نصيحة تنجحكم اليوم بأذن الله

[Ali2010]

بسم الله الرحمن الرحيم

السلام عليكم ورحمة الله وبركاتة

أخواني مستوى سادس ,,

قدر الله علينا وخذينا هالمادتين مع بعض اليوم ( ودي اخنق غدو .. مشيت بنصيحتها, )
المادتين .. فيها الواضح وفيها الي حشوو ,,
وبصراحه انا في كل مقرر ادور بعض الامور واعتمد على الله ثم عليها .. للوصول لدرجه ترضيني . والحمد لله الامور ماشية والله ييسر القادم ,,

عموماً وبدون ما اطول ,,
يومنا ( ادارة عامه وادارة معرفة ) ..

على شان كذا مادتين تتراكم المعلومات وتأثر على التفكير ,,

فكيف اقدم زين في الاختبار ..

أولا المادتين ,, ( معلومات ) مو مسائل رياضية ومعادلات ..
لو مسائل ماعندك الا حل واحد بس ولازم تحفظ المعادلات,,

طيب دام المادتين معلومات وش احتاج ..
اذا بديت سم الله وتوكل عليه .. ولا تقراء الاسئله .. ابداً ابداً ..

ابداء من اول سؤال بس ولا تقراء غيره
حط ورقة الاجابة على السؤال الثاني على شان ما تشوفه
.. على شان ما يتشتت مخك في سؤال صعب .
اذا قريت السؤال ..
ما تحتاج انك تعور مخك وترجع وتقول يالله وش الي مكتوب في المحتوى عن هذي .. و هنا تتداخل الاسلاك في بعض

الي عليك ان تروح للاختيارات على طول بعد ما تقراء السؤال بتركيز.. بتركيـــــــــــــــــز ..

مثال بسؤال في الادارة العامه من الواجب :

الهدف من ادارة الاعمال هو :
1- تقديم خدمات عامه.
2-تقديم خدمات ذات جوده عاليه بدون ارباح.
3- العمل على رضاء الجمهور المستفيد من الخدمه.
4- تحقيق اقصى ربح وتوسع في الحصه السوقية.

يعني شويه تفكير وتملحه بشويه تركيز ,, وتعرف الاجابة ,, بدون ما تتعب مخك ..
ناخذ الاختيار الاول مثلاً
هل ادرة الاعمال تقدم خدمات عامه ,, بالعقل لا.
الثاني هل خدماتها بدون ارباح ,, بالمخ الاداري الي مثل مخي لا برضوا .. وهكذا ..
وتواصل الاختيارات
واذا حسيت ان الاجابة الصحيحه حط خط بقلم الرصاص على الحرف في ورقة الاجابة (أ) (ب) (ج) (د) لا تضلل.
(تحط خط للي مشكك فيها )

وحط علامه على السؤال في ورقة الاسئلة.
وكمل .. الاسئلة الثانية ..
وقت المراجعه ارجع للي مشكك فيها واقراها مره ومرتين ,, بتوصل للحل أن شاء الله ..

وترا لو انت مذاكر زين او مش حالك .. راح تلقى اسئله بتشوفها واضحه مثل خشت صاحبك ..

فالكم النجاح ,, ما ابي اقول a+


تحياتي ,,,,,,

[تذكــآر]

وعليكم السلام ,, ويعطيك العافية ...
فعلًا الهدوء هو المطلوب حتى يرجع كل سلك لمكانة ^^


والتوفيق حليفنا بإذن الله

[jar7y]

نفس طريقتي بالاختبارات .. مستحيل أقرأ الاسئلة أول ما استلمها ..

بالعكس أخذها حبه حبه .. وكذا أفضل لي عشان اركز وما اتشتت

ربي يعطيك العافية Ali

[ناسي اسمي]

طيب وش حل السؤال اللي بالمثال

صدقت والله احيانا نحل اسئله على الفطره وتطلع صح

التركيز من اساسيات التنقيز

[ابوفيصل88]

الله يجزاك خير

[روان انتساب]

نفس طريقتي بالحل بس اوقات اجيب العيد لما استخدم ذكائي الغير عادي في اجابة سؤال ما اعرفه

سلمت يداك عالنصيحة والله يوفقنا جميعاً

[tµ£!p]

يعطييك الف عافيه وماقصرت ..

والله يسهلها عليكم إن شاءالله ..

وبالتوفيق ..

[امل الروح]

الله يساعدكم ويسهل عليكم يارب انا ماخذت اداره عامه بس ادارة المعرفة لاني جدولي كل يوم مادة فمابي تعارض بعد