أبي أستشيركم بموضوع خاص <<

[سيدة الأسئلهـ]

.



السلام عليكم .. أخباركم عساكم بخير


ممممم أنا ياطويلين العمر سجلت هالسنة انتظام بجامعة الدمام


والسبب ياجميلين الذكر لأن تخصص المحاسبة اللي أبيه ماهو موجود عندنا


ولهالسبب سجلت انتظام والأحلى ان التخصص بجامعة الدمام كله يندرس بالانجلش


طيب وين المشكلة ؟


المشكلة هي الجريمة اللي قررت أسويها.. وهي من زمان ببالي بس الحين نفذتها


أنا ياأصدقائي الحين أدرس انتظام وتعليم عن بعد مع بعض


يعني يوم انقبلت انتظام مانسحبت من فيصل


قلبي ماطاوعني والله تعلقت فيكم وأحس لو بنسحب بترك فراغ كبير بحياتي


والسبب الرئيسي ماأبي تعبي سنتين بجامعة فيصل يروح عالفاضي

للاسف مارضوا يعادلون لي الساعات بالدمام قالوا لأنهم يدرسون المواد بالانقلش اما فيصل بالعربي


أبوي نصحني كثير وقال لي ضغط عليك بس أصريت ع قراري


فاللي أبي أستشيركم فيه هو ... بما أني الحين إدارة أعمال بفيصل ..

فكرت بعد مانقبلت انو لو درست محاسبة بيصير قريب من ادارة أعمال ..

يعني أحس الأفضل إني أدرس تخصصين مالهم علاقة ببعض..


وش رايكم .. انا الحين محتارة بهالتخصصات وماأدري وشهو التخصص اللي يدعم إدارة أعمال

وبيفيدني لو درسته .. هذي التخصصات اللي انا محتارة فيها

نظم معلومات .. محاسبة وكل تفرعات ادارة أعمال ... هندسة طبية .. حاسب آلي


وش رايكم ؟


لي رجاء عندكم ماأبي ردود تحطيم قد نزلت موضوع مشابه بالقسم العام ونزلوا فيني تحطيم


أنا محتاجة تشجيع باللي أسويه ... فلا تحطموني =)






وشكراً ..






.

[أسطوره شموخ]

مدري بصراحه إذا كان اللي نفذتيه جريمه ولا لا
يعني انتي قبل ماتسجلي في جامعة الدمام كان لها شروط بهالخصوص او لا
إذا ماحددت شروط من هالناحيه توكلي على الله ومايجيك الا اللي ربي كاتبه
الف مبروك ع القبول ربي يوفقك ويحقق لك ماتصبين إليه يالغلااا
بنسبه لتخصصات ماقدر افيدك بتخصص معين استخيري وشوفي قدراتك الماده اللي تلاقين نفسك فيها اوكي توكلي على الله واختاريها
موفقه ياارب

[الثقل كله]

الله يوفقك ويسعدك قرار حلو بس اخاف من الضغط ينزل معدلك ..عموما التخصص مانقدر نحدد لك اياه انتي استخيري وشوفي وش تميل له نفسك ..لكن عندي سؤال جامعة الدمام ماطلبو شهادتك الاصل؟؟؟

[أشواااااق]

وعليك السلآم والرحمه

ي أهلن وسهلن ب سيودهـ
إذا إنتي بخير ف حنا بخير ..

ماشاء الله عليك , ع البركه القبول
وعسى ربي يوفقك وين م كنتي

بخصوص التخصص
من رآيي أفضل إنك تدرسي تخصص قريب من تخصصنا
م رآح تتلخبطي أبد , ب العكس بيكون عندك كم هائل من المعلومات بنفس المجال
إذا لك رغبه ب المحاسبه لا يردك شيء وتوكلي ع الله


شدّي حيلك ,
وفالك النجاح

[ناسي اسمي]

ياخوفي تعجبك الامام وتسحبين من فيصل

لا لا سيده لاتتركينا

مذاكره بدون سيدة الاسئله مثل الشوربه بدون شوربه

من يحل لنا الاسئله بعد الاختبار من يراجع لنا


ارجوك اصملي بالجامعتين اذا مايخالفون

انا اقول محاسبه ورأيي هذا لايفسد طعم الشوربه

موفقه وتستاهلين كل انواع الخير والمسرات

[kawid]

اتوقع تواصلين ادارة اعمال لأنها تفتح لك مجال في المستقبل للماجستير ممكن تواصلين الماجستير في كل من عمارة وادارة مستشفيات ومحاسبة وحاسب آلي وكثير من التخصصات خاص اذا تقديراتك ممتازة .
اما مجال المحاسبة لا مستقبل لة الا المحاسبة .
الله يوفقك وصلى استخارة وفالك التوفيق .

[ام فجورة]

وعليكم السلام ورحمه الله وبركاته
اختي سيوده
الف الف مبروووك قبولك في جامعه الدمام وفالك التوفيق والنجاح بكل الجامعتين. وانت قده ,,,,
واعلمي ان الوسيله الوحيده للنجاح هو الاستمرار بقوه حتى النهايه,,,,,
واعلمي ان التنافس مع الذات هو افضل تنافس في العالم فكلما تنافس الانسان مع نفسه كلما تطور,,,
بحيث لايكون اليوم كما كان امس ولا الغد كما كان اليوم,,,,
وفقك الله لما يحب ويرضى

[شَمـس]

#

وعليكم السلام وَرحمة الله
أهلاً بـ صديقتنا وَ مبروك القبول ،
شوفي اللي يناسبك وتوكلي على الله
* اهنيك خطوة رائعه وَشجاعه ..
بـ التوفيق والنجاح

[Q_Qبياع الورQ_Q]

الف الف مبروك على القبول و فالك الدكتوراة ان شاء الله

اسف على لقافتي و اتمنى انها ما تكون تحطيميه
عموما الدراسه بشكل عام في الجامعه جدا رائع
و الحياه الجامعيه ممتعه رغم كل المصاعب و الضغوط اللي نواجهها لكن
حبيت اقولك راجعي نفسك ولا تغرك متعتها لان ضغطها قاتل و طريقتك
فيه من المصاعب ما يكفي و غير ها مضيعه للوقت و مثل ما قالو الاوليين من امثالهم ( عصفورين ما ينمسكون في ايد وحده ) وراح توصلين
الى طريق راح تخيرين بين الجامعتين لانهم راح يطلبون أصل الشهادة الثانويه و غير
هذا ما فكرتي بعد التخرج ايش راح تطلقون عليك اتوقع ( مجمع دكاترة مو ) المهم انا اقولك اعيدي
النظر في امرك ولا عليك من أحد لان في النهايه انت من سيتضرر لا سمح الله خليكي على واحدة لا تضيع منك الجامعيتن.

[ابو عشوان]

اولا مبروووووووووووووووك القبول


والله راح يكون عليك ضغط مهوووووووووووول صعبه مره
بس لو قدرتي تنضمين جدولك كويس

ركزي على فترة الاختباراة لو صارت بوقت واحد وربي بتدقين اصبع


بس انتي طلبتي النصيحة بالتخصص عني انا انصحك بالقانون مع ادارة الاعمال شي خيال بيصير

بس اهم شي انك تدخلين شي تحبينه


وربي يوفقك ياصديقتنا