 |
|
||||||
| منتدى كلية العلوم بالدمام منتدى كلية العلوم بالدمام ; مساحة للتعاون و تبادل الخبرات بين طالبات كلية العلوم بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2012- 9- 22
|
||||
|
||||
|
مشـــــاكل تسجيل كل ترم بكليــــة العلــوم <<~ معا للحل المشكلة
السلام عليكم ورحمة الله ...
بصراحه انا مستغربه مافي أي مواضيع شكاوي بهالخصوص مع انه اهم شي بالنسبه لنـآ يعني اشتكينا عالكلية بأنها غير صالحه ونشرنا الشكاوي وبعدها تم التجاوب بحمد الله وبعد نشرنا شكاوي عن الكفتيريا وزحمة الباصات ووو والحمدلله تم التجاوب لكن تركنا أهم مشكلة لكل طالبة في حقها من حصولها على مقعد في أي ماده ترغب في دراستها... يعني كل ترم مشاكل التسجيل الشعبه مغلقه ويورح ضحيتها طالبات متخرجات وطالبات تكون هذي الماده متطلب لكذا ماده بعدها وغير التكدس قدام مبنى علوم 6 وغير الموظفات اللي مكشرات ومالهم خلق يعني بصراحه جد معاناه كل يوم نداوم في اسبوع التسجيل وبالأخير الماده ماتتسجل بحجة لايتوفر مقعد !!!!!! ولو يبيعونه بفلوس كان شريناه أهم شي نخلص اللي علينا ونتخرج وغير الدكاتره اللي تقول اكتفي وياخذون رأيها الطالبة تدخل هالكورس ولا لأ ليييش هالتعذييب انا من حقي وحق كل طالبة منتسبه يكون لها مقعد اجل ليش انقبلنا من البدايه بهالكليه دامها ماتوفر مقاعد كل شكلة ولها حل ... وانا فتحت الموضوع عشان نضع حد لهذي المشكله اللي مو راضي أحد يتفهمها وابشركممم انا خريجه واهلي فرحانين انها آخر سنه لكن للأسف فيه مادة ماتسجلت لي  يابنات لازم نرفع شكووى الترم الجاي خلاص ماعاد نبغى هالمهزله هذي كل طالبه تسجل لها حق تاخذ الماده وتدرسها حالها من حال غيرها ليه الظلم السابق هو اللي يغنم وانا تعطل معاي النظام خلاص م اخذ الكورس ليش .؟؟؟ وبغض النظر عن تعطل النظام وغيره مفروض متى م أدخل اخذ الماده اللي ابغاها لو اسجل بآخر لحظه في تسجيل المواد صح ولا لأ ..أبسط حقوقنا يلا أبغى تفاعل وحل يعني مشكلة الشعبه ممتلئه يفتحون ثانيه بنفس الوقت احنا نبغى ندرس مو مشكلتنا ماكفت قاعتكم ولا الدكتوره مو راضيه المايك لكم 
|
|
2012- 9- 22
|
#2 |
|
أكـاديـمـي مـشـارك
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
غريبه ليش محد يرد مايهمكم الموضوع
 
|
|
|
|
2012- 9- 22
|
#3 |
|
أكـاديـمـي نــشـط
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
أيوه صح معاك حق
أنا أعرف بنات ما أخذوا كم مادة عشان كذه طيب هي أيش ذنبها؟! صحيح إني الحمد لله تسجلت معي كل المواد ,, لكن هذا ما يمنع إني أبدي رأيي في هالموضوع وحاسة بالضيق كأني أنا اللي مو مسجلة مو صديقتي وأتمنى أنهم يسمعون صوتكم ويستجيبون لمطالبكم ولا تستسلموا تقبلي مروري بالتوفيق |
|
|
|
2012- 9- 24
|
#4 | |
|
أكـاديـمـي مـشـارك
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
اقتباس:
بس انا اتكلم عن الترم الجاي والسنوات اللي بعدها انو خلاص مابنغى يتكرر هالشي بس للأسف البنات انانيات ماتوقعت محد يتفاعل بالموضوع يعني انتي تسجلت موادك كلها والحمدلله شوفي غيرك انحرم ويمكن تكونين انتي الضحيه الترم الجاي احنا نبغى شكوى وحلول نهائيه بس مالاحظت تفاعل ولا شي خلاص براحتكم ان شاء الله اتخرج وانتم كيفكم 
|
|
|
|
|
2012- 9- 24
|
#5 |
|
أكـاديـمـي فـعّـال
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
معك حق دلع
انا مثلك بس مو شعب مغلقة لا حاطين لكل ماده شعبة وحده بس .. وكلها تعارضات .. رحت وتكلمت ..العذر مافي دكاترة ..  الشكوى لله بس وش نقول ...  معليش ع التاخير في الرد .. |
|
|
|
2012- 9- 24
|
#6 | |
|
أكـاديـمـي مـشـارك
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
اقتباس:
يعني بنتين ولاثلاث محد راح يعطينا وجه مفروض كل بنات الكلية يتفاعلون |
|
|
|
|
2012- 9- 25
|
#7 |
|
أكـاديـمـي نــشـط
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
وعليكم السلام ورحمة الله وبركاته
ايي والله يادلع جبتيها على الجرح  أنا بعد الترم الي فات مادة وكانت مادة عامة وعديتها بس هالسنه مادة تخصص بس ترى في مواضيع فتحوها البنات لهذا الموضوع و انحذفت لانها انتهت بخلافات بين البنات فتم اغلاقها واعتقد انه البنات ساكتين لانهم يأسوا انه الحال يعتدل أصلا أو انهم ماقد جربوا انهم ينحرموا من مادة وهي من حقهم و بعد خوفا من الخلافات الي يمكن تصير بينهم من جديد سوري ماأفدتك بشي بس حبيت أبرد خاطرك شوي  تقبلي مروري وعقبال ماتبشرينا بتخرجك 
|
|
|
|
2012- 9- 25
|
#8 |
|
مشرفة منتدى كلية العلوم بالدمام سابقاً
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
وعليكم السلام ورحمة الله وبركاته
اولا عذرا على التأخير بالنسبة للشعب المغلقة ما اقول الا الله يهدي هالدكتورات اللي كذا فعلا وشذنبكم واساس المفروض الاولوية للخريجات في المقاعد مع ان المقاعد حق للطالبة اللي وصلت مستوى المادة ايا كان وضعها فلازم يكون فيه نظام يجبر الدكتورة انها ماترفض تسجيل الطالبات ايا كان العدد دام ان المادة من مستوى الطالبة او اقل واشدد على الخريجات والمتعثرات وان شاء الله ماتتكرر الخلافات اللي في المواصيع السابقة وتكون جميع وجهات النظر محترمة حتى لو كانت مخالفة لان المنتدى للجميع وكل وحدة لها الحق تكتب اللي تبي مادامت مو مخالفة القوانين والله يكون بعونكم وييسر اموركم وتتخرجون بأعلى المعدلات ... اللهم آمين
|
|
|
|
2012- 9- 25
|
#9 |
|
متميزة بمنتدى كلية العلوم بالدمام
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
لا تتعبين نفسك اختي انا حطيت موضوع مثل هذا قبل كذا في شهر رمضان وماصار تجاوب
والبعض فهمني خطا ومثل ماقلتوا البنات انانياااات كل وحده تحل مشكلتها وبس ماهمها غيرها مع انه هي تتعذب اول شي بس بعدين تنسى لماتنحل المشكله راضيين بالوضع الفاشل مايبون يرتقووا مثل الجامعات الثـــــانيه ماشاء الله صرنا نتحسر على وضعنا معهم انا توي بداية مشواري وشفت الووويل منهم ومن معاملتهم وقوانينهم الزفت كل ترم ينزلوا لي المعدل وما اخذ غير 4 مواد ومافي تخصص والشعب تتقفل وجدول زفت فاضي وكل يوم على محاضرة لو اتكلم للصباح ما انتهي من ذكر مغامراتي معهم وانا صار لي معهم سنه وهاذي الثانيه بس يعني لما اتخرج يبي لي مذكرات اسجل فيها بلاويهم  .. والله المستعان ان شاء الله تتخرجي قريب وترتاحي منهم ومن بلاويهم اللي ماتنتهي |
|
|
|
2012- 9- 26
|
#10 | |||
|
أكـاديـمـي مـشـارك
|
رد: مشـــــاكل تسجيل كل ترم بكليــــة العلــوم <<~ معا للحل المشكلة
اقتباس:
الله يفرجها عننا ونفتك من مشاكل التسجيل المشكله مايدورون حلوول ولا كان حتى الموظفات ووكيلة الشؤون ارتاحت اقتباس:
وحده من الدكاتره تقول عندي زحمه المقاعد 50 طالبه تكفي !! طيب ليش 50 والباقين وش يسوون حسيته فصل مو كليه وقاعات مفروض تستوعب اكبر عدد من الطالبات بس وش نقول الله يعين اقتباس:
يعني اضمن بعد 3 سنين الكليه بتنفجر من تكدس الطالبات والاوضاع لو م انحلت بتزداد سووء الله يعيينا ونتخرج بسلاام 
|
|||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
