صارت مشكلة واريد منكم التكرم ...

[abome3ad]

السلام عليكم
مساء\صباح الخير
ابي اقول لكم المشكله من .. الى
اليوم جاي مسافر من عرعر الى الاحساء ودوامي بكره صباح وكان علي اختبار اللي هو اقتصاد بحكم المسافه جيت الساعة 7:45 !!!! المهم عيوو يدخلووني ! يابن الحلال دخلني ما راح شي مااااااافي
عيوو يدخلوني الاختبار انا ما صارت معي قبل كذا اتأخر ... عشان كذا قلت عز الله طاح المعدل تبون الجد انا استخفيت عندهم وكان فيه احتمال كبير امسك السكيورتي واجلده لانه هو اول من قال لي ممنوع تدخل اذا طلعوا الطلاب .
الا الان ما طلع احد من الطلاب الا وشوي واحد مصري دافوور طالع قدامي يا اني حقت عليييييه

رحت العميد وسحب علي ولا فادني بشي

المهم اني بأخذ المادة السنه الجايه او الترم الجاي

بس لا تخافون جبت لي عذر يعني اضمن لي


اللي ابي اوصله اذا تذكروون شي جاكم بالاختبار يمكن يفيد خويكم اللي كان معاكم بس عيا عليه السكيورتي

والسلام عليكم

[مشعلي]

http://www.ckfu.org/vb/t459356.html

تفضل وستجد ما يسرك والله يعوض عليك ويوفقك بالترم القادم

[هولمز]

وعليكم السلام وأناخوك .. خيرة أن شاء الله

ما تدري وش الله كاتب لك .. المهم أنك بتأخذ المادة معك الترم الجاي وعندك الملخصات

وأسئلة الأختبار , أطبعها وخلك جاهز من بدري .. وعسى أن تحبوا شيء .. وعسى أن تكرهوا شيء

.. وسع صدرك وفالك طيب

[نادر الروقي]

الله يعينك اخوي
المعدل ما راح ينخسف اذا جبت عذر
وانا تراني مثلك
مادة الاقتصاد الكلي اليوم راحت علي نومة هههههههههههه

الزبدة تجيب العذر وترسله لهم من خلال الايقونة, واذا قبلوه ان شاء الله
راح تضاف لك المادة الترم الجاي ببلاش (انتبه لا تضيفها انت, عشان ما تحسب بفلوس عليك)
لكن خلال هذه الفترة, بينزل لك في السجل الآكاديمي (f) يعني راسب, لكن بعد ما تنجح فيها تتعدل وترجع الامور صح.

بالتوفيق

[♡ иỉиα ..]

وعليكم السلآم ..
ليش مآدخلوك حسبي الله عليهم :)
والله العظيم إن فيه بنت دخلت الأختبآر آلسآعه 8 إلا ربع !!
يعني بنكمل سآعه وهي حضرتهآ توهآ تجي
ماقالوا لها شي الحمدالله متسآهلين معنآ ..
ترى من مدرسه لمدرسه ومن مراقب لمراقب فيهم متشدد وفيهم متسآهل
وأنت طحت بها آلمتشدد : (
يالله ماتدري يمكن خيره عشآن تفهم آلمآده زين وتعرف أسلوب آلدكتور

[abome3ad]

المشاركة الأصلية كتبت بواسطة مشعلي

http://www.ckfu.org/vb/t459356.html

تفضل وستجد ما يسرك والله يعوض عليك ويوفقك بالترم القادم

ههههههههههههههههه الله يعطيك الف عافيه توني ما اكلت لقمتي الا وانتم رادين علي عز الله انكم نشامى



الظاهر يا نادر اغلب الدفعه خربانين !! شلون لك قلب تنام عن الاختبار !!

عز الله انك صادقه يا كثرهم اللي يتأخرون ويدخلوون بس المراقب تصنف معاه ما تدخل يعني ما تدخل !!

بس الحمد لله ان شاء الله خيره عاد والله المذاكره مثل وجهي ....


بكره انجليزي ما اوصيكم افهموو القواعد حقتها لانها مو حفظ
بس الكلمات هي الحفظ واللي يبي شي يا ربع انا موجوود تلقوني داقها سوالف مع المراقب

[أسير المشاعر]

وانا اخوك الخيره فيما اختاره الله , وأسأل الله ان يوفق الجميع