 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2012- 9- 10
|
||||
|
||||
عيوب x عيوب
السلام عليكم ..
بالموضوع هذا ماادري ابدأ ف ايش وانتهي ف ايش !! شيء يقهر بجد !! جامعتنآ ااو كليتنآ بالاخص كل مالها وهي بالنازل !! 4 سنين وانا فيهآ ودآخله سنتي الخامسه وماشفت فيها شيء زين !! مانبي شيء زين نبي شيء يمشي الحآل كل سنة نظآم وكل ترم في خلل وكل شهر طالعين لنآ بسالفه الى متى !! الدول والشعوب تتقدم وتتطور وحنا لسى معفنين مع انظمتنا , ويآليتها الانظمه اللي ماشيه عدل , شيء ينرفز , اول ماتدخلين الكلية الارض تراب المظلات مشيوله , هذا بالله تعديل ولا تخريب !! اجازه 4 شهور ماقدرتوا تخلصون صيانة الجامعة قبل الدوامات !! شمس تضرب فينا بعز الظهر , غير البنات اللي ينتظرون الباصات بالساعه والساعتين وربي لو هي دوله اجنبية وحيوان جالس ف مكان زي كذا صارت قضية مطالبة بحقوق الحيوان .. وحنا المسلمين استغفر الله , الدين عندنا شيء وتطبيقنا شيء ثاني , مافي خوف ولا رحمه ولا ضمير , الدكتورات يطلعون من بوابه قريبة مرا خطوتين وهي بالسيارة مظللة ومرتبة , وحنا طالبات بالالوف نمشي حالنا حال البهايم . اعداد كبيرة للبنات زي كذا وكل يوم تشوفين لك اشكال جديدة , مايحتاج له امن اكثر !! حاطين لنا 7 مدري 8 من الامن على امة محمد ,!!! يمسكون مين ولا يخلون مين !! صار وجود الامن وعدمه واحد , موظفة الامن صارت تحتار تشوف مين ولا مين ! وسالفه البنت اللي مصوره البنات وحاطتها بالبي بي .. هذا شيء ماينسكت عليه . اليوم سكتنا بكرا بتطلع وحده تصور بنت وبنتين وثلاثه ... وبتصير السالفه مو بس سالفة انتقام سالفة تسلية باعراض البنات , كل من طرا عليها قامت وصورت , ممكن تبيع شرف البنت بصورة ممكن ترسلهآ لشباب يبتزونها ... مممكن وممكن يكون فيهآ اشياء اكثر من كذا , بسبب اهمال ادارة الجامعة , حتى لو كان السبب قلة الامن , مو عذر تكون الكلية بهالتسيب , اقلها يوظفون طالبات بالجامعة سريات , انا بنفسي مستعده اكون متطوعه بذا الشيء , لان الوحده ماتظمن نفسها بكرا ماتتصور وتنتشر صورهآ بسبب وحده مريضة او معقدة او مكبوته او ايآً كان , قبل تشوفين البنات ماسكه بي بي ويمكن شايله الكام يمكن لآآآ , الحين صرت اشوف الايفون والجالكسي عينك عينك !!!!!!!!!!!! وين قاعدين معليش , شاطره الامن تشوف بطاقتي قبل ماادخل بس , علميني بس البطاقه وش تفيد ! ترا البطاقة تقدر البنت تنسخها 1000 وتوزعها على البنات ويدخلون ! بس بنت معها بطاقه وتصور بنات عااادي الوضع يعني !!! . الموضوع ماينسكت عليه ابد لازم حل , لو اني عارفه موضوعي هذا ماراح يقراه الا طالبات حالهم من حالي بس الكلام اللي بداخلي لازم ينكتب هنآ , ومااتوقع انا لحالي اعاني كل الطالبات مثلهم مثلي , من كل النواحي الجامعة مقصره معنا , الضوابط , القوانين , التسجيل واخ من التسجيل , وموظفات الشؤون كوم والكلية كوم ثاني .. الى متى موظفاتنا باعمار جدتي , وتكلمك باسلوب تحسسك انك تشتغلين عندها , ولا تدفع لك مكافأتك من جيبهآ , لاهي قادرة تفيدني ولا تدلني على احد يفيدني :) !! الدين = المعاملة .. يارب انا مااعلمك كيف تادين وظيفتك بس يارب اني اجيك باسلوب ياليت الاحترام يكون متبادل احتراما لسنك و تقديرآ اني بعمر بنتك ! نقول احيانا ونتعذر لها يمكن عندها ظروف او ضغط عمل ! بس مو معقوله كل المكاتب كذا , وكل يوم كذا الى متى بالله !! اقسم بالله صرت اقدر الغرب والاجانب بشكل موب طبيعي معاملتهم لي بشكل ودي وابتسامه واسلوب بالله مين النصراني ومين المسلم -.- !!!!! ترا تعبنا كل مالنا وحنا نرجع ورا مافي اي تقدم !! المهم تعبت هذا اللي عندي  اللي حابه تضيف شيء مافي مانع  التعديل الأخير تم بواسطة 4ooo8_4ever ; 2012- 9- 10 الساعة 11:45 PM |
|
2012- 9- 11
|
#2 |
|
أكـاديـمـي فـضـي
|
رد: عيوب x عيوب
كفيتي ووفيتي يعطيك العافيه
الاهمال والتسيب في اصلاحات الكليه ياليت الكلام يوصل للمسؤؤلين |
|
2012- 9- 11
|
#3 |
|
أكـاديـمـي فـضـي
|
رد: عيوب x عيوب
بس ودي اتكلم بنقطه تتعلق بالموضوع
بالله هل هذا منظر كليه من اول ماتدخلين فيها الالاف من الطالبات خلينا نفكر تفكير سطحي شوي فرضا هذا المبنى اللي نشوفه الحين وكل يوم ندخله مو اسمه كلية الاداب كل واحد بيظن انه مبنى مهجور الوضع xxxxxxxxxxxxx نجي للكليه من الداخل جزء يتعلق بالبنات ونظافة الكليه بليز سؤال وجاوبوني عليه هل المناظر اللي نشوفها من ناحية علب الشرب واكياس الاكل اللي بكل زاويه ومرميه بطريقه بشعه هل المناظر ذي من اساليب بنات جامعيات ؟؟؟؟؟ الى الله المشتكى حال كليتنا يحزن الكليه مو عيوبxعيوب الا عدم في عدم ياصبر أيوب |
|
2012- 9- 11
|
#4 |
|
أكـاديـمـي ذهـبـي
|
رد: عيوب x عيوب
كلامك كله صح , الله كريم , والله مساكين البنات اللي انتشرت صورهم أنا شفت الصوره وضاق صدري , الأمن مفروض يشدد عالجوالات , الحال محزن والله يعين نبي نتخرج بسلام ,, هونيها وتهون إن شاء الله , والله يوفقك يآرب .
|
|
2012- 9- 11
|
#5 |
|
أكـاديـمـي نــشـط
|
رد: عيوب x عيوب
يعطيكـــ العافية كفيتي ووفتيتي
|
|
2012- 9- 11
|
#6 |
|
أكـاديـمـي ألـمـاسـي
|
رد: عيوب x عيوب
انا مو قاهريني غير الموظفات . جالسة في مكتب وع كرسيها ومكان بارد وفي النهاية من نسالهم يعصبون ؟
ماهم قد الوظيفة يخلوها لغيرهم |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ جميع التخصصات ] : ¯−ـ‗ऊ_»ऋँ: للقضاء على فايروس autorun.inf حملي البرنامج من هنا :ऋँ«_ऊ‗ـ−¯ | bassmah | منتدى كلية التربية بالجبيل | 5 | 2012- 2- 19 07:04 PM |
