواني شرهم علي يكلموني باسلوب تخويف من المستقبل وكيفف بتقضين حياتك معها هو راتبه قليل ومو قادر يفتح بيت وووووو وأنواع التخويف كله لكن! مهما حصل فالاسلوب اللين واسلوب النصح افضل الاساليب بالنسبه لك شخصيه دامك عايش حياتك اسمع كلام ابوك وتزوج مهما كانت ظروفك فرح اهلك فيك وفرحنا حنا فيك تقبل وجهة نظري صدى الأحزان |
|
|
|
2013- 2- 26
|
#7 |
|
متميزه بملتقى التعليم عن بعد - العام
|
رد: قصة بسيطة ... يليها __أستنتاج__ .. التفاصيل فـ الداخل ...
ههههههههههههههههههههههه ي حليله أبوك والله فله ي ليت عندي احد كبير بالسن وعنده حركات
 ومشاكسات في القدم ويقوله لي الله يخليه لك طيب اللحين نجاوب ع أسئلتك  1)الفرق بين الغزل الحاضر .. والعزل الماضي .. الفرق ان اول كل شي واضح ومافي اجهزه وخرابيط وان كان في وسيلة تكون بالمكاتيب >>> الله ي زين زمن أول ليته يرجع  2)وهل القلوب سواسية .. وهل العقول سواسية .. القلوب ممكن تكون سواسيه لكن العقول  ماهي سواسيه مثل أول 3)أم هناكـ أختلاف كلي .. بين الحاظر والماضي في النقاط المذكورة أعلاهـ . طبعا اللحين بنظري للأسف انا ان الزمن هو اللي غير كل شي  . 4)وأساليب النصح والترشيد ..للأبناء من قبل ولياء الأمور .. هل تكون في اللين .. أو العصبية والتخويف .. باللين افضل مع ذرة تخويفه  والافضل ان الاباء يكونون أصدقاء لأبنائهم حتى مايكون هناك حاجز بينهم 
|
|
|
|
2013- 2- 26
|
#8 | |
|
أكـاديـمـي مـشـارك
|
رد: قصة بسيطة ... يليها __أستنتاج__ .. التفاصيل فـ الداخل ...
اقتباس:
|
|
|
|
|
2013- 2- 26
|
#9 |
|
أكـاديـمـي فـضـي
|
رد: قصة بسيطة ... يليها __أستنتاج__ .. التفاصيل فـ الداخل ...
لي عودة (
 بالدوام الحين )
|
|
|
|
2013- 2- 26
|
#10 |
|
متميزه بمسابقة الملتقى الرمضانية
|
رد: قصة بسيطة ... يليها __أستنتاج__ .. التفاصيل فـ الداخل ...
سلمت ع الطرح ولي عوده للإجابة
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قـــالـــوا فـــصــــدقــــوا . | ابن فـــهـــد | ملتقى المواضيع العامة | 6 | 2012- 1- 8 06:24 AM |
