قـــــهـــــر ،،، وينك يا بـــــحـــــر

[فارس الرومانسيه]

مرحبا

يسعد الله أوقاتكم جميعاً

شسالفه ياجامعة الملك فيصل؟؟؟

شسالفه ياأحمد الشعيبي ؟؟؟

شسالفه ياطلاب وطالبات (( مستوى أول )) ؟؟؟


يوم ورا يوم >>> ونحن نصبر

يوم ورا يوم >>> ونحن متمسكين بالصبر

يوم ورا يوم >>> ونحن تعلقنا بعمق الصبر

يوم ورا يوم >>> والبعض يفقد حماسه

يوم ورا يوم >>> وننتظر نهاية الصبر


دخلنا في أسبوع بداية الدراسه،،،وحتى الان مابعد نبتدي بالدراسه

كنت مخطط اليوم أشتري طابعه ،،، ولكن قررت عدم شرائها ،،، والسبب؟؟؟

هـــــــذا الرابط:

http://www.ckfu.org/vb/t425821.html


وهــــــنا عجبتني أحدى ردود الأخوات الرائعات:

(( malak.k.f ))

المشاركة الأصلية كتبت بواسطة malak.k.f

ما فتح معي ماني عارفه ليش
شكلهم يعلمونا مقرر الصبر ههههه

(( ~ Confidence ))

المشاركة الأصلية كتبت بواسطة ~ Confidence

خلاص .. الواحد من البداية لازم .. إبرة تطعيم .. صبر و روقان مركز مع هالجامعة ..
ما عندها وضوح بالآلياتها .. و لا قد تقيدت بموعد .. على الرغم انها هي حاطه هالتقويم ،
تعودوا يا اخوان ..
انا هيئت نفسي لتخبطات الجامعة .. و حاطة شعار ،

( الروقان حتى ..... آخر امتحان )

1- مقرر الصبر
2- الروقان حتى ..... آخر امتحان

وأضيف عليهم رقم (( 3 )):

3- قهر وينك يابحر


لانه الشخص لما ينقهر أو يتضايق أو تكون نفسية تعبانه

يحتاج يبحث عن البحر

لانه صوت الأمواج تريح الأعصاب


أنا حتى الان ماأشتريت طابعه وماراح أطبع شي

الا لما أشوف وين مع هالجامعه

لانه كل شي جايز في هالجامعه

ممكن تتغير (( الأساتذه والدكاتره ))

مانستبعدها

متى نصير مثل الجامعات الأجنبيه

إذا قالوا بداية الدراسه بتاريخ (( 1-2-2013 ))

يعني لا محال راح تكون بداية الدراسه بنفس التاريخ وعدم التأجيل

الا في حالات ضروريه وظروف طارئه

وطبعاً هذا مثال واقعي

لانه جميع الجامعات في السعوديه نفس الشي

تخالف الوعد المطروح سواء في موقعهم

أو أخبار عبر الفيس بوك (( الله لايحرمنا من جبن بوك ))

أو تويتر (( يالبى الوتر ،،، خصوصاً وتر لــ حساس ))


المفروض أنت ياأحمد على هالشهادات الكبيره تحس فينا

وتخبرنا عن كل شي جديد

عن نفسي دخلت في هذا الرابط:

(( أنظمة الخدمات الطلابية الالكترونية ))

http://del.kfu.edu.sa/entisab_app/index.asp

وحددت مركز الاختبارات النهائيه بعد معاناة وصبر من إقفال الموقع

إلى أن شبعنا من كلمة (( طالب مستجد ))

ويوم فرحنا بفتح الموقع وحددنا مراكز الاختبارات النهائيه

يجي هذا الرابط ويقولي (( يافارس ،، يافرحه ماتمت )):

http://www.ckfu.org/vb/t425821.html


(( يرحم خدودك ياأستاذ ليش ماتخبرنا عن كل شي جديد وتفهمنا ؟؟؟ ))

هل تنتظر أحد فينا يدخل حساب (( التويتر والفيس بوك )) ويسألك ؟؟؟

خبري أنت دارس في جامعات أجنبيه ،،، المفروض تكون مثلهم ولو نسبه بسيطه

الأساتذه والدكاتره في الجامعات الأجنبيه (( يخبروا طلابهم عن كل صغيره وكبيره ))


أتمنى أروح إلى (( مدينة الأحساء الجميلة ))

والتقي معك ياأستاذ أحمد


رسالة إلى جامعة الملك فيصل
رسالة إلى جميع الإداريين والمسؤولين في الجامعة
رسالة إلى أحمد الشعيبي


(( أرحمونا ترى لسه نحن مستوى أول ))


أتمنى أحد فيكم يرسل كلامي له على التويتر:

https://twitter.com/rrr898


قـــــهـــــر ،،، وينك يا بـــــحـــــر


تحياتي لكم
أخوكم / فارس

[malak.k.f]

بصيييييييييييييح

[توتا @]

يعني ماحدد مركز هههههههههه يوم عرفت وبحدد قالو بيغيرون

طيب وش السوات يعني ؟؟؟؟

[جوجو.]

من جد شي يقهر حماسنا راح على الفاضي ...

كل يوم نقول اليوم

[مثلي قليل]

كل يوم نقول اليوم وتتغير الاحوال<ادنندن
انا حددت ع جده وكيفهم بعدين لان وصل حدي
خلاص ملينا كل يوم ندخل ع امل فيه محاضره ومااافي شي وش السواه الحين

[ســــلآف]

أنا الحمد لله حولي خمسه مراكز وأنا في الوسط
تصدقون في المنطقه اللي أنا فيها مركز وحولي اربعه
ابعد واحد 70 كيلو وناسه هههههههههه
بس باقي محتاره اختار وين ؟؟؟؟

*
*
فارس كلامك عين الصواااااب والله من كثر ما انتظر البلاك بورد يفتح كرهته وودي ما عاد افتحه
وين المحاضرات وين الدروس وين الدكاتره وين وين بتودينا يا جامعة فيصل وين
ضاع الحماس اللي كان فيني والسبب الصبر مل من صبري

*
*
فارس والله لو ما كتبت انت هنااا ما ادري اني لازم احدد المركز
يعني الحين احدد ولا انتظر ولا وش السالفه ؟؟
فارس علمني تكفى
ياليتهم يحطونك مدير الجامعه

[فارس الرومانسيه]

المشاركة الأصلية كتبت بواسطة malak.k.f

بصيييييييييييييح

سلامة دموعك يارائعه

[مثلي قليل]

قسم بالله ياسلاف معاد لي نفس بالدراسه
من كثر ماياجلوون فينا ويودووخنا
وهذي بس البدااايه

[فارس الرومانسيه]

المشاركة الأصلية كتبت بواسطة توتا @

يعني ماحدد مركز هههههههههه يوم عرفت وبحدد قالو بيغيرون

طيب وش السوات يعني ؟؟؟؟

حددي مركز الاختبارات النهائيه ماعليك منهم

أنا حددت المركز

وأي شي جديد أو تغييرات لاسمح الله ،،، نضيف عليها ونختار الخيارات المناسبه لنا

الان دام مفتوح خاصية أختيار مركز الاختبارات النهائيه ،،، أختاري وماعليك من كلام الناس

[فارس الرومانسيه]

المشاركة الأصلية كتبت بواسطة جوجو.

من جد شي يقهر حماسنا راح على الفاضي ...

كل يوم نقول اليوم

ايه والله صدقتي

طفح الكيل