....................... الآن انتهــــــى الاقتصـــــاد !!

[.. هيَـا ..]

ابتـــــــداء ..

مرحبا ..
كل النقاشات واللغط اللي صار من البارحة للآن .. بخصوص اختبار الاقتصاد الجزئي
أعذروني كلمتين بقلبي وما قدرت أسكت عنهم ..وتحملوني

ماسكين موضوع الكبسه .. والسودان
ع بالكم هذي مآخذ ع الدكتور يعني ؟!
وللعلم في أثناء شرحه للمحاضرات للي سمعها ذكر الكبسة والبرتقال والطماطم وأشياء أخرى كثيرة من أجل توصيل المعلومة لأذهانكم ..
كان شرحة مركز وما يلف ويدور ويشتتك أبداً .. وفي نفس الوقت ماهو مثل الآخرين يقرأ المحتوى ويمشي ..
وماشاء الله تبارك الله لولا تميز الدكتور واجتهاده ما وصل للمرحله هذي وفي التخصص الدقيق والصعب هذا ..
والآن لما ذكر الكبسه صارت مأخذ عليه ؟!!
لما جاب لكم من صميم الشرح وبأمثله مبسطه .. انتقدتوه ؟!
مالكم كيف تحكمون !!

كون إنكم ي أعزائي .. قررتوا بعد امتحان القانون تدورون ع ملخصات وأسئلة وتشوفوا المادة هذي أصلاً تحكي عن إيش
وفي يومين تكون مصبوبه صب في أذهانكم وتكونوا متمكنين منها
هذا مو خطأ الدكتور هذا خطأكم أنتم
وانشغالك ومسؤولياتك ودوامك بيتك وأطفالك وربعك وطلعاتك والتزاماتك العائلية ما يتحملها إلا انت .. وماهي عذر للإهمال والتكاسل
انتوا دخلتوا الجامعة بـ اختياركم .. فكونوا قدها أو لا تلوموا الآخرين
والدكتور يدرس الممتاز والضعيف والمتفرغ والمشغول .. يعني أنت مثلك مثل غيرك

واللي قالوا يارب ننجح ونجي نعلمه كيف الشرح .. اعذروني فيها
انت أنقذ نفسك الآن واجتهد في آداءك ... بعدين تعال انتقد الآخرين على آداءه

وعقليات تويتر اللي داخلين بها الجامعة وأي كلمة يعملون عليها هاشتاق ولغط .. كأنه ماسك عليك زله .. حاولوا تتخلصوا منها
وارتقوا رجاءا بعقولكم وأساليبكم ,,
واعلموا أن ما وصلنا إليه هنــا وفي مجتمعنا بصفة العموم كان سببه الأول احتقار العلم وأهله
وعدم حفظ الفضل والمكانه للمعلمين حتى ضاعت هيبة العلم وأضاع المعلم هويته
ولكم أن تقرأوا إن شئتم ...

عن أبي أمامة الباهلي رضي الله عنه قال : " ذكر لرسول الله صلى الله عليه وسلم رجلان أحدهما عابد والآخر عالم فقال رسول الله صلى الله عليه وسلم : (فضل العالم على العابد كفضلي على أدناكم )
ثم قال رسول الله صلى الله عليه وسلم : ( إن الله وملائكته وأهل السماوات والأرض حتى النملة في جحرها وحتى الحوت ليصلون على معلم الناس الخير )
رواه الترمذي وقال حسن غريب قال الشيخ الألباني: ( حسن ) أنظر: مشكاة المصابيح [1 / 46 ] وصحيح الترغيب والترهيب [1 / 19 ]


اعذروني أعرف إن بعضكم ما راح يعجبه الكلام .. لكن مثل ما قلت لكم في البدايه
كم كلمه تقرقع بقلبي ..
ورجاءاً لا أحد يجي يقول لأنك حليتي كويس وراح تنجحي .. وعجبتك الأسئله
وأنتي فاضيه وما وراك إلا تذاكرين وما عندك مشاغل
لأني علقت عليها فوق ..


ختــــــام ..

ألف ألف ألف شكر د. حسن الهجهوج ..
ألف ألف شكر .. تميزك كان واضح ..
وماشاء الله تبارك الله تمكنك من مادتك .. كان الأبرز وكان ملاحظ جداً ..
أسئلتك كانت شامله لكل المستويات .. ومن خلال شرحك
وبارك الله لك وفيك وجزاك عنا خير الجزاء
شكراً .. والشكر ما يوفي ..

[MS.MOODY]

جزاك ربي كل خــير خيتو هيوي
ربي يوفقك ويسعدك ..
وبصراحه كلامك ام الصحيح
والدكاتره كلهم ماقصروو بسطوو وسهلوو الأسئلة
واذا كان فيه عيب فهو من حنا الطلاب وعدم تركيزنا وفهمنا للمادة

وبالتوفيق للجميع ي رب ..

[♥ ρяɪиcєss]

الاسئئئئئئئئئئئئئئئئئئئئله روعه جدا ربي يعطيهه العافيهه ..
ويعطيكك العافيه على كلامكك الروعههه يسلمو جدا اختي
لكن تاذنين بخرابههه ياأإختي
مافيهه احد يسمععع لوتعطينهم الشمس بيد والقمر بيد بعددد بيذموووووون فيككك
لايعجبهم العجب ولاصايم برجب

والدكتور الدوغان ... ودكتور المحاسبه علاء الزهران هو اللي بيعلمهم كيف طريقه بالاختبار
وبيقووووووووولون الاسئله روعههه وبتشوووفون
انو كلامي صحيححح

وفق الله الجميع لمايحب ويرضى

[بحـر الكـلام]

اختي الفاضله

احنا ماننقص من الدكتور حسن الهجهوج بشي من علمه ولا بشخصيته المحترمه الدكتور حسن الهجهوج معروف في الجامعه ومعروف عند اغلب الطلاب بتميزه العلمي وبذكائه بالماده كل الطلاب الي درسهم من عام 2003 تقريبا قابلتهم وقالوا لي انه مره مسك العماده في الكليه ,,, بختصار احنا نتكلم عن طريقه الشرح من بدايه الترم كانت ليس لشرح طلاب توهم يدرسون اقتصاد بل كانت لطلاب حاصلين علي شهاده دكتوراه بالماده واسئله الاختبار اصلا لم نكن نتوقع انها سوف تاتي بهذي الطريقه الاسئله سهله صحيح لكنها ليست صريحه ومباشره فتتحول من النقطه هذي صعبه علي افكارنا المتواضعه اتمني انك فهمتي التحليل ويكون بعلمك انا من الاشخاص الي كنت اذاكر الماده من بدايه الترم حتي القوانين الانجليزيه نصها حفظتها والدكتور نفسه قال ماراح تدخل معكم بلاختبار ,,, باختصار شديد اسئله الاختبار ليست مقياس علمي للماده وانما كانت حظ ونصيب لنا ,,,, وكانت نجاح كبير للي ذاكروا اسئله بلغرسه

[راعي المعالي]

الحمد لله علي كل حال باقي مادتين والله يستر منها خاصتا المحاسبة

[كاتـم الأسـرار]

أنا ماشفت أحد يسب الدكتور بشخصه أو يتهمه بضعف تمكنه!!

الكل يشتكي من الماده كونها إقتصاد فهي جديده على الكل ومصطلحاتها تخلي الواحد يصير شكله كذا
أما الدكتور كتمكن ماعليه كلام

وشكراً لكي عموما على محاولتك لإنصاف الحق

[شرقيه وبس]

الله يجزاك خييييير والله كلامك:

كذا شي قلتيه والله كنت بقوله بس قلت وقت اختبارات ومالي خلق افتح موضوع اناقش فيه

هي الماده دسمه صراحه لكن هذي مشكلتنا مو مشكله الدكتور مفروض احنا دارسين من بدري ومختمين الماده واذا مو فاهمين صراحه في شروحات بالقسم كثير والطلاب مايقصرون.

والدكتور صراحه ماقصر حذف لنا وركز على اشياء لكن هذا ان شاء الله يكون درس لنا بالترم الجاي نمسك المواد قبل الاختبارات بفتره كافيه ...عل الاقل يجي الاختبار واحنا فاهمين الماده ومراجعينها ومطلعين على كل شي

والله يوفقنا وييسر للجميع يارب

..

[أشوآق ..!]

معاك حق بكل كلمه قلتيها .,,, كلام سليم 100%
صراحه اسئله الاقتصاد حلووه وسهله ,, وما فيها كلام ,,
ومشكوووره على الطرح المميز ,, بالتوفيق
الله يهدي الجميع ,, ويوفقهم ان شاء الله ,.

[لمُت نفِسٌيَ]

مساء الخير ..
ماشاء الله عليك تكلمتي بصوت ( العقل ) وفهمك الراقي !

معاك حق .. زودوها كثير بعض الزملاء وسبق وتناقشت امس مع بعضهم
لكن نرجع ونقول معذورين بسبب حلهم بالاختبار ونقدر لهم العصبية .. ولكن ليس التصرفات !

لكن لي مأخذ على جملة " عقليات تويتر " ..
العموم هُنا ماحبيته ب هالموقع الدكتور والداعي وصاحب الفكر والعقل الرزين ..

شاكر لك ..

[remih87]

كلامك ع العين والراس
ودكتور حسن أبداً ماقصر والله يجزيه الجنة ان شاء الله