سؤال عن الموارد وملخص صبا الهفوف

[أم زيودي]

صباح الخير على الجميع

كيف المذاكره والشطاره معاكم
بسال عن الموارد البشريه وما أدراك ما الموارد البشريه الله يسامح الى ادرجها عندنا في خطة المواد هذه الماده ما تنفع للناس الي مثلي العقل مصدي من زمان الله يعين

المهم قررت بعد حوسة يومين مع الموارد وما فهمت فيها شئاني اعتمد على تلخيص صبا الله يجزاها كل خير بس السؤال للمذاكرين او المطلعين على الملخص هل هو شامل كل المهم والسؤال الاهم من كذا لازم اسمع المحاضرات يعني ضروري ولا تتوقعو مع الملخص تمشي الامور المشكله انها 3 ساعات ومافي وقت لسماع محاضرات

معليش طولت عليكم واخذت شوي من وقتكم الثمين

[إحساس سلطان]

أنا خلصت الموارد

الماده صعبه في بدايتها وخاصه المحاضرة الثانية والثالثه والرابعه

اذا حفظتيهم وفهمتيهم عدل

بتصير باقي المحاضرات سهله جدا"

ذاكري الثلاث محاضرات ( 2 + 3 + 4 )

وبعدها بتشوفين شلون تسهل الماده

ولا تخافين من المادة خاصه انه عندنا لها 140 سؤال مجموع اسئلة الترمين

وحليت اللي مو محلول منها وراجعت باقي الحلول واصبحت جاهزه وبنزلها بعد المباشرة الثالثه

لا تخافين وعيني خير وركزي فيها شوي وانسي باقي المواد وصدقيني راح تمشي معك وبتشوفينها سهله

شرط حفظ الثلاث محاضرات اللي قلت لك عليهم

موفقه

[(خالد)]

والله مدري شقل لك بس انا سمعت المحاضرات كلها واحس مامنها فائده .

الحفظ الحفظ لاغير .

[صبا الهفوف]

انتي تسالين عن الملخص الى انا سوية اذا اتي قد الحفظ الصم الحرفي ايوه يكفي بمعنى انا ماخذفت شي اشوفه مهم اما انه مكرر او شرح لنقاط والى شفته من طريقة الدكتور انه يمسك الملزمه ويكتب منها بالنص بس يحب يدقق يعني الى تمر عليك وتشوفينها خطوات انا تركتها بالارقام لان الدكتور بسال عن الخطوه بالعدد يعني يقول ماهي الخطوه الثانيه من خطوات كذا وحذفت مايتعلق بالرياضيات وهي جزيه بسيطه في المحاضره الرابعه والعاشره
الملزمه كبيره بسبب الجداول والتصاميم والحركات الى فيه بينما ان كتبته بس بدون جداول او تصاميم ولو تفتحين الملزمه وتقارنين بين الملخص والملزمه بتعرفين اش اقصد
بالتوفيق ,,,,

[أم زيودي]

تسلمون ما قصرتو جميعا

[السنيدي]

والله يالمحاضرتين الاولى قريت ملخص صبا دخلن مخي 100%

[((هــاجسـيs))]

احساس كفى ووفى

نصيحه ,,,


اذا جد عندك وقت ارجعيلها واسمعيها المحاضرات الاربع الاولى

اذا فهمتيها قضيت ع نص المنهج