استفسار للمشرفين والطلاب القدامى

[سمرانجد]

السلام عليكم اتمنى تساعدونا وتعطوننا الجواب الاخير والاكيد هل يحتسب تحميل المحاضرات من البلاك بورد او لالان زميلاتى حملو منه ومايدرون يعيدون التحميل او لا

[الحلم1]

نفس السؤال

[{%{محمد}%}]

الافتراضي افضل وأظمن والبلاك بورد بعض المحاضرات مضروبه يعني تحملينها ماتشتغل اما البلاك بورد للمحاضرات المباشرة الثلاثة الي كل شهر تنزل محاضرة تحملينها منه اما الواجب والمناقشات والمحاضرات المسجلة حلها وتحميلها من الافتراضي ....بالتوفيق

[JASMENN]

كل نظام مكمل للثاني انا بالنسبه لي احل الواجب والمناقشات بالافتراضي لانه اسهل بس لو مثلا شاهدتي المحاضررات بالبلاك بورد وحليتي الواجب بالافتراضي فراح تحسب لك الدرجه عادي

[حماااده]

الرد على السؤال فقط المكتوب ( باللون الاخضر ) وعلى جزئين

السلام عليكم ..
علشاني اشوف اسأله تتكرر بكثره.. واشوف الطلاب ضايعين .. قررت نحن حماده بعد الاطلاع على وضع الطلاب المستوى الاول .. أمرنا بما هو آت , ان يضاف هذا الرد لجميع الملتحقين الجدد ببرنامج التعليم عن بعد وان يحفظ ويسمع بعد 10 ايام من الان والي ما يحفظها تنقص 10 درجات في كل ماده

المطلوب من الطلاب للحصول على 30 درجه في الجامعه التالي :
1- تحميل او مشاهدت المحاضرات المسجله مسبقا وهي 14 محاضره وطبعا هذه المسجله ( قديمه ) ليست جديده (يعني لا يطرح سؤال ليش هي قديمه !!)

2- حل الوجبات وهي تكون ثلاثه او اثنين .. وتنزل في النظام في وقت معين .. وفي بدايه الدراسه اكيد لن تكون موجوده ( فلا يسأل متى تتطرح )

3- المشاركه في منتدى الحوار . . والجواب على سؤال النقاش وهذا السؤال "قديم ايضا للدفعات السابقه "
كل ما عليك هو الاجابه عليه في اي وقت انت تريده ( لا يوجد وقت معين )


4- مشاهده ( الاعلانات ) الموجوده في موقع بوابه التعليم عن بعد + متابعه خطه الجدول الزمني
لانه في الاعلانات سيتم طرح وقت للمحاضرات المباشره وعددها 3 لكل ماده .. هذه المحاضرات تستطيع مشاهدتها تسجيل.. او مشاهدتها ( لايف ) ( شيء يرجع للطالب )

ملاحظه : نظام البلاكبورد والافتراضي ( واحد حسب كلام الجامعه ) يعني تحمل من هنا او من هناك كله واحد
ملاحظه : كل النظامين قابله لاخطاء والتعليق ( السبب لانه نظام ) فاذا ما قدرت تتدخل حاول في وقت لاحق
ملاحظه : يرجى استخدم انترنت جيد لانك طالب في التعليم عن بعد ..

---------------------------------
كيف تذاكر المواد ( نظاميا بالجامعه ):
1- تشوف المحاضرات المسجله
2- تقرا الكتب والملزمات الي يقولها لك الدكتور اما عروض البوربوينت اصلا يشرحها الدكتور لك بالمحاضره فلذلك هي من ضمن المذاكره
--------------------------------------------

الي فوق ( نظاميا بالجامعه ) < ركز كلمه نظاميا يعني هذا الي يمشي عندهم

اما الان بتكلم عن مساعده الطلاب الي سبقونا والي هم يسهلون علينا المجهود
1- الدراسه عن طريق مشاهده المحاضره ( بضمير ) هذا شيء راجع لك انت اهم شيء تحملها علشان المشاركه ..

2- لازم تحل الواجبات الي تنزل لك + تشارك في منتدى الحوار لو بنسخ ولصق(فيه كلام في هالنقطه ) موجود الحلول كلها في موضوع مثبت ..

3-المذاكره تكون عن طريق ملزمات الطالب الكويس المبدع هتان الله يعطيه العافيه < قصه الملزمات هو طالب زينا مو فضائي ولكن همته عاليه ما شاء الله عليه وانسان يعطي مو ياخذ بس ... اخذ المحاضرات الي كانت في الشرائح وصغرها وحطها في ملف بي دي اف .. وصارت صغيره .. وبعض المواد اضاف عليها ..

4-مشاهده الموضوع المثبت من ام عمر الله يوفقها حق الاعلانات < لانها هي تجيب الاعلانات من حسابات التويتر الي بالجامعه ومن اخبار الجامعه وتحطها بموضوع واحد ( تسهل علينا )


5- الطلاب الي سبقونا ينصحون بالتحميل عن طريق الافتراضي فقط .. وينصحون ان يكون التحميل متاخر يعني مثلا الاسبوع الجاي .. علشان النظام دائما بعد بدايه كل ترم تكون فيه حوسه وصيانه .. فلذلك علشان ما تتعب ويضيع جهدك ابدي بخطه " كسب الدرجات " الاسبوع الجاي .. بس اذا بغيتي تشوفين المحاضرات علشان تتدرسينها فينصحونك من الحين علشان ما تنضغطي فقط
-------------------

الحين اي سؤال بذهنك بعد هذا الرد .. يكون علمه "اجتهادي "
وترا الرد هذا داخل معنا بالاختبار

ايه نسيت شيء اتوقع لازم تحددون مكان اختباراتكم < ولها وقت معين .. فارجو تحددون مكان اختباراتكم في خدمات الطلاب وتر اتوقع التحديد يكون مره وحده يعني مو تجلس تحطه بمدينه تستهبل ثم تحاول تغيره

[حلـ....ـم]

جاوبك اخوي الحناني يعطيه العافيه..البلاك بورد للمحاضرات المباشره لأنها ماتفتح على الافتراضي وباقي الشغل على الافتراضي أفضل وحتى لو حليتيها على البلاك بورد ماعندك باذن الله مشكله لأن النظامين مكمله لبعض بس الأفضل تنتظمي على واحدمنهاعلشان ماتتلخبطي.
بالتوفيق..

[ana ~♪]

اما يا اخ حمادة ننتظر للاسبوع الجاي عشان نحمل المحاضرات !!!!!!!!!!!!!!!


يا اخي الدراسه باديه والاخ الشعيبي بالتويتر يقول هو والفريدان بدء حساب الدرجات ((على كلام ناقليه بالمنتدى )) !!!!!!!!!!!!


شاللخبطه ... كل واحد يقول شي

[حماااده]

المشاركة الأصلية كتبت بواسطة ضي1990

اما يا اخ حمادة ننتظر للاسبوع الجاي عشان نحمل المحاضرات !!!!!!!!!!!!!!!


يا اخي الدراسه باديه والاخ الشعيبي بالتويتر يقول هو والفريدان بدء حساب الدرجات ((على كلام ناقليه بالمنتدى )) !!!!!!!!!!!!


شاللخبطه ... كل واحد يقول شي

انا قلت كلام القدامى .. هذي نصايح القدامى مو من عندي

بس ..صحيح قريت موضوع للفريدان يقول الدراجات بدت تحسب وهي تحسب اسبوعيا< عاد وش مفهومها
مدري .. -_-

طرحت اكثر من مره سؤال على القدام قالوا .. تحمل المحاضرات في اي وقت وتناقش في اي وقت .. والي يتضح لي شخصيا من بعض المحاضرات المتهديه
لاحظت ان بعض الدكاتره يقولون الواجبات لها وقت محدد .. :\ تنزل فيه وبعد فتره ما تستقبل ولا سمعت ان الدكاتره يقولون اسبوعيا لازم تحملون المحاضره يقولون براحتكم فكذا انا مع القدام

وبيني وبينك توجيهه السؤال المفروض يكون للي مصلح البرنامج مو للفريدان ولا الشعيبي .. ( ابحثوا عن الي مصلحه ) وانشبوا فيه


مثل فلسلفي في هالمشكله :
ممكن تكون عازمتك صديقتك .. وتعطيك حلا .. وتسألينها انتي هل الحلى من مقاديره طحينيه .. تقول لك بكل بساطه " لا " وانتي تاكلينه ثم تتفاجئين ان الحلى فيه طيحينه < طبعا انتي عندك مشكله مع الطحينيه -_- < بهالمثال انتي تورطتي

صوره ثانيه للمثال .. اذا عطيتك الحلا < انتي تنتظريها تجربه او تسألي الي مجربينه عندكم
( اذا سألتي اكثر من واحد غصب تشوفين الاختلاف ) فلذلك بعض الاجابات ايه وبعضها لا
بس كل ما كثر العدد بيكون القرار سهل عليك < هنا تقل الاحتماليه في الورطه

الصوره الثالثه : تنادين الخدامه وتسألينها فيه طحينيه ولا لا < اذا قالت لا " انتهى الموضوع "

طبعا صديقتك هي الفريدان < اتواقع انه عميد التعليم عن بعد ..
و صديقاتك المجربين < القدامى

>الصوره الثالثه صعبه علينا ..
فنتمسك بالصوره الثانيه وبعد ترم بنفهم كل شيء

بس تقدرين تلعبين على المضمون .. انك تحملين المحاضرات علشان يرتاح ضميرك ..
والاسبوع الجاي تسوين لها اعاده اذا طلع منتدى الحوار في الافتراضي

[حماااده]

ضي
هذا دليل على ان تسجيل الدرجات مفتوح حتى 1- 5 -2013

أخر موعد لرصد وتسجيل الأعمال الفصلية ولن يتم احتساب أي مشاركات أو واجبات يتم تسجيلها بعد هذا التاريخ(وستبقى الأنظمة الإلكترونية مفتوحة لغايات الدراسة فقط)

2013/5/1

1434/6/21

الأربعاء

http://www.kfu.edu.sa/ar/Deans/e-lea.../calender.aspx

فكذا ( عن نفسي ) بسمع نصايح القدامى < هذا اذا ما انسحبت من البرنامج اصلا

[محمد الشمريـ]

بيحسب انشاء الله