إستفسار لمن يملك الإجابه " توني مشترك" أرجو المساعده

[محمد التويم]

عندي نماذج محلوله من إختيارات المحاسبه لكن بعض الحلول أشك فيها وأتمنى المساعده
مثل :
خصمت المنشأه كمبيالة محلات الرضا بمبلغ 60 ألف ريال إستحقاق ثلاثة شهور لدى بنك الرياض , وذلك مقابل مصاريف خصم بمعدل 6% سنوياً , في هذه الحاله فإن المبلغ المضاف لحساب المنشأة في البنك هو :
أ- 60600 ريال
ب_ 59100 ريال
ج_56400 ريال
د-59000 ريال
الجواب المحلول هو (ب) لكن حسبتي أنا تطلع (ج) , وش الجواب الصحيح وإذا كان (ب) أرجو التوضيح .
------------------------------------------------------------
عندي إستفسار بخصوص المحاضرات وأنتم عارفين التقطيع والبهذله , هل دخولي للمحاضره من الإفتراضي أو البورد لمدة 3 دقائق تحتسب درجه ؟؟
أفيدوني جزاكم الله خير

[اسمرني]

السوال الاول يجي من يفيدك
اما الثاني في الاغلب يقول اقل شي 15 او 30 دقيقة

[دنيا الغموض]

الحل :
مصاريف الخصم السنوية = 60 الف × 6 ÷ 100 = 3600 ريال .
بس هو يقول استحقاق 3 شهور بس يعني = 3600 ÷ 12 = 300 ريال هذا حق شهر ومنه × 3 = 900 ريال هذا حق 3 شهور
البنك ماراح يسوي لك شيء بلاش علشان كذا نطرحها من المبلغ لان هذي رسوم البنك ( اتعابه )
يصير المبلغ اللي بيدخل الحساب = 60000 - 900 = 59100 ريال


موفق

[محمد التويم]

شكراً
وياليت أحد يفيدني بحضور المحاضرات ودرجاتها ( العلم الأكيد)

[dooda nouri]

بالنسبه للمحاضرات بعد 5 دقايق ينحسب حضورك

[دنيا الغموض]

النوع الأول :

المحاضرات المسلجة : هذي الله يسلمك عددها 14 محاضرة لكل مقرر وهذهِ اللي حملتيها وانتهيتي منها ع حسب كلامك وعليها 7 درجات ..

هذهِ يطولي بعمرك تحصلينها في النظام الافتراضي أو البلاك بورد ..

النوع الثاني :

المحاضرات المباشرة : هذي الله يسلمك 3 محاضرات لكل مقرر وعليها 3 درجات وتحصلينها في البلاك بورد فقط ..

ونزلت المحاضرات الأولى والثانية واليوم تبدأ الثالثة ..

المحاضرات المباشرة إذا ما حضرتيها في وقتها راح تنزل لك مسجلة وتحصلينها في البلاك بورد في ايقونة المحاضرات المباشرة بس أفضل شي أنك تشوفينها في وقتها مهما كلف الأمر ..

والسبب احيان إذا نزلت تكون فيه مشاكل بالتنزيل وقد تفوتك المحاضرات بسبب المشاكل التقنية التي لا حول لك فيها ولا قوة ..

لا بد من تحميل برنامج جافا حتى يتم تشغيل المحاضرات المباشرة ..

المحاضرات المسجلة 7 درجات والمباشرة 3 درجات المجموع 10 درجات ..

أتمنى قدرت أوصل لك المعلومة بشكل الصحيح ..